1 Bakorinto 4:1 - Indagano Inyaaya mu-Chijita

¹ Abhaanu bhachibhare ati eswe chiri bhakosi bha Kirisito, chiyaaywe emirimu ja okuraasya obhutinge bhwa imbisike ya Nyamuwanga bhunu bhwariga bhubhisirwe.

INDAGANO INYA:YA

¹ Omu:nu wo:ne acimenye ati, ciri bakosi ba Kristo, na babi:ki bo bumbise bwa Nyamuanga.

1 Bakorinto 4:1 Iomraidhean Croise

Matayo 13:11

ˆNaabhasubhya ati, “Emwe, Nyamuwanga abhayaaye obhuturo bhwa okusombookerwa emisango jinu jichaari mbisike inguru ya obhukama bhwaye. Nawe abheene bhatayaaywe obhuturo bhwa okujisombookerwa.

Matayo 24:45

Yeesu ˆnaabhuusya abheeyigisibhwa bhaaye ati, “Mbe, ni mugaya ki omwiyikanyibhwa na owa obhwengeeso? Ni mugaya unu omwami waaye ateeye‑wo okubha omwangarisi wa bhagaya abhandi mu‑nju yaaye, korereki abhe ˆnaabhayaana ebhiryo ku‑mwanya gwaye.

Mariko 4:11

ˆNaabhasubhya ati, “Emwe muyaaywe okusombookerwa emisango jinu jiri mbisike inguru ya obhukama bhwa Nyamuwanga. Nawe abhaanu bhanu bhatakunduubha, enibhabhwira joone ku‑bhijekekanyo,

Ruuka 1:2

꞉Bhaakaamire rwa kutyo ꞉bhaatondeeywe na abhaanu bhanu ꞉bhaarorere emisango ejo okusookerera ku‑bhwambiro bhwa obhurame bhwa Yeesu. Nibho bharya bhaaraasyaga omusango gwa Yeesu, ka wone ꞉bhaachitondeeye eswe emisango jaaye.

Ruuka 12:42

Raatabhugenyi Yeesu ˆnaamusubhya ati, “Mbe, ni mubhiiki ki omwiyikanyibhwa na owa obhwengeeso? Ni mubhiiki unu omwami waaye kaawura okubha omwimereegururu omukuru ku‑bhakosi bheejaabho, korereki abhayaane omuyeero gwebhwe ku‑mwanya gwaye.

Ruuka 8:10

Omwene ˆnaabhasubhya ati, “Kara emisango ja obhukama bhwa Nyamuwanga jaariga jiiserekere. Emwe muri na amabhando, kwa okubha Nyamuwanga aabhaswerurira abhwerubhweru emisango ejo, korereki mujisombookerwe. Nawe abhandi, enibhabhwira kwa ebhijekekanyo, korereki jikuumire jinu omuragi Iisaya ꞉aayikire ati, ‘Omwanya gunu abharingira, bhabhe wuti bhatakurora. Noorwo kutyo abhoongwa, bhabhe wuti bhatakusombookerwa.’

Barumi 11:25

Abhayiri bhaani, eneenda mumenye inguru ya obhutinge bhwa imbisike ya Nyamuwanga bhunu ꞉bhwabhisirwe kara, korereki mwasiga okwirora ati muri bheengeeso muno. Mumenye ati ni Bhayisirayeeri bharebhe abha emyoyo emikomeeye, bhanu bharigenderera okukingira omwanya gunu Nyamuwanga ariikirisya ati obhukumi bhwa abhaanu bhanu bhatari Bhayisirayeeri okuramira obhuchungusi bhwakuumira.

Barumi 16:25

Woori, chikusye Nyamuwanga! Omwene kaatura okukora mubhe nimurumatana mu‑riikirisya ryemwe, okutura ku‑Misango ja Ekisi inguru ya Yeesu Kirisito jinu naariga nindaasya kw‑imwe. Emisango ejo nijo obhutinge bhwa imbisike bhunu bhwariga bhubhisirwe kara,

1 Bakorinto 2:7

Obhwengeeso bhunu echiraasya ni mbisike ya Nyamuwanga, inu yaariga ichaari okuswerurwa ku‑bhaanu. Omwanya gunu Nyamuwanga aariga achaari okubhumba echaaro, ꞉aaramuuye okukorera emirimu obhwengeeso obhwo, inguru ya rikusyo ryeswe.

