1 Bakorinto 2:4 - Indagano Inyaaya mu-Chijita

⁴ Omwanya gunu naariga niniiyigisya na okuraasya, ꞉nitaakorere kutyo mu‑bhwengeeso bhwani, korereki nikongye abhaanu ku‑songa ya obhwengeeso. Tari amanaga ga Mwoyo Mweru nigo gaariga nigeeresya echimari.

INDAGANO INYA:YA

⁴ No kwaika kwani no kusimura kwani bitabee mu misango jo kukongyakongya mu bwenge bwa ba:nu, nawe byabee mu kweresya kwo Mwoyo no kwa managa.

1 Bakorinto 2:4 Iomraidhean Croise

Ebikorwa 20:27

Okubha bhuri gunu Nyamuwanga eendaga mugumenye, naabhabhwiraga nitaabha na echiitimaato.

Ebikorwa 26:28

Neeya Agiriipa ˆnaasubhya Pawuro ati, “Owitogera ati kwa emisango jaawo emityari jinu, owutura okunkora nibhe Omukirisito?”

Barumi 15:13

Nyamuwanga niwe echiiyikanya ati arikora joone jinu ꞉aachiragire. Kurwa ejo, enibhasabhirwa ati, abhayaane rikonderwa ryone na omurembe omwanya gunu omugenderera okumwikirisya. Awo niwo muribha na obhwiyikanyo obhunene, muribha nabhwo ku‑managa ga Mwoyo Mweru.

Barumi 15:19

꞉Bhaakongiibhwe okumugayuka, kwa okubha okutura kw‑anye ꞉bhaarorere amanaga ga Kirisito mu‑bhibharikisyo na ebhiruguusyo. ꞉Naabhikorere ku‑managa ga Mwoyo wa Nyamuwanga. Mbe, ꞉neeyindire bhuri rubhaara nindaasyaga Emisango ja Ekisi inguru ya Kirisito, okwambira mu‑musi gwa Yerusareemu okukingira mu‑mukoowa gwa Yiruriko.

Barumi 16:18

Abhaanu bha imbaga eyo bhatakukorera emirimu Kirisito, Raatabhugenyi weeswe, tari wubha nibharuubha okurigira kwebhwe abheene. Abhaayika emisango ja ekisi ja okukondisya, nawe abhajiga abheekirisya bhanu bhatakwiyikanya okukorerwa obhubhiibhi bhwonebhwone.

1 Bakorinto 1:17

Kirisito ꞉ataantumire okubhatiija abhaanu. ꞉Aantumire okuraasya Emisango ja Ekisi, okwiyikanya wuri obhwengeeso bhwani bhwa okwayika kisi, korereki orufu rwa Kirisito ku‑musarabha rwasiga okubhusya amanaga gaarwo.

1 Bakorinto 2:1

Abhayiri bhaani mu‑riikirisya, omwanya gunu ꞉neejire kw‑imwe okubharaasisya inguru ya obhutinge bhwa imbisike ya Nyamuwanga bhunu bhwariga bhubhisirwe, ꞉nitaabhuraasiisye mu‑bhwa ekisi bhwa emisango noorwo mu‑bhwengeeso.

1 Bakorinto 2:13

Ka wone chitakwayika emisango jinu chiiyigisiibhwe na obhwengeeso bhwa abhaanu, tari misango jinu chiiyigisiibhwe na Mwoyo wa Nyamuwanga. Echiyobhoora emisango ja Mwoyo wa Nyamuwanga ku‑bhanu bhari na Mwoyo oyo.

1 Bakorinto 4:20

Enaayika kutyo kwa okubha obhukama bhwa Nyamuwanga, bhutakubhonekana mu‑misango era, tari chimwichimwi mu‑managa.

2 Bakorinto 6:6

Ka wone echiibhuurisya okubha abhakosi bha Nyamuwanga mu‑bhwiyikanyibhwa, mu‑bhumenyi, mu‑bhwigumiirisya na mu‑bhwa ekisi, mu‑kutangasibhwa na Mwoyo Mweru, mu‑ryenda rya echimari,

Bagalatia 1:10

Woori, omwitogera ati, eniyenjeresya okwikirisibhwa na abhaanu? Wuri, anye eniyenjeresya okwikirisibhwa na Nyamuwanga era. Amwi omwitogera ati eniyenjeresya okukondisya abhaanu? Araabha naakabheeye niyenjeresya okukondisya abhaanu, nitaakabheeye omukosi wa Kirisito.

Bakolosai 2:4

Enibhakaamira ejo, korereki mwasiga okwikirisya omuunu woonewoone okubhajiga kwa emisango ja orubheeyi, noorwo jikabha jiri ja okukongya muno.

1 Batesalonika 1:5

Echimenya kutyo, kwa okubha omwanya gunu ꞉chaabharaasisiisye Emisango ja Ekisi inguru ya Yeesu, ꞉chitaabharaasisiisye emisango era. Tari okuraasya kweswe, ꞉kwaruubheene na ebhiruguusyo bhinu bhyakorwaga na Mwoyo Mweru. ꞉Chaaraasiisye chimenyere kisi ati, emisango ejo ni ja echimari. Emwe abheene mumenyere kutyo chaariga chiri aamwi na emwe, korereki chibhasakire.

1 Petero 1:12

Nyamuwanga ꞉aasweruriiye abharagi abho ati, emisango jinu ꞉bhaaragire, jaariga jitari jeebhwe abheene, tari jaariga jiri jeemwe. Emisango jinu ꞉bhaayikire, nijo ꞉mwaraasisiibhwe na abhaanu bhanu ꞉bhaabhareteeye Emisango ja Ekisi inguru ya Yeesu Kirisito. Abheene ꞉bhaabhabhwiriiye emisango ejo, ku‑bhuturo bhwa Mwoyo Mweru unu ꞉aatumirwe okusooka mu‑rwire. Emisango ejo, noorwo bhamaraayika wone abheegomba muno okujisombookerwa.

2 Petero 1:16

Omwanya gunu chaariga nichiiyigisya kutyo ariija ku‑bhuturo bhwaye, Raatabhugenyi weeswe Yeesu Kirisito, chaariga chitakwiyikanya jingani ja kara jinu jikaamirwe kwa obhwenge. Tari eswe ꞉chaarorere rikusyo ryaye kwa ameeso geeswe abheene.

2 Petero 2:18

Abhaayika emisango ja orwikuuya na jinu jitari na obhugajuro, na mu‑kuruubha okurigira kwebhwe okubhiibhi kwa orukubho, abhatega abhaanu bhakore kutyokutyo. Abhaanu bhanu abhategwa, bhaamamara okwikirisya na okusiga okukora jinu abhanyamusi abhakora.