1 Bakorinto 3:5 - Indagano Inyaaya mu-Chijita

⁵ Mbe woori, Apooro niga? Ka Pawuro niga? Eswe chiri bhakosi bhanu Nyamuwanga ꞉aachitumire okubhasakira korereki mumwikirisye. Bhuri umwi kaakora emirimu jinu ꞉aayaaywe na Raatabhugenyi.

INDAGANO INYA:YA

⁵ Mbe Apolo niwe:ga? Na Paulo niwe:ga? Ni bafurubendi banu emwe mwekirisisye kubwebwe, rwa kutyo Ratabugenyi amuyae mu:nu wo:ne murimu gwae.

1 Bakorinto 3:5 Iomraidhean Croise

Matayo 25:15

ˆNaayaana bhuri mugaya okwingana na obhuturo bhwaye. ˆNaayaana owa okwamba jipirya nyafu, nijikingaga jitaranta etaanu, wa kabhiri jitaranta ebhiri na owa kasatu itaranta imwi. Niwo ˆnaagenda mu‑rugendo.

Ruuka 1:2

꞉Bhaakaamire rwa kutyo ꞉bhaatondeeywe na abhaanu bhanu ꞉bhaarorere emisango ejo okusookerera ku‑bhwambiro bhwa obhurame bhwa Yeesu. Nibho bharya bhaaraasyaga omusango gwa Yeesu, ka wone ꞉bhaachitondeeye eswe emisango jaaye.

Yowana 3:27

Yowana ˆnaabhasubhya ati, “Omuunu atakutura okubhona echiinu choonechoone, araabha atayaaywe na Nyamuwanga.

Ebikorwa 18:24

Mbe Omuyawudi umwi, omwibhurwa wa mu‑musi gwa Arekijandiriya risiina ryaye Apooro, ˆnaaja Yefeeso. Apooro oyo aariga ari muunu owa obhuturo bhunene bhwa okusimura na okusombookerwa kisi Ebhikaame Ebhyeru.

Ebikorwa 19:1

Omwanya gunu Apooro aariga ari Koriito eyo, Pawuro ꞉aaturire mu‑misi ja mu‑bhiima, ˆnaakinga mu‑musi gwa Yefeeso. Eyo ꞉aasongʼeene‑yo abheeyigisibhwa abharebhe,

Barumi 15:16

korereki nibhe omukosi wa Kirisito Yeesu ku‑bhaanu bhanu bhatari Bhayawudi. ꞉Naakorerwe okubha rwa omugabhisi wa okubharaasisya Emisango ja Ekisi okusooka ku‑Nyamuwanga, korereki bhabhe ebhyogo bhinu ebhikondisya Nyamuwanga, bhyesiibhwe na Mwoyo Mweru.

1 Bakorinto 12:28

Nyamuwanga ateeye mw‑ikanisa, bha okwamba jitumwa, bha kabhiri abharagi, bha kasatu abheeyigisya. Wone ateeye bhanu abhakora ebhiruguusyo, bhanu bhari na echiyaanwa cha okuwosya abharwaye, bhanu bhari na echiyaanwa cha okusakira abhandi, bhanu bhari na echiyaanwa cha okutangasya, na bhanu bhari na echiyaanwa cha okwayika jinyaayika jingenyi.

1 Bakorinto 16:12

Woori, inguru ya omwikirisya oweejaasu Apooro, naamwirembeeresya muno ati aaje kw‑imwe aamwi na abheekirisya abhandi. Nawe omwene atakwenda okuuja woori. Nawe aribha aabhona omwanya ariija.

1 Bakorinto 3:10

Nyamuwanga ku‑bhwitiriranya bhwaye aansakira okuumbaka orufuka rwa omuumbaki wa ekisi na owa obhwengeeso, na omuunu owundi koombaka inguru ya orufuka orwo. Nawe woori, bhuri muunu aangarire kisi, kutyo koombaka inguru yaarwo,

1 Bakorinto 3:22

abhe Pawuro, abhe Apooro, amwi abhe Keefa. Ka wone Nyamuwanga abhayaaye ebhiinu bhyone okubhasakira, bhibhe bhya mu‑chaaro, amwi bhuwanga, amwi rufu, bhibhe bhinu bhiri‑wo woori, amwi bhinu bhiribha‑wo, bhyone ni bhyemwe.

