1 Bakorinto 2:14 - Indagano Inyaaya mu-Chijita

¹⁴ Nawe omuunu unu atari na Mwoyo wa Nyamuwanga, atakuramira jinu ejisooka ku‑Mwoyo wa Nyamuwanga, isonga iri ati ku‑muunu oyo ejo ni ja chimuumu. Ka wone atakutura okujisombookerwa, kwa okubha ejimenyekana era ku‑bhusakisi bhwa Mwoyo wa Nyamuwanga.

INDAGANO INYA:YA

¹⁴ Nawe omu:nu wo busimika atakungwa ebyo Mwoyo wa Nyamuanga, okuba ni bya bumu:mu ku mwene, atakutura kubimenya okuba ebi:tege:resibwa no mwoyo.

1 Bakorinto 2:14 Iomraidhean Croise

Matayo 16:23

Nawe Yeesu, ˆneekebhuukira, ˆnaabhwira Peetero ati, “Sooka anu Syetaani! Owuregeeja okunyingirira okukora jinu Nyamuwanga keenda! Awe utakwiganirisya jinu jiri ja Nyamuwanga, tari wiganirisya jinu jiri ja abhaanu.”

Yowana 10:20

Abhaanu bhaafu mu‑bheene, nibhaayika ati, “Unu ari na risambwa! Ka wone ni musasi! Woori ni kurwa ki omumutegeresya?”

Yowana 12:37

Noorwo kutyo Yeesu ꞉aakorere ebhibharikisyo bhyafu imbere yeebhwe, nawe abhaanu bhaafu ꞉bhataamwikirisiisye.

Yowana 14:17

Oyo niwe Mwoyo Mweru unu kaja okuswerurira abhaanu echimari. Abhaanu bha ku‑chaaro kunu bhatakutura okumuramira kwa okubha bhatakumurora, ka wone bhatakumumenya. Nawe emwe omumumenya Mwoyo oyo, kwa okubha eekaaye aamwi na emwe, ka wone kaja okubha mw‑imwe.

Yowana 14:26

Nawe Omusakisi oyo, Mwoyo Mweru, unu Raata arituma kw‑imwe kw‑isiina ryani, aribheeyigisya na okubheechukya joone jinu naabhabhwira.

Yowana 15:26

“Nirituma kw‑imwe Omusakisi, niwe Mwoyo Mweru, unu kaja okuswerurira abhaanu echimari. Omusakisi oyo, kaasooka ku‑Raata, na omwanya gunu aribhakinga‑ko, arisoosya obhubhambaasi bhwa echimari inguru yaani.

Yowana 5:44

Emwe mwendere okukuuyibhwa na abheejaanyu, nawe mutakwikomeesya okuyenja echibharo chinu echisooka ku‑Nyamuwanga omwene. Woori, omutura kutiki okunyikirisya?

Yowana 8:43

Kurwa ki mutakusombookerwa jinu enaayika? Mutakutura okujisombookerwa kwa okubha mutakwenda okutegeresya emisango jinu enibhabhwira.

Ebikorwa 16:14

Mu‑bhanu bhaachitegeresyaga, aariga ari‑mo omugasi umwi, asookere mu‑musi gwa Tiyaatira, risiina ryaye aatogwaga Riidiya. Riidiya oyo, aariga ari omugusi wa emyenda ja ekisi ja ijambarawu na aaramyaga Nyamuwanga. Pawuro ejire aabhabhwira Emisango ja Ekisi, Raatabhugenyi ˆneegura mutima gwa Riidiya, ˆnaategeresya kisi omusango gunu Pawuro aariga ˆnaaraasya.

Ebikorwa 17:18

Niwo abhaanu abharebhe bha obhwengeeso bhanu bhaatogwaga ati Abhayepukiriyo, aamwi na Abhasitoyiko, nibhaamba okubhambasyanya na Pawuro na okurema emisango jaaye. Abhandi mu‑bheene nibhabhuusya ati, “Ni misango ki jinu omuromiromi unu kaayika?” Abhandi nibhaayika ati, “Eyibhonekana ati kaayikira inguru ya amasambwa ga echaaro echindi.” ꞉Bhaayikire kutyo kwa okubha Pawuro aabharaasisyaga inguru ya Yeesu na inguru ya okusuuruka mu‑bhafuuwe.

Ebikorwa 17:32

Abhakuru abho, bhejire bhoongwa ati Pawuro kaayika inguru ya okusuuruka kwa abhafuuwe, abhaanu bheebhwe abharebhe nibhamuseka na okumugaya. Nawe abhandi nibhamubhwira ati, “Echija okukutegeresya rindi inguru ya emisango ejo.”

