1 Bakorinto 2:12 - Indagano Inyaaya mu-Chijita

¹² Nyamuwanga ꞉ataachiyaaye obhwiganirisya bhwa ku‑chaaro kunu, tari ꞉aachiyaaye Mwoyo waaye, korereki chimenye jinu chiyaaywe ku‑bhwitiriranya bhwa Nyamuwanga.

INDAGANO INYA:YA

¹² Nawe eswe citayabirwe mwoyo gwa i:si, nawe ni Mwoyo unu aso:kere ku Nyamuanga, cikorereki cimenyega binu Nyamuanga kaciyana kutyo era.

1 Bakorinto 2:12 Iomraidhean Croise

Barumi 8:1

Mbe woori, Nyamuwanga atariyaana ebhitiibha abhaanu bhanu bhari na obhumwi na Kirisito Yeesu.

Barumi 8:32

Nyamuwanga ꞉ataafwiriiye echigongo Omwana waaye omwene, tari ꞉aamusoosiisye korereki afwe inguru yeeswe bhoone. Kurwa ejo, araabha ꞉aasoosiisye Omwana waaye inguru yeeswe, chimari arichiyaana amabhando goone okutura ku‑mwene!

1 Bakorinto 1:27

Nawe Nyamuwanga ꞉aawuuwe emisango jinu abhaanu abharora ati ni bhumuumu, korereki aswasye abha obhwengeeso. Ka wone Nyamuwanga ꞉aawuuwe emisango jinu abhaanu abharora ati ni bhujorobhoke, korereki aswasye abha amanaga.

1 Bakorinto 2:6

Woori eswe, echaayika emisango ja obhwengeeso ku‑bhaanu bhanu bharumateene mu‑riikirisya, nawe obhwengeeso obhwo bhutari bhwa echaaro chinu, ka wone bhutari bhwa abhatungi bha echaaro chinu bhanu bhariyitingʼana.

1 Bakorinto 3:22

abhe Pawuro, abhe Apooro, amwi abhe Keefa. Ka wone Nyamuwanga abhayaaye ebhiinu bhyone okubhasakira, bhibhe bhya mu‑chaaro, amwi bhuwanga, amwi rufu, bhibhe bhinu bhiri‑wo woori, amwi bhinu bhiribha‑wo, bhyone ni bhyemwe.

2 Bakorinto 4:4

Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.

Baefeso 2:2

Ku‑mwanya ogwo, mwaruubhaga jitungwa jimbiibhi ja echaaro chinu. ꞉Mweekaaye nimuruubhaga Syetaani, omutungi wa obhuturo bhwa echinyamwoyo mu‑rutumba, niryo risambwa rinu woori ritungire abhaanu bhanu bhatakugayuka Nyamuwanga.

Yakobo 4:5

Mbe, musige okwitogera ati Ebhikaame Ebhyeru bhikaamirwe emisango ja kutyo era, ati, Mwoyo unu Nyamuwanga ꞉aateeye mu‑mutima jeeswe kaachiisigombera okukingira okuchifuyira muno.

1 Yoana 2:20

Nawe emwe, Yeesu Omweru abhayaanire Mwoyo waaye, kurwa ejo, woori bhoone omumenya echimari.

1 Yoana 2:27

Nawe emwe, Kirisito abhayaaye Mwoyo Mweru unu ari mu‑myoyo jeemwe. Mutakukena omuunu owundi wa okubheeyigisya emisango ja echimari. Okubha Mwoyo Mweru kaabheeyigisya bhuri chiinu chinu omukena okumenya. Ameeyigisyo gaaye ni ga echimari, gatari ga orubheeyi. Kurwa ejo, mugenderere okubha na obhumwi na Kirisito.

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.

Obhusweruro 22:6

Neeya maraayika oyo, ˆnaambwira ati, “Emisango jinu ni ja okwiyikanyibhwa na ja echimari. Raatabhugenyi Nyamuwanga unu kaayaana abharagi Mwoyo Mweru waaye, ꞉aatumire maraayika waaye okweresya abhakosi bhaaye emisango jinu ni bhusibhusi jikorekane bhwangu.”