1 Bakorinto 3:14 - Indagano Inyaaya mu-Chijita

¹⁴ Araabha omurimu gwa omuunu gukawona, omuunu oyo ariramira echiyaanwa.

INDAGANO INYA:YA

¹⁴ Omurimu gwa buri mu:nu gunu ombakireko, gukarama omwene aribona omuye:ro.

1 Bakorinto 3:14 Iomraidhean Croise

1 Bakorinto 3:8

Unu kaayamba na unu keetirira amanji bhoone bheengeene, Nyamuwanga ariyaana bhuri umwi weebhwe omuyeero gwaye, okuruubhana na kutyo ꞉aakorere emirimu jaaye.

1 Bakorinto 4:5

Woori, mwasiga okuramura abhaanu omwanya guchaari kukinga, rindirira okukingira orusuku runu Raatabhugenyi Yeesu ariija. Omwene niwe arituura abhweru ebhiinu bhyone bhinu bhibhisirwe mu‑chisuute na okweresya bhinu bhiri mu‑myoyo ja abhaanu. Niwo bhuri muunu aribhona jikuma jinu jimwiyire, okusooka ku‑Nyamuwanga.

1 Bakorinto 9:17

Araabha naakabheeye ninkora omurimu gunu mu‑kwenda kwani omwene, nakeeyikanyiisye okubhona omuyeero. Nawe jitari kutyo kw‑anye, kwa okubha Nyamuwanga anaaye omurimu gunu mu‑kwenda kwaye, korereki nigukore.

Bagalatia 6:4

Nawe bhuri muunu aringire jitungwa jaaye omwene. Araabha omuunu kaakora ja ekisi, niwo kaatura okwikuuya inguru ya emisango ja ekisi jinu akorere, noorwo aasiga okwiringʼaanya na emisango jinu omuunu owundi akorere.

1 Batesalonika 2:19

Chaariga cheendere okubhagosorera kwa okubha, Raatabhugenyi Yeesu aribha aasubha, emwe muribha obhwiyikanyo bhweswe, rikonderwa ryeswe na orutengya rwa obhuyigi bhunu chiriikuuyisya.

2 Timoteo 4:7

Nirwanire riremo kisi, orugendo rwani nirumarire kisi, ka wone eriikirisya ryani nirigwatiriiye ngʼanyangʼanya.

1 Petero 5:1

Woori, enaayika na emwe abhakaruka bha rikanisa. Anye niri omukaruka oweejaanyu, unu ꞉neeroreeye omwene kutyo Kirisito ꞉aanyaasiibhwe. Ka wone, anye niri omusangisi oweejaanyu wa rikusyo rinu riri yeeyi okuswerurwa. Kurwa ejo, enibheerembeeresya emwe,

1 Petero 5:4

Mbe, Omureefi Omukuru wa rikanisa aribha aswerurwa, muriyaanwa orutengya rwa rikusyo runu rutakunyamuka.