1 Bakorinto 5:5 - Indagano Inyaaya mu-Chijita

⁵ Musoosye omuunu oyo agati yeemwe na mumusige mu‑bhutungi bhwa Syetaani, korereki obhusimukwa bhwaye bhwa echibhiibhi bhunyamurwe, na omwene achungurwe orusuku rwa okusubha Raatabhugenyi Yeesu.

INDAGANO INYA:YA

⁵ Omu:nu uyo mu:nuso:sisye Syetani, omubiri gunyamuke, korereki omwoyo gukisibwe ku rusiku rwa Ratabugenyi Yesu.

1 Bakorinto 5:5 Iomraidhean Croise

Matayo 4:10

Nawe Yeesu ˆnaamusubhya ati, “Sooka anu, Syetaani! Jikaamirwe mu‑Bhikaame Ebhyeru ati, ‘Uramye Raatabhugenyi Nyamuwanga waawo. Umukorere emirimu omwene era.’”

Ruuka 22:31

Yeesu ˆnaayika ati, “Simooni awe, Simooni awe, tegeresya! Nuumenye kisi ati, Syetaani eekirisiibhwe okubharegeeja emwe bhoone. Aribhakora rwa kutyo omuunu kaawungura obhuro.

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

1 Bakorinto 1:8

Nyamuwanga aribhakomeesya okukingira ku‑bhuteero korereki mwasiga okubha na esoro, orusuku runu Raatabhugenyi weeswe Yeesu Kirisito ariija okuramura abhaanu.

1 Bakorinto 11:32

Nawe woori, omwanya gunu echiramurwa na Raatabhugenyi, awo niwo echibha nichitongerwa, korereki Nyamuwanga aasiga okuchiramura rwa kutyo ariramura abhaanu bhanu bhatakumumenya.

2 Bakorinto 10:6

Omwanya gunu muribhaga mugayukire chimwi, niwo eswe chiribhaga chiimaririiye okuyaana ebhitiibha emisango joone jinu jitari ja okugayuka.

2 Bakorinto 12:7

Nawe ꞉naayaaywe ebhinyaasyo mu‑mubhiri gwani bhinu bhiri rwa riiwa rinu erinsoma. Ebhinyaasyo ebhyo ni tumwa wa Syetaani unu ꞉aatumirwe annyaasye, korereki naasiga okwikuuya muno inguru ya emisango myafu ja okuruguusya jinu Raatabhugenyi answeruriiye.

2 Bakorinto 13:10

Enibhakaamira emisango jinu nichaari okubhaaja‑ko eyo, korereki omwanya gunu niribhaaja‑ko, naasiga okusongʼana emisango jinu jirireterera nibhe omururu kabhukabhu kw‑imwe noorwo okukingira okukorera emirimu obhuturo bhunu Raatabhugenyi ꞉aanaaye. Obhuturo obhwo, bhutari bhwa okubhanyamura, tari ni bhwa okubharumatanya mu‑riikirisya.

Bafilipi 1:6

Nimenyere chimari omusango gunu ati Nyamuwanga unu ꞉aambire omurimu gwa ekisi mu‑myoyo jeemwe, arigugenderesya okukingira gukuumire orusuku rurya Kirisito Yeesu arisubha.

1 Timoteo 1:20

Mu‑bhaanu abho ari‑mo Imenaayo na Arekijanda. Abho nibhasigiiye Syetaani korereki bheeyigire, bhasige okufuma Nyamuwanga.

2 Timoteo 1:18

Awe wone owumenya kisi, emyafu jinu ꞉aankoreeye mu‑musi gwa Yefeeso eyo. Raatabhugenyi amufwire echigongo ku‑rusuku rwa indamu.

2 Petero 3:12

nimurindiriraga orusuku rurya rwa Nyamuwanga na okuyenja ati ruuje bhwangu. Ku‑songa ya orusuku orwo, orutumba ruryochibhwa kwa omuriro na okusingaarika na ebhiinu bhinu bhiri‑mo bhirigera kwa ribhirabhira riruru muno.

1 Yoana 5:16

Bhiri‑wo ebhibhiibhi bhinu bhitakutaaganya omuunu na Nyamuwanga akajaanende koone. Araabha omuunu woonewoone kw‑imwe akarora oweejaabho unu kaakora ebhibhiibhi rwa ebhyo, amusabhirwe ku‑Nyamuwanga, Nyamuwanga omwene kaja okumuyaana obhuwanga. Omusango gunu ni inguru ya bhanu abhakora ebhibhiibhi ebhyo. Nawe bhiri‑wo ebhibhiibhi bhinu ebhitaaganya omuunu na Nyamuwanga akajaanende koone. Anye nitakwayika ati asabhirwe omuunu oyo ku‑Nyamuwanga inguru ya ebhibhiibhi ebhyo.