1 Bakorinto 3:13 - Indagano Inyaaya mu-Chijita

¹³ na obhwa ekisi bhwa emirimu ja bhuri muunu bhuribhonekana abhwerubhweru. Orusuku rurya rwa indamu emirimu joone jiribha abhweru, kwa okubha emirimu ja bhuri muunu, jiriregeejwa kwa omuriro.

INDAGANO INYA:YA

¹³ Mbe omurimu gwa buri mu:nu guribu:risibwa, okuba orusiku rurya rurigubu:risya, okuba guriswerurirwa muriro. No muriro ogwene gurisaka omurimu gwa buri mu:nu kutyo guri.

1 Bakorinto 3:13 Iomraidhean Croise

Matayo 10:15

Ni chimari enibhabhwira ati, orusuku rwa indamu, Nyamuwanga arisoosya indamu isito muno ku‑bhaanu bha omusi ogwo, okukira inu arisoosya ku‑bhaanu bha emisi ja Sodoma na Gomoora!

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Ruuka 2:35

Jiribha kutyo, korereki jinu jaariga jiyibhisire mu‑myoyo jeebhwe, jituurwe ku‑bhweru. Awe omwene, mu‑mutima gwawo uryungwa obhwasye muno, wuti usomerwe imbanda.”

Barumi 2:16

Nikwo kutyo jiribha ku‑rusuku rwa indamu. Nyamuwanga ariramura abhaanu okutura ku‑Kirisito Yeesu, noorwo emisango jeebhwe ja imbisike, rwa kutyo ejaayika Emisango ja Ekisi jinu eniraasya.

Barumi 2:5

Awe uri na echigundu, ka wone owurema okuta ebhibhiibhi bhyawo. Kurwa ejo mbe, owiibhiikira ebhitiibha ku‑rusuku runu Nyamuwanga arisoosya indamu yaaye ya obhurengeresi.

1 Bakorinto 1:8

Nyamuwanga aribhakomeesya okukingira ku‑bhuteero korereki mwasiga okubha na esoro, orusuku runu Raatabhugenyi weeswe Yeesu Kirisito ariija okuramura abhaanu.

1 Bakorinto 3:12

Inguru ya orufuka orwo, omuunu kaatura okuumbaka‑ko kwa inaaryo, kwa ebhyuma bhya obhugusi obhurambu, amwi kwa amabhuyi ga obhugusi obhurambu, kwa amati, kwa amanyaasi, amwi kwa amabhubha,

1 Bakorinto 4:5

Woori, mwasiga okuramura abhaanu omwanya guchaari kukinga, rindirira okukingira orusuku runu Raatabhugenyi Yeesu ariija. Omwene niwe arituura abhweru ebhiinu bhyone bhinu bhibhisirwe mu‑chisuute na okweresya bhinu bhiri mu‑myoyo ja abhaanu. Niwo bhuri muunu aribhona jikuma jinu jimwiyire, okusooka ku‑Nyamuwanga.

2 Timoteo 1:12

Anye eninyaaka inguru ya ejo. Nawe nitakwiswara, okubha enimumenya unu niikirisiisye. Ka wone enimenya ati, echimari chinu ꞉aanaaye, kaachibhiika kisi okukingira orusuku rwa okusubha kwaye.

2 Timoteo 1:18

Awe wone owumenya kisi, emyafu jinu ꞉aankoreeye mu‑musi gwa Yefeeso eyo. Raatabhugenyi amufwire echigongo ku‑rusuku rwa indamu.

2 Timoteo 3:9

Nawe bhatarigenderera muno na itungwa yeebhwe imbiibhi eyo, obhurangirangi bhwebhwe bhuribha ku‑bhweru ku‑bhaanu bhoone, rwa kutyo obhurangirangi bhwa Yaane na Yambure ꞉bhwabheeye ku‑bhweru.

2 Timoteo 4:8

Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.

Baeburania 10:25

Chaasiga okusiga okubhugana aamwi, rwa kutyo abhaanu abhandi bhaasigire okubhugana. Tari chigenderere okusimbiisyanya noorwo okukira awo, okubha chimenyere ati orusuku rwa okusubha kwa Raatabhugenyi ruri yeeyi.

1 Petero 1:7

Amaregeejo ago, agaregeeja eriikirisya ryemwe, korereki ribhonekane ati ni rya echimari. Noorwo inaaryo, inu eyitura okusingaarika, eyochiibhwa mu‑muriro korereki wone iregeejibhwe. Nyabhuriko, eriikirisya ryemwe rinu riri na obhurambu obhunene okukira inaaryo, ni bhusibhusi wone riregeejibhwe, ribhonekane ati ni rya echimari. Awo niwo, Yeesu Kirisito aribhakuuya, aribhayaana rikusyo na echibharo, orusuku runu ariswerurwa.

1 Petero 4:12

Abheendwa bhaani, mwasiga okuruguura inguru ya ebhinyaasyo ebhiruru kabhukabhu bhinu ebhisookerera mw‑imwe okuregeeja eriikirisya ryemwe. Mwasiga okurora wuti ni chiinu chigenyi chinu echibhabhona.

2 Petero 3:10

Orusuku rwa okusubha Raatabhugenyi Yeesu ruriija kwa okutakya rwa omwifi. Orusuku orwo, orutumba rurisooka‑wo kwa omurundumo munene, ebhiinu bhinu bhiri‑mo bhiryochibhwa kwa omuriro, echaaro wone chirisingaarisibhwa aamwi na ebhiinu bhyone bhinu bhiri‑mo.

2 Petero 3:7

Ka wone ku‑musango ogwoogwo Nyamuwanga aangariiye orutumba na echaaro chinu, korereki bhyochibhwe kwa omuriro. Abhyangariiye inguru ya orusuku runu ariramura abhaanu bhanu bhatakumugayuka, awo woori niwo bharisingaarika.

Obhusweruro 20:12

Nindora abhafuuwe bhoone, abharera na abhakuru, bheemereeguuyu imbere ya echitebhe cha ingʼoma. Niwo ebhitabho bhinu bhyariga bhikaamirwe‑mo ebhikorwa bhya abhaanu bhoone nibhifumburwa. Echitabho echindi nichifumburwa, echo nicho echitabho cha obhuwanga. Abhafuuwe abho nibharamurwa okuruubhana na ebhikorwa bhyebhwe bhinu bhyariga bhikaamirwe mu‑bhitabho omwo.