1 Bakorinto 14:2 - Indagano Inyaaya mu-Chijita

² Omuunu unu kaayika inyaayika ingenyi, atakwayika na abhaanu, tari kaayika na Nyamuwanga, kwa okubha jinu kaayika atari‑wo unu kaajisombookerwa. Omwene oyo kaabha ˆnaayika emisango ja imbisike ku‑managa ga Mwoyo Mweru.

INDAGANO INYA:YA

² Okuba unu ka:ika inyaika eindi, atakwaika ku ba:nu tari ku Nyamuanga, okuba atario unu kongwa, nawe ka:ika mu mwoyo ebyo bumbise.

1 Bakorinto 14:2 Iomraidhean Croise

Matayo 13:11

ˆNaabhasubhya ati, “Emwe, Nyamuwanga abhayaaye obhuturo bhwa okusombookerwa emisango jinu jichaari mbisike inguru ya obhukama bhwaye. Nawe abheene bhatayaaywe obhuturo bhwa okujisombookerwa.

Mariko 16:17

Abhaanu bhanu bheekirisiisye, abhaja okukora ebhibharikisyo bhinu, bharibhaga nibhasoosya amasambwa ku‑bhaanu kw‑isiina ryani na okwayika mu‑nyaayika inyaaya.

Mariko 4:11

ˆNaabhasubhya ati, “Emwe muyaaywe okusombookerwa emisango jinu jiri mbisike inguru ya obhukama bhwa Nyamuwanga. Nawe abhaanu bhanu bhatakunduubha, enibhabhwira joone ku‑bhijekekanyo,

Ebikorwa 10:46

Okubha ꞉bhoonguuwe abhaanu abho nibhaayikaga mu‑nyaayika jingenyi na okukusya Nyamuwanga. Niwo Peetero ˆnaayika ati,

Ebikorwa 19:6

Omwanya gunu Pawuro ꞉aabhatereeye‑ko amabhoko gaaye, awoawo Mwoyo Mweru ˆnaabheekira, nibhaamba okwayika mu‑nyaayika jingenyi na okusoosya obhuragi.

Ebikorwa 22:9

Abheejaasu bhanu chaariga chiri aamwi, ꞉bhaarorere obhweru, nawe obhuraka obhwo, ꞉bhataabhuunguuwe.

Barumi 16:25

Woori, chikusye Nyamuwanga! Omwene kaatura okukora mubhe nimurumatana mu‑riikirisya ryemwe, okutura ku‑Misango ja Ekisi inguru ya Yeesu Kirisito jinu naariga nindaasya kw‑imwe. Emisango ejo nijo obhutinge bhwa imbisike bhunu bhwariga bhubhisirwe kara,

1 Bakorinto 12:10

owundi echiyaanwa cha okukora ebhiruguusyo, owundi echiyaanwa cha okusoosya obhuragi. Mwoyo oyooyo kaayaana owundi echiyaanwa cha okusombookerwa araabha omusango gusookere ku‑masambwa amwi ku‑Mwoyo Mweru, owundi echiyaanwa cha okwayika jinyaayika jingenyi, owundi echiyaanwa cha okugajura jinyaayika ejo.

1 Bakorinto 12:28

Nyamuwanga ateeye mw‑ikanisa, bha okwamba jitumwa, bha kabhiri abharagi, bha kasatu abheeyigisya. Wone ateeye bhanu abhakora ebhiruguusyo, bhanu bhari na echiyaanwa cha okuwosya abharwaye, bhanu bhari na echiyaanwa cha okusakira abhandi, bhanu bhari na echiyaanwa cha okutangasya, na bhanu bhari na echiyaanwa cha okwayika jinyaayika jingenyi.

1 Bakorinto 13:1

Noorwo nikaayika mu‑nyaayika ja abhaanu na mu‑nyaayika ja bhamaraayika, nawe araabha nitari na eryenda, enibha rwa omuunu unu kaamwaya era, inyaayika yaani eyo, ni ya kutyo era.

1 Bakorinto 13:2

Ka wone noorwo nikasoosya obhuragi na okusombookerwa jimbisike joone na okumenya joone kisi, noorwo nikabha na eriikirisya enene rya okutura okufurusya ebhiima, nawe araabha nitari na eryenda, anye nitari chiinu.

1 Bakorinto 14:16

Ukakuuya Nyamuwanga mu‑mwoyo era, omuunu owundi unu atari na obhuturo obhwo bhwa okusombookerwa inyaayika ingenyi, kaja okutura kutiki okwitabhirwa risiima ryawo ku‑Nyamuwanga mu‑kwayika ati, “Jibhe kutyo”? Atakusombookerwa wuri jinu owaayika!

1 Bakorinto 14:26

Woori, abhayiri bhaani mu‑riikirisya, chaayike ki? Omwanya gunu omwikofyanya okusabhwa, umwi keemba orwimbo, owundi keeyigisya, owundi kaayika jinu Nyamuwanga aamuswerurira, owundi kaayika jinyaayika jingenyi, na owundi kaajigajura. Emisango ejo joone jikorekane okukomeesya abheekirisya.

1 Bakorinto 15:51

Mutegeresye, enibhabhwira imbisike ati, eswe chitarimaama nyombe bhoone, nawe bhoone chiriyindurwa.

1 Bakorinto 2:10

Nawe eswe, Nyamuwanga ꞉aacheeresiisye ejo okutura ku‑Mwoyo Mweru, kwa okubha Mwