1 Bakorinto 3:23 - Indagano Inyaaya mu-Chijita

²³ Nawe emwe, muri bha Kirisito, na Kirisito ni wa Nyamuwanga.

INDAGANO INYA:YA

²³ Nemwe muri ba Kristo, na Kristo ni wa Nyamuanga.

1 Bakorinto 3:23 Iomraidhean Croise

Matayo 17:5

Omwanya gunu Peetero aariga achaaroma, awoawo eriire rinu ryariga niringʼarabhya niriija na okubhafundikira. Nibheeya nibhoongwa obhuraka okusooka mu‑riire eryo nibhwayika ati, “Unu niwe Omwana waani omwendwa, niwe kaankondisya. Mumutegeresyega!”

Yowana 17:18

Rwa kutyo ꞉waantumire anye ku‑chaaro kunu, nyabhuriko anye wone naabhatuma ku‑chaaro kunu.

Yowana 17:21

Enisabhwa ati abho bhoone bhabhe chiinu chimwi. Raata, enisabhwa ati bhabhe na obhumwi na eswe, rwa kutyo awe uri na obhumwi na anye, na anye wone niri na obhumwi na awe. Enisabhwa ati bhabhe chiinu chimwi, korereki abhaanu bha ku‑chaaro kunu bheekirisye ati chimari naawe ꞉waantumire.

Barumi 14:8

Omwanya gunu echirama, echirama inguru ya Raatabhugenyi Yeesu. Omwanya gunu echifwa, echifwa inguru ya Raatabhugenyi Yeesu. Kurwa ejo, chibhe nichirama amwi chibhe chifuuwe, eswe chiri bhaanu bhaaye.

1 Bakorinto 11:3

Nawe woori eneenda mumenye ati omutwe gwa omurume woonewoone omwikirisya ni Kirisito, omutwe gwa omugasi ni murume waaye, na omutwe gwa Kirisito ni Nyamuwanga.

1 Bakorinto 15:23

Nawe bhuri muunu arisuururwa ku‑mwanya gwaye, Kirisito aariga ari wa okwamba okusuururwa, omwanya gunu omwene ariija, niwo abhaanu bhaaye bharisuururwa.

1 Bakorinto 15:28

Omwanya gunu ebhiinu bhyone bhiribha bhiteeywe emwaro ya obhutungi bhwa Omwana waaye, niwo wone Omwana ariituura emwaro ya obhutungi bhwa Nyamuwanga, unu ateeye ebhiinu bhyone emwaro ya obhutungi bhwa Omwana waaye, korereki Nyamuwanga abhe omutungi wa bhyone.

1 Bakorinto 7:22

Naayika ati ogwo gwasiga okukunyaasya, kwa okubha omuunu unu aariga ari mugaya omwanya gunu ꞉aabhirikiiywe na Raatabhugenyi, oyo ni mwitaage ku‑Raatabhugenyi. Ka unu aariga ari mwitaage omwanya gunu ꞉aabhirikiiywe, oyo ni mugaya wa Kirisito.

1 Bakorinto 8:6

Nawe kw‑iswe, ari‑wo Nyamuwanga umwi wenyere, niwe Raata, niwe ꞉aabhumbire ebhiinu bhyone. Eswe chiikaaye inguru yaaye. Ka wone ari‑wo Raatabhugenyi umwi wenyere, niwe Yeesu Kirisito, na ebhiinu bhyone ꞉bhyabhumbirwe okutura ku‑mwene, ka wone eswe chiri bhaanga okutura ku‑mwene.

2 Bakorinto 10:7

Emwe omuringira era jinu ejibhonekana mu‑meeso geemwe! Omuunu woonewoone unu keerora ati omwene ni muunu wa Kirisito, eechuke ati, eswe wone chiri bhaanu bha Kirisito, rwa omwene.

Bagalatia 3:29

Araabha emwe muri ku‑Kirisito, kurwa ejo woori, emwe muri rwibhuro rwa Bhurayimu, na muriramira omwandu gunu Nyamuwanga ꞉aaragire.

Bagalatia 5:24

Abhaanu bhanu bhari na obhumwi na Kirisito Yeesu, bhatakutungwa na okurigira kwebhwe kwa omubhiri aamwi na obhwiganirisya bhwebhwe obhubhiibhi. Bhaabhambire okurigira okwo, ku‑musarabha gwa Yeesu.

Baefeso 1:10

Obhutinge bhwaye ni ati, aribha gwakuumira omwanya gunu omwene ateeye‑wo, niwo ariwumbanya aamwi ebhiinu bhyone bhibhe emwaro ya obhutungi bhwa Kirisito, ebhiinu bhinu bhiri mu‑rwire na bhinu bhiri mu‑chaaro.