1 Bakorinto 6:3 - Indagano Inyaaya mu-Chijita

³ Mutakumenya ati chiriramura noorwo bhamaraayika? Araabha nikwo kutyo jiri, mbe, omukenwa mumare emisango ja obhurame bhwa bhuri rusuku.

INDAGANO INYA:YA

³ ?Si mutakumenya ati, eswe ciritemera ba:naraika ecima? ?Mbe ke:cirema kutiki okuramura ebyo buanga bunu?

1 Bakorinto 6:3 Iomraidhean Croise

Matayo 25:41

“Niwo, niribhwira bhanu bhari rubhaara rwani rwa ebhumoosi ati, ‘Musooke anu, emwe bhanu Nyamuwanga eeyiimire! Mugende mu‑muriro gwa akajaanende koone gunu Nyamuwanga eeraabhire inguru ya Syetaani na bhamaraayika bhaaye.

Ruuka 21:34

“Mwikenge! Emyoyo jeemwe jaasiga okwisigomba kukora jitungwa jimbiibhi, obhunanamba, obhukorwa, na echibhabhuko cha obhurame. Mukarema okutengeeja, orusuku rwa okusubha anye Omwana wa Omuunu ruribhatakya!

Ruuka 8:14

“Jimbibho jinu ꞉jaaguuwe mu‑mawa, ejisusanyibhwa na abhaanu bhanu abhoongwa omusango gwa Nyamuwanga, nawe nibhayiganywa na obhwiganirisya bhwa obhurame bhwa ku‑chaaro na obhurigire bhwa obhuniibhi. Ejo nijo ejikora eriikirisya ryebhwe ritakusoosya amatwasyo ga ekisi.

Barumi 6:16

Mutakumenya ati, mukeesoosya ku‑muunu na okukora jinu keenda, niwo omubha nimumugayuka rwa abhagaya bhaaye? Mbe, araabha mukabha nimwisoosya okugayuka echibhiibhi, muribha abhagaya bha echibhiibhi, na amatwasyo gaacho ni rufu. Nawe mukabha nimwisoosya okugayuka Nyamuwanga, muribha abhakosi bha Nyamuwanga, na amatwasyo gaaye ni bhurame bhwa obhurengeresi.

1 Bakorinto 6:15

Mutakumenya ati emibhiri jeemwe, ni bhiwuga bhya omubhiri gwa Kirisito? Woori, nigege omubhiri gwani, gunu guri chiwuga cha omubhiri gwa Kirisito, na okugugwatanya na omubhiri gwa omugasi unu keegusya okwibhonera ribhona? Wuri, noorwo na akatyari!

1 Bakorinto 6:16

Mutakumenya ati omuunu woonewoone unu kaagwatana na omugasi unu keegusya okwibhonera ribhona, oyo kaabha omubhiri gumwi nage? Jiri rwa kutyo jikaamirwe mu‑Bhikaame Ebhyeru ati, “Abho ku‑bhubhiri bhwebhwe bharibha omubhiri gumwi.”

1 Bakorinto 6:19

Mutakumenya ati, emibhiri jeemwe nijo riyekaru rya Mwoyo Mweru unu Nyamuwanga ꞉aabhayaaye, ka wone Mwoyo Mweru eekaaye mu‑myoyo jeemwe? Kutyo, emibhiri ejo jitari jeemwe, tari ni ja Nyamuwanga,

1 Bakorinto 6:4

Woori, omwanya gunu omuyomba inguru ya emisango ja bhuri rusuku, mbawo omugenda okusitaaka ku‑bhaanu bhanu bhateeyire mw‑ikanisa korereki nibho bhabharamure?

2 Timoteo 2:4

Omusirikare woonewoone unu kaakora emirimu ja echisirikare, keeyingirira okukora emirimu ejindi jinu jitari ja echisirikare. Kaakora kutyo korereki akondisye omukuru waaye era.

2 Timoteo 4:10

Okubha Deema ꞉eegombere bhya ku‑chaaro kunu, ˆnaansiga ˆnaabhirimira mu‑musi gwa Tesaroonike. Kireseke ꞉aagendere okukorera Nyamuwanga mu‑mukoowa gwa Garaatiya. Nyabhuriko Tiito ꞉aagendere okumukorera mu‑mukoowa gwa Daramaatiya.

2 Petero 2:4

Nikwo kutyo bhamaraayika bhanu ꞉bhaakorere ebhibhiibhi, Nyamuwanga ꞉ataabhasigire, tari ꞉aabheesere nyombe, anu bhabhoyerwe na amaseega. Mu‑chisuute echirafuru cha nyombe eyo, abharindirira orusuku rurya rwa okuramurwa.

Yuuda 1:6

Ka wone, mwichuke bhamaraayika bhanu ꞉bhateeyirwe na obhukuru bhwebhwe, nibhasiga obhwikaro bhwebhwe. Nyamuwanga abhateeye mu‑chisuute echirafuru, abhabhoyere na amaseega ga akajaanende. Eyo abharindirira orusuku orukuru rwa okuramurwa.