Ebikorwa 18:15

Nawe kwa okubha ni inguru ya emisango, amasiina na ebhiraagiro bhyemwe, mujimare emwe abheene. Naarema okubha omuramusi wa emisango ejo.”

Ebikorwa 25:19

Tari bhaariga nibhabhambasyanya nage inguru ya amabhuusyo ga idiini yeebhwe era na inguru ya omuunu umwi unu ꞉aafuuwe, risiina ryaye aatogwaga Yeesu. Nawe Pawuro kaayika ati omuunu oyo ni muwanga.

1 Bakorinto 1:18

Abhaanu bhanu abhabhura abharora ati emisango ja Kirisito okufwa ku‑musarabha ni ja echimuumu, nawe kw‑iswe bhanu echichunguka, emisango ejo nigo amanaga ga Nyamuwanga.

1 Bakorinto 1:21

Enaayika kutyo, kwa okubha Nyamuwanga, ku‑bhwengeeso bhwaye, ꞉aaramuuye ati abhaanu bhatakutura okumusombookerwa okutura ku‑bhwengeeso bhwebhwe abheene. Tari Nyamuwanga ꞉eendere okuchungura bhanu abhamwikirisya okutura ku‑misango jinu echiraasya. Emisango ejo, abhaanu bhanu bhatakumenya Nyamuwanga, abhaayika ati ni ja echimuumu.

1 Bakorinto 1:23

Nawe eswe, echiraasya emisango inguru ya Kirisito unu ꞉aafuuwe ku‑musarabha. Emisango ejo ejikora Abhayawudi bheekuujure, na ku‑bhanu bhatari Bhayawudi ni misango ja echimuumu.

1 Bakorinto 1:25

Emisango jinu abhaanu abharora ati ni bhumuumu bhwa Nyamuwanga, ejikira obhwengeeso bhwa abhaanu. Ka emisango jinu abharora ati ni bhujorobhoke bhwa Nyamuwanga, jiri na amanaga okukira amanaga ga abhaanu.

1 Bakorinto 15:44

Ogusiikwa omubhiri gwa obhusimukwa, nawe ogusuuruka omubhiri muyaaya gunu chiriyaanwa na Mwoyo Mweru. Okubha guri‑wo omubhiri gwa obhusimukwa, ka wone guri‑wo omubhiri omuyaaya gunu chiriyaanwa na Mwoyo Mweru.

1 Bakorinto 15:46

Nawe omubhiri gunu ogutangata ni gunu gutari gwa obhuwanga, ni gurya gwa obhusimukwa, gukamara niguuja omubhiri omuyaaya gunu chiriyaanwa na Mwoyo Mweru.

1 Bakorinto 2:12

Nyamuwanga ꞉ataachiyaaye obhwiganirisya bhwa ku‑chaaro kunu, tari ꞉aachiyaaye Mwoyo waaye, korereki chimenye jinu chiyaaywe ku‑bhwitiriranya bhwa Nyamuwanga.

1 Bakorinto 3:1

Abhayiri bhaani mu‑riikirisya, omwanya gunu naariga niri kw‑imwe ꞉nitaaturire okwayika na emwe rwa abhaanu bhanu abhatangasibhwa na Mwoyo Mweru. Tari naariga ninaayika na emwe rwa abhaanu bhanu abhatangasibhwa na emisango ja echaaro, ka wone rwa abhaana abharera mu‑kwikirisya Kirisito.

Yakobo 3:15

Obhwengeeso bhwa imbaga eyo, bhutakusooka ku‑Nyamuwanga, tari ni bhwengeeso bhunyachaaro, bhunyamuunu na obhusooka ku‑Syetaani.

1 Yoana 2:20

Nawe emwe, Yeesu Omweru abhayaanire Mwoyo waaye, kurwa ejo, woori bhoone omumenya echimari.

1 Yoana 2:27

Nawe emwe, Kirisito abhayaaye Mwoyo Mweru unu ari mu‑myoyo jeemwe. Mutakukena omuunu owundi wa okubheeyigisya emisango ja echimari. Okubha Mwoyo Mweru kaabheeyigisya bhuri chiinu chinu omukena okumenya. Ameeyigisyo gaaye ni ga echimari, gatari ga orubheeyi. Kurwa ejo, mugenderere okubha na obhumwi na Kirisito.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

Yuuda 1:19

Abhaanu abho, nibho abhareterera okwawukana, abheeganirisya emisango ja ku‑chaaro era, bhatari na Mwoyo wa Nyamuwanga.