1 Bakorinto 16:13 - Indagano Inyaaya mu-Chijita

¹³ Mutengeeje, murumatane mu‑riikirisya, ka wone mubhe abhayaari na abha amanaga.

INDAGANO INYA:YA

¹³ Mutengeje, murume mu kwikirisya, mukorega cirume, mubega na managa.

1 Bakorinto 16:13 Iomraidhean Croise

Matayo 25:13

Awo Yeesu ˆnaamariisya kwa okwayika ati, “Mbe, mwiyangarire, kwa okubha mutakumenya orusuku noorwo isaa inu nirisubha.”

Matayo 26:41

Mutengeeje na okusabhwa Nyamuwanga, korereki mwasiga okuregeejwa. Omwoyo ogwenda okwigumiirisya amaregeejo, nawe omubhiri gugotookere.”

Ruuka 21:36

Kurwa ejo, mubhega mutengeejere omwanya gwone! Mugenderere okusabhwa Nyamuwanga, korereki abhayaane obhuturo bhwa okwiruka joone jinu jirikorekana, na mwimereeguru imbere yaani, anye Omwana wa Omuunu.”

1 Bakorinto 14:20

Abhayiri bhaani mu‑riikirisya, mwasiga okwiganirisya rwa abhaana abharera, tari mwiganirisyega rwa abhaanu abhakuru. Nawe inguru ya obhubhiibhi, mubhe rwa abhaana abharera.

1 Bakorinto 15:58

Kutyo, abhayiri bhaani abheendwa mu‑riikirisya, murumatane mu‑riikirisya eryo, okufwa omwoyo wuri. Mugenderere okukora emirimu ja Raatabhugenyi nimukomeeraga bhuri rusuku, kwa okubha mumenyere ati emirimu jinu omukora inguru ya Raatabhugenyi, jitari ja okufwirwa‑mo wuri.

2 Bakorinto 1:24

Chinu eneenda okwayika ni ati, chitakwenda okutunga eriikirisya ryemwe, okubha murumateene mu‑riikirisya. Tari, eswe chiri bhakosi bha emirimu aamwi na emwe, inguru ya rikonderwa ryemwe.

Bagalatia 5:1

Kirisito achiyaaye obhwitaage, korereki chiikare mu‑bhwitaage obhwo. Kurwa ejo, mwimereeguru murumateene, mwasiga okwikirisya okusubha rindi mu‑bhugaya bhwa ebhiraagiro.

Baefeso 3:16

Enimusabhwa ati, okuruubhana na rikusyo ryaye eryafu abhayaane amanaga ku‑njira ya Mwoyo waaye, murumatanega ndindindi mu‑myoyo jeemwe,

Baefeso 6:10

Ku‑bhuteero, mubhega na amanaga ga echinyamwoyo mu‑Raatabhugenyi na mu‑bhuturo bhwa amanaga gaaye.

Bafilipi 1:27

Mbe, omusango gwa bhusibhusi ni ati jitungwa jeemwe jingane na Emisango ja Ekisi ja Kirisito. Aribha naaja okubharora, amwi nikarema okuuja, eneenda okuungwa ati omugenderera okurumatana na okubha na obhumwi, ka wone ati muri aamwi mu‑kurwanirira eriikirisya rinu erisookana na Emisango ja Ekisi.

Bafilipi 4:1

Kurwa ejo, abhayiri bhaani, mwimereeguru murumateene mu‑kwiyikanya Raatabhugenyi Yeesu. Enibheenda na niri na obhwira bhwa okubhugana na emwe, abheendwa bhaani. Emwe neemwe rikonderwa ryani na orutengya rwani rwa obhuyigi runu niriyaanwa inguru ya emirimu jinu nikorere.

Bafilipi 4:13

Enitura okukora emisango ejo joone, kwa okubha Kirisito niwe kaanaana amanaga.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

Bakolosai 4:12

Epaafura, omukosi wa Kirisito Yeesu, ka wone ni muunu wa ewaanyu eyo, kaabhakeesya. Bhuri mwanya keekomeesya okubhasabhirwa korereki murumatane echinyamwoyo mu‑riikirisya ryemwe na okubha na echimari inguru ya okwenda kwone kwa Nyamuwanga.

Bakolosai 4:2

Musabhwega bhuri rusuku, mutengeejega mw‑isabhwa na okusiima Nyamuwanga.

1 Batesalonika 3:8

Woori, emyoyo jeeswe ejikonderwa muno, kwa okubha emwe omugenderera okurumatana ku‑Raatabhugenyi Yeesu.

1 Batesalonika 5:6

Mbe, chisige okubha rwa abhandi bhanu bhawongeeye. Nawe, eswe chitengeeje na chiyingirire.

2 Batesalonika 2:15

Woori abhayiri bheeswe, murumatane kisi na okugwata ameeyigisyo ganu ꞉mwaramiiye, ku‑njira ya omusango gweswe gunu ꞉chaaraasiisye amwi ꞉chaabhakaamiiye ku‑nyarubha yeeswe.

1 Timoteo 6:12

Komeera okurwana kisi riremo rya eriikirisya, korereki wiibhonere obhuwanga bhwa akajaanende. Obhuwanga obhwo nibhwo ꞉waabhirikiriiywe. Awe omwene ꞉waasoosiisye obhubhambaasi bhwa echimari imbere ya abhabhambaasi bhaafu.

2 Timoteo 2:1

Woori awe omwana waani, ubhe na amanaga mu‑bhwitiriranya bhunu echibhona kwa okwikirisya Kirisito Yeesu.

2 Timoteo 4:5

Nawe awe, ikenga ejo joone, igumiirisya mu‑bhinyaasyo, ukore emirimu ja okuraasya Emisango ja Ekisi, ukore ekisi mu‑bhukosi bhwawo bhwone.

2 Timoteo 4:7

Nirwanire riremo kisi, orugendo rwani nirumarire kisi, ka wone eriikirisya ryani nirigwatiriiye ngʼanyangʼanya.

1 Petero 4:7

Obhuteero bhwa emisango joone, bhuri yeeyi. Kurwa ejo, mwiyingirire na okwiyangarira mu‑misango joone, korereki mubhe na obhuturo bhwa okusabhwa.

1 Petero 5:8

Mwiyingirire na okutengeeja, omwanya gwone. Okubha omusoko weemwe, Syetaani, keeyinda enu na erya rwa itare inu eyiruuta, niiyenja omuunu wa okusingaarisya.

Obhusweruro 16:15

Raatabhugenyi Yeesu kaayika ati, “Muringire! Niriija rwa kutyo omwifi kaaja abhaanu bhataamenya. Ari na ribhando unu atengeejere na okwiraabha emyenda jaaye korereki asige kuyenga tuyu na okwiswasya imbere ya abhaanu.”