1 Bakorinto 5:10 - Indagano Inyaaya mu-Chijita

¹⁰ Obhugajuro bhwani bhwariga bhutari ati, mwasiga okusangira aamwi na abhaanu bhanu bhatari bheekirisya bhanu bhari bharomesi, abha omuruuru, abhasaakusi, noorwo bhanu abharamya amasusano. Naakaayikire kutyo, jikabheeyire okusooka ku‑chaaro kunu.

INDAGANO INYA:YA

¹⁰ Nitakwaika ati mwiŋaŋe kata abaromesi ba mu:si inu, amwi abarigisi, amwi abasa:kusi, amwi banu abaramya ebisusano. Kwenda biri kutyo, kwakabe:ire okuso:ka mu:si.

1 Bakorinto 5:10 Iomraidhean Croise

Ruuka 18:11

“Bhejire bhaakinga, Omufarisaayo ˆneemereeguru eenyere ku‑mbari, ˆnaasabhwa ati, ‘Enikusiima Nyamuwanga, kwa okubha anye nitari owa ebhibhiibhi rwa abhaanu abhandi. Abhaanu abhandi ni bhasaakusi, abhajabhi, na abharomesi, noorwo nitari rwa omutobhesya wa rigooti oyo!

Yowana 15:19

Araabha mukabheeye muri bhaanu bha ku‑chaaro kunu, abheene bhaakabheendaga rwa kutyo abheenda abhaanu bheende‑ko. Nawe emwe mutari bhaanu bha ku‑chaaro kunu, kwa okubha nibhasorere okusooka ku‑chaaro kunu. Eyo niyo isonga inu eyikora abhaanu bha ku‑chaaro kunu nibhabhasoka.

Yowana 17:6

“Raata, naakuswerura kutyo uri ku‑bhaanu bhanu kara awo bhaariga bhari bha ku‑chaaro kunu. Abheene bhaariga bhari bhaawo, awe nuubhanaana. Ka wone bhagayukire omusango gwawo.

Yowana 17:9

Enisabhirwa abho, kwa okubha ni bhaanu bhaawo. Nitakusabhirwa abhaanu bha ku‑chaaro kunu, nawe enisabhirwa bhanu awe ꞉waanaaye.

Yowana 8:23

Yeesu ˆnaagenderera okubhabhwira ati, “Emwe muri bhaanu bhanu bhasookere emwaro ku‑chaaro anu, nawe anye nisookere inguru mu‑rwire. Emwe muri bha ku‑chaaro kunu, nawe anye nitari wa ku‑chaaro kunu.

1 Bakorinto 1:20

Woori bhari aaki bhanu echaayika ati bhari na obhwengeeso? Bhari aaki bhanu echaayika ati ni bheeyigisya bha ebhiraagiro bhya Muusa, noorwo abhamenyi bha okwayika kisi mu‑siku jinu? Nyamuwanga eeresya abhwerubhweru ati obhwengeeso bhwa echaaro chinu ni bhumuumu.

1 Bakorinto 10:27

Araabha omuunu unu atari mwikirisya aabhakuma okurya, na emwe mweekirisya okugenda, murye inyama yooneyoone inu abheeraabhiiye kubhusirisyabhusirisya wuri, korereki mwasiga okunyaaka mu‑mitima jeemwe.

1 Bakorinto 5:11

Tari, chinu ꞉neendere okwayika ni ati, mwasiga okusangira aamwi na omuunu unu keetoga omwikirisya, keenu ari muromesi, wa omuruuru, noorwo unu kaaramya amasusano, amwi omusokanya, amwi omukorwa, amwi omusaakusi. Omuunu rwa oyo, mwasiga noorwo okurya aamwi nage.

1 Bakorinto 5:9

Ku‑nyarubha inu ꞉naabhakaamiiye, ꞉naabhabhwiriiye ati, mwasiga okusangira aamwi na abharomesi.

2 Bakorinto 4:4

Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.

Baefeso 2:2

Ku‑mwanya ogwo, mwaruubhaga jitungwa jimbiibhi ja echaaro chinu. ꞉Mweekaaye nimuruubhaga Syetaani, omutungi wa obhuturo bhwa echinyamwoyo mu‑rutumba, niryo risambwa rinu woori ritungire abhaanu bhanu bhatakugayuka Nyamuwanga.

Bafilipi 2:15

Mukore kutyo, korereki mubhe abhaana bha Nyamuwanga bhanyamburwa esoro, bhanu bhatari na echikayo. Nyabhuriko, mubhe abhaana bhanu bhatakwayikwa kubhiibhi agatigati ya abhaanu bha riyimbo rinu riijuuye ebhibhiibhi na obhunyamuke. Agatigati yeebhwe, emwe mubhonekane rwa obhweru bhunu obhumirika mu‑chaaro.

1 Yoana 4:5

Abharagi bha orubheeyi abho ni bha ku‑chaaro kunu era, kurwa ejo abhaayika emisango ja ku‑chaaro kunu. Abhaanu bha ku‑chaaro bhanu bhatakugayuka Nyamuwanga, abheekirisya ameeyigisyo geebhwe.

1 Yoana 4:7

Abheendwa bhaani mu‑riikirisya, cheendane, kwa okubha eryenda erisooka ku‑Nyamuwanga. Omuunu woonewoone unu keenda abheejaabho, ni mwana wa Nyamuwanga, ka wone niwe kaasombookerwa Nyamuwanga.

1 Yoana 5:19

Eswe echimenya ati, chiri bhaana bha Nyamuwanga. Omubhiibhi urya atungire abhaanu abhandi bhoone bhanu bhatari na obhumwi na Nyamuwanga.

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.