1 Bakorinto 4:10 - Indagano Inyaaya mu-Chijita

¹⁰ Abhaanu bhaafu abhachirora ati chiri bhamuumu, kwa okubha echikorera emirimu Kirisito, nawe emwe omwirora ati muri abha obhwengeeso kwa okubha omuruubha Kirisito. Eswe echibhonekana ati chiri bhajorobhoke, nawe emwe omwirora ati muri na amanaga. Eswe echigaywa, nawe emwe omwirora ati muri na echibharo.

INDAGANO INYA:YA

¹⁰ Eswe ciri ba:nu:nu kurwa Kristo, nawe emwe muri bengeso mu Kristo. Eswe cirengaae, nawe emwe muri ba managa. Emwe muri be cibaro, nawe eswe ciri bagaywa.

1 Bakorinto 4:10 Iomraidhean Croise

Matayo 24:9

Ku‑mwanya ogwo, abhaanu bharibhaga nibhabhanyaasya na okubheeta na abhaanu bha amaanga goone bharibhasoka kwa okubha muri bharuubhirisya bhaani.

Matayo 5:11

“Emwe muri na ribhando araabha abhaanu abhabhafuma, abhabhanyaasya na okubhakuurisya omusango gwonegwone omubhiibhi ku‑songa yaani.

Ruuka 10:16

Niwo, Yeesu ˆnaabhabhwira abharuubhirisya bharya ati, “Omuunu unu kaabhategeresya emwe, kaategeresya anye. Omuunu unu kaabharema emwe, noorwo anye wone kaandema. Omuunu unu kaandema anye, kaarema noorwo unu ꞉aantumire.”

Ruuka 18:9

Ka wone, Yeesu ˆnaabhabhwira echijekekanyo echindi, inguru ya abhaanu bhanu abheerora ati, nibho abharengeresi imbere ya Nyamuwanga, keenu nibhagaya abhaanu abhandi. ˆNaayika ati,

Ruuka 6:22

Muri na ribhando emwe, araabha abhaanu abhabhasoka na okubhakindika, abhaja okubhafuma na okubhabhwira ati, emwe muri bhajabhi, inguru yaani anye Omwana wa Omuunu.

Ebikorwa 17:18

Niwo abhaanu abharebhe bha obhwengeeso bhanu bhaatogwaga ati Abhayepukiriyo, aamwi na Abhasitoyiko, nibhaamba okubhambasyanya na Pawuro na okurema emisango jaaye. Abhandi mu‑bheene nibhabhuusya ati, “Ni misango ki jinu omuromiromi unu kaayika?” Abhandi nibhaayika ati, “Eyibhonekana ati kaayikira inguru ya amasambwa ga echaaro echindi.” ꞉Bhaayikire kutyo kwa okubha Pawuro aabharaasisyaga inguru ya Yeesu na inguru ya okusuuruka mu‑bhafuuwe.

Ebikorwa 17:32

Abhakuru abho, bhejire bhoongwa ati Pawuro kaayika inguru ya okusuuruka kwa abhafuuwe, abhaanu bheebhwe abharebhe nibhamuseka na okumugaya. Nawe abhandi nibhamubhwira ati, “Echija okukutegeresya rindi inguru ya emisango ejo.”

Ebikorwa 26:24

Omwanya gunu Pawuro aagendereraga okwibhagira, Feesito ˆnaayika kwa obhuraka obhunene ati, “Pawuro awe! Kasi uri musasi! Okusoma kwawo kwafu nikwo kukuyaaye orusaro!”

Ebikorwa 9:16

Anye omwene enija okumweresya kutyo arinyaasibhwa muno inguru ya risiina ryani.”

1 Bakorinto 1:21

Enaayika kutyo, kwa okubha Nyamuwanga, ku‑bhwengeeso bhwaye, ꞉aaramuuye ati abhaanu bhatakutura okumusombookerwa okutura ku‑bhwengeeso bhwebhwe abheene. Tari Nyamuwanga ꞉eendere okuchungura bhanu abhamwikirisya okutura ku‑misango jinu echiraasya. Emisango ejo, abhaanu bhanu bhatakumenya Nyamuwanga, abhaayika ati ni ja echimuumu.

