1 Bakorinto 3:12 - Indagano Inyaaya mu-Chijita

¹² Inguru ya orufuka orwo, omuunu kaatura okuumbaka‑ko kwa inaaryo, kwa ebhyuma bhya obhugusi obhurambu, amwi kwa amabhuyi ga obhugusi obhurambu, kwa amati, kwa amanyaasi, amwi kwa amabhubha,

INDAGANO INYA:YA

¹² Nawe omu:nu wo:ne akombakako ku musingi gunu, akatako jaabu amwi mpirya, amwi mabui ga bugusi burambu, amwi biti, amwi manya:si, amwi mbuba,

1 Bakorinto 3:12 Iomraidhean Croise

Ebikorwa 20:30

Noorwo agati yeemwe abheene, bhariibhuka‑mo abhaanu bhanu bharyayika emisango jinu jitari ja echimari, korereki bhakurure abheeyigisibhwa, bhabharuubhirire abheene.

Barumi 16:17

Woori, abhayiri bhaani, enibhakomeeresya ati, mwikengega abhaanu bhanu ameeyigisyo geebhwe agakora abheekirisya bhaawukane makijumakiju, ka wone aganyamura eriikirisya na akatungiiywe keebhwe. Mubhe kura nabho, kwa okubha ameeyigisyo geebhwe agataasyanya na ganu ꞉mweeyigisiibhwe.

1 Bakorinto 3:11

kwa okubha orufuka runu rwamarirwe okuumbakwa ni Yeesu Kirisito omwene. Atari‑wo omuunu unu kaatura okuumbaka orufuka orundi.

1 Bakorinto 3:13

na obhwa ekisi bhwa emirimu ja bhuri muunu bhuribhonekana abhwerubhweru. Orusuku rurya rwa indamu emirimu joone jiribha abhweru, kwa okubha emirimu ja bhuri muunu, jiriregeejwa kwa omuriro.

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

2 Bakorinto 4:2

Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

Bakolosai 2:8

Mubhe mwiyangariiye, omuunu woonewoone aasiga okubhayabhya kwa ameeyigisyo ga kutyo era na ga orubheeyi. Ameeyigisyo ago, agaruubhana na obhusimukwa bhwa abhaanu, na obhutinge bhwa akatungiiywe bhwa echaaro chinu. Ameeyigisyo ago gatakusooka ku‑Kirisito,

1 Timoteo 6:3

Bhari‑wo abhaanu bhanu abheeyigisya ameeyigisyo ga orubheeyi. Abheeyigisya ameeyigisyo ganu gatakwikirisyanya na ameeyigisyo ga echimari ga Raatabhugenyi weeswe Yeesu Kirisito, ka wone gatakwikirisyanya na ameeyigisyo ganu agasakira abhaanu okwikara rwa kutyo Nyamuwanga keenda.

2 Timoteo 2:20

Mu‑nju inene bhiri‑mo ebhiinu bhya bhuri mbaga. Bhiri‑mo ebhiinu bhinu bhikonjerwe kwa inaaryo na jiyera, ebhindi kwa rimoga na amati. Ebhindi ebhikora emirimu ja echibharo na ebhindi emirimu jinu jitari ja echibharo.

2 Timoteo 3:13

Nawe bhanu abhakora ebhibhiibhi na abhajigi, bharigenderera okukora ebhibhiibhi muno, bharibhaga nibhajiga na okujigwa.

2 Timoteo 3:7

Abhagasi abho abheeyigira omwanya gwone, nawe abhataamibhwa chimwi okusombookerwa echimari.

2 Timoteo 4:3

Okubha guriija omwanya gunu abhaanu bharibhaga bhatakutegeresya ameeyigisyo ga echimari. Bharyenda okutegeresya ganu agabhakondisya era na okusora abheeyigisya bha okubheeyigisya ganu abheenda okuungwa.

Baeburania 13:9

Musigega okugegwagegwa na ameeyigisyo maafumaafu amagenyi, kwa okubha obhwitiriranya bhwa Nyamuwanga nibhwo obhurumatanya emyoyo jeemwe, noorwo bhitari ebhiraagiro inguru ya ebhiryo. Ebhiraagiro ebhyo bhitakusakira gwonegwone ku‑bhaanu bhanu abhabhiruubha.

1 Petero 1:7

Amaregeejo ago, agaregeeja eriikirisya ryemwe, korereki ribhonekane ati ni rya echimari. Noorwo inaaryo, inu eyitura okusingaarika, eyochiibhwa mu‑muriro korereki wone iregeejibhwe. Nyabhuriko, eriikirisya ryemwe rinu riri na obhurambu obhunene okukira inaaryo, ni bhusibhusi wone riregeejibhwe, ribhonekane ati ni rya echimari. Awo niwo, Yeesu Kirisito aribhakuuya, aribhayaana rikusyo na echibharo, orusuku runu ariswerurwa.

Obhusweruro 2:14

Nawe, muri na emisango emitooto jinu jichaannyaasya. Agati yeemwe bhari‑wo abhaanu bhanu abharuubha ameeyigisyo ga Bharaamu. Bharaamu oyo, ꞉eeyigisiisye Bharaaki okuteganya Abhayisirayeeri korereki bhakore echibhiibhi cha okurya ebhiryo bhinu bhyariga bhisoosiibhwe echoogo ku‑masusano na okukora obhuromesi.

Obhusweruro 21:18

Indugu eyo, yaariga yumbakiiywe amabhuyi ga obhugusi obhurambu ga yaasipi. Omusi ogwene wone gwariga guumbakiiywe inaaryo ya ekisi ya okubharangirya rwa rirore.

Obhusweruro 3:18

Kurwa ejo, enibhatongera mugure kw‑anye inaaryo inu yesiibhwe mu‑muriro korereki mubhe abhaniibhi. Mugure wone emyenda emyeru, muswikire obhutuyu bhwemwe korereki mutariiswara. Mugure omuti gwa okubhambaga ku‑meeso geemwe korereki mubhe na obhuturo bhwa okurora.