1 Bakorinto 3:5

Mbe woori, Apooro niga? Ka Pawuro niga? Eswe chiri bhakosi bhanu Nyamuwanga ꞉aachitumire okubhasakira korereki mumwikirisye. Bhuri umwi kaakora emirimu jinu ꞉aayaaywe na Raatabhugenyi.

1 Bakorinto 4:13

Omwanya gunu abhachaayika kubhiibhi, eswe echibhaayika kisi. Noorwo woori, echikorwa rwa ifwere ya echaaro, na ku‑bhuri muunu eswe chiri bhujabhi.

1 Bakorinto 4:2

Woori, omuunu unu ayaaywe emirimu, keendwa abhe omukosi omwiyikanyibhwa.

2 Bakorinto 11:23

Siga woori naayike rwa omusasi ati, araabha abheene ni bhakosi bha Kirisito, anye niri mukosi wa Kirisito okubhakira. Anye niikomeesiisye okukora emirimu muno, nibhoyerwe mw‑ibhoyero kwiya kaafu muno, nibhumirwe kwiya kaafu muno, ka wone naariga niri mu‑ngʼanga ya okufwa kwiya kaafu.

2 Bakorinto 12:6

Noorwo araabha naakeendere okwikuuya, nitaakabheeye omutaamutaamu, kwa okubha naakabheeye ninaayika echimari. Nawe eniyingirira okwikuuya, korereki omuunu woonewoone aasiga okundora ati, niri wa ngʼoryo muno okukira jinu abharora na okuungwa okusooka kw‑anye.

2 Bakorinto 4:5

Eswe chitakuraasya emisango jeeswe, tari chiraasya ati Yeesu Kirisito ni Raatabhugenyi, ka eswe chiri bhakosi bheemwe inguru yaaye.

2 Bakorinto 6:4

Tari, echeeresya mu‑misango joone ati, eswe chiri bhakosi bha Nyamuwanga. Echiigumiirisya muno mu‑bhinyaasyo, mu‑nyaako na mu‑bhukomeeye,

Baefeso 1:9

꞉Aakorere kutyo, omwanya gunu ꞉aachisweruriiye imbisike ya okwenda kwaye, okuruubhana na obhukarariiye bhwaye okusookerera kara mu‑Kirisito.

Baefeso 6:19

Munsabhirwe anye wone, korereki Nyamuwanga anaane emisango ja okwayika, niraasye kwa ribhaasi obhutinge bhwa imbisike yaaye bhunu bhusweruriiywe mu‑Misango ja Ekisi.

Bakolosai 2:2

Enikora kutyo, korereki emyoyo jeemwe bhoone, jisimbiisibhwe na okugwatanyibhwa aamwi mu‑ryenda. Eneenda murumatane chimwi mu‑kusombookerwa, na okumenya obhutinge bhwa imbisike ya Nyamuwanga bhunu ku‑bhwambiro bhwariga bhubhisirwe. Imbisike eyo nikwo okumenya Kirisito omwene.

Bakolosai 4:3

Muchisabhirwe eswe wone, korereki Nyamuwanga achiigurire orwigi rwa okuraasya omusango gwaye inguru ya Kirisito gunu kara gwariga gubhisirwe. Anye nibhoyerwe inguru ya okuraasya omusango ogwo.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

1 Timoteo 3:6

Ka wone, asige okubha omuunu unu aamamara okuchunguka, korereki aasiga okwikuuya. Okwikuuya okwo okutura okumukora aramurwe rwa kutyo Syetaani ꞉aaramuuywe.

1 Timoteo 3:9

Tari, bhabhe abhaanu bhanu abhagwatana mu‑mutima gwa ekisi na echimari cha eriikirisya chinu Nyamuwanga asweruuye.

Tiito 1:7

Okubha omukaruka wa rikanisa, ni mwangarisi wa emirimu ja Nyamuwanga. Kutyo, kaakenʼywa abhe muunu unu atari‑ko esoro. Asige okubha na echigundu, asige okubha na risungu, asige okubha omukorwa, asige okubha omurwani, ka wone asige okubha na inamba imbiibhi ya okubhona jipirya.

1 Petero 4:10

Bhuri umwi weeswe ayaaywe echiyaanwa okusooka ku‑Nyamuwanga, korereki asakire abheejaabho. Kaakenwa okuchikorera emirimu kisi, rwa omwangarisi wa ekisi wa obhwitiriranya bhwa bhuri mbaga bhwa Nyamuwanga.