1 Bakorinto 3:7

Kutyo, unu kaayamba jimbibho atari chiinu, noorwo unu keetirira, tari Nyamuwanga unu kaakusya niwe wa obhusibhusi.

1 Bakorinto 9:17

Araabha naakabheeye ninkora omurimu gunu mu‑kwenda kwani omwene, nakeeyikanyiisye okubhona omuyeero. Nawe jitari kutyo kw‑anye, kwa okubha Nyamuwanga anaaye omurimu gunu mu‑kwenda kwaye, korereki nigukore.

2 Bakorinto 11:23

Siga woori naayike rwa omusasi ati, araabha abheene ni bhakosi bha Kirisito, anye niri mukosi wa Kirisito okubhakira. Anye niikomeesiisye okukora emirimu muno, nibhoyerwe mw‑ibhoyero kwiya kaafu muno, nibhumirwe kwiya kaafu muno, ka wone naariga niri mu‑ngʼanga ya okufwa kwiya kaafu.

2 Bakorinto 3:3

Omweresya abhwerubhweru ati emwe muri nyarubha ya Kirisito, inu eyeeresya amatwasyo ga emirimu jinu ꞉chaakorere kw‑imwe. Inyarubha eyo, ꞉itaakaamirwe kwa obhwino, tari ꞉yaakaamirwe na Mwoyo wa Nyamuwanga omuwanga. Ka wone ꞉itaakaamirwe ku‑bhibhaara bhya amabhuyi tari ku‑bhibhaara bhinu bhiri mu‑myoyo ja abhaanu.

2 Bakorinto 3:6

Omwene niwe ꞉aachiyaaye obhuturo bhwa okubha abhakosi bha indagano inyaaya. Indagano eyo itakusookana na ebhiraagiro bhinu ꞉bhyakaamirwe, tari eyisooka ku‑Mwoyo Mweru, kwa okubha ebhiraagiro ebhireeta orufu, nawe Mwoyo Mweru kaareeta obhuwanga.

2 Bakorinto 4:1

Mbe, kwa okubha Nyamuwanga achiyaaye obhukosi bhunu ku‑chigongo chaaye, chitakufwa omutima wuri.

2 Bakorinto 4:5

Eswe chitakuraasya emisango jeeswe, tari chiraasya ati Yeesu Kirisito ni Raatabhugenyi, ka eswe chiri bhakosi bheemwe inguru yaaye.

2 Bakorinto 4:7

Nawe eswe bhanu chiri na echibhiikwa echo, chiri rwa ebhiinu bhya rimoga era, korereki imenyekane abhwerubhweru ati, amanaga amaafu ga okukora emirimu ejo, agasooka ku‑Nyamuwanga, na kutari kw‑iswe.

2 Bakorinto 5:18

Ejo joone ejisooka ku‑Nyamuwanga. Achigwatanyiisye ku‑mwene ku‑njira ya Kirisito. Eswe achiyaaye emirimu ja okuraasya inguru ya obhugwatanyi obhwo.

2 Bakorinto 6:1

Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.

2 Bakorinto 6:4

Tari, echeeresya mu‑misango joone ati, eswe chiri bhakosi bha Nyamuwanga. Echiigumiirisya muno mu‑bhinyaasyo, mu‑nyaako na mu‑bhukomeeye,

Baefeso 3:7

Anye ꞉naakorerwe omukosi wa Emisango ja Ekisi ejo, ku‑chiyaanwa cha obhwitiriranya bhwa Nyamuwanga bhunu ꞉aanaaye ku‑bhuturo bhwaye obhukuru.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

Bakolosai 1:25

Nyamuwanga anteeye‑wo okubha omukosi wa rikanisa ryaye, korereki nibharaasisye emisango jaaye joone kutyo jiri.

1 Timoteo 1:12

Enisiima Kirisito Yeesu Raatabhugenyi weeswe unu ꞉aanaaye amanaga okukora emirimu jaaye. Enimusiima kwa okubha andorere ati niiyire okubha omukosi waaye,

1 Petero 4:10

Bhuri umwi weeswe ayaaywe echiyaanwa okusooka ku‑Nyamuwanga, korereki asakire abheejaabho. Kaakenwa okuchikorera emirimu kisi, rwa omwangarisi wa ekisi wa obhwitiriranya bhwa bhuri mbaga bhwa Nyamuwanga.