1 Bakorinto 1:23

Nawe eswe, echiraasya emisango inguru ya Kirisito unu ꞉aafuuwe ku‑musarabha. Emisango ejo ejikora Abhayawudi bheekuujure, na ku‑bhanu bhatari Bhayawudi ni misango ja echimuumu.

1 Bakorinto 1:25

Emisango jinu abhaanu abharora ati ni bhumuumu bhwa Nyamuwanga, ejikira obhwengeeso bhwa abhaanu. Ka emisango jinu abharora ati ni bhujorobhoke bhwa Nyamuwanga, jiri na amanaga okukira amanaga ga abhaanu.

1 Bakorinto 10:12

Kutyo, unu keerora ati eemereeguuyu tiritiri mu‑riikirisya, eeyangarire, aasiga okugwa.

1 Bakorinto 2:14

Nawe omuunu unu atari na Mwoyo wa Nyamuwanga, atakuramira jinu ejisooka ku‑Mwoyo wa Nyamuwanga, isonga iri ati ku‑muunu oyo ejo ni ja chimuumu. Ka wone atakutura okujisombookerwa, kwa okubha ejimenyekana era ku‑bhusakisi bhwa Mwoyo wa Nyamuwanga.

1 Bakorinto 2:3

Omwanya ogwo naariga nijorobhokere, naariga ninuubhaya, okukingira okuyarara muno.

1 Bakorinto 3:18

Omuunu woonewoone agati yeemwe aasiga okwijiga ati ari na obhwengeeso. Araabha omuunu aakeerora ati ari na obhwengeeso ku‑chaaro chinu, abhe ˆneekora ati ni mumuumu korereki abhone obhwengeeso bhwa echimari.

1 Bakorinto 3:2

꞉Naabhanywesiisye amata, ꞉nitabhariisiisye ebhiryo wuri, kwa okubha mwariga muchaari okukomeera okurya ebhiryo. Noorwo woori muchaari okukomeera,

1 Bakorinto 4:8

Woori omwirora ati mwigutire! Omwirora ati muri bhaniibhi! Omwirora ati muri bhakama, noorwo kutyo eswe chitari bhakama! Ni akiri mukabheeye abhakama chimari, korereki eswe chitunge aamwi na emwe!

2 Bakorinto 10:10

Enaayika kutyo, kwa okubha abhandi abhaayika ati, “Jinyarubha ja Pawuro, jiri na emisango emikomeeye, ka wone ni misango emiruru. Nawe omwanya gunu kaabha ari aamwi na eswe, kaabha atari na amanaga, ka wone emisango jaaye, ejibha jitari na obhugajuro.”

2 Bakorinto 11:19

Emwe omwirora wuti muri bheengeeso, nikwo okukora omwigumiirisya abhaanu abhamuumu kwa okukondererwa.

2 Bakorinto 11:29

Araabha omuunu woonewoone ni mujorobhoke, anye wone eniiyungwa okubha omujorobhoke. Araabha abhaanu bharetereeye omuunu woonewoone okukora ebhibhiibhi, anye wone enirumwa.

2 Bakorinto 13:9

Eswe echikonderwa kwa okubha chiri bhajorobhoke, nawe emwe muri na amanaga. Echisabhwa Nyamuwanga abhasakire mubhega mukuumiiye mu‑riikirisya.

2 Bakorinto 4:12

Mbe, ku‑songa eyo, eswe chiri mu‑ngʼanga ya okufwa, nawe emwe omubhona obhuwanga.

2 Bakorinto 6:8

Eswe echikorera emirimu Nyamuwanga, kwa okuyaanwa echibharo amwi okugaywa, kwa okukuuywa amwi okwayikwa kubhiibhi na abhaanu. Echibhonekana wuti chiri bhabheeyi, nawe echaayika echimari.

1 Batesalonika 4:8

Omuunu woonewoone unu kaarema ameeyigisyo ago, atakurema omuunu, nawe, kaarema Nyamuwanga unu kaachiyaana Mwoyo Mweru waaye.

1 Petero 4:14

Araabha mukafumwa ku‑songa ya risiina rya Kirisito, mumenye ati muyaaywe amabhando. Omusango ogwo, ogweresya ati Mwoyo wa Nyamuwanga owa rikusyo ari aamwi na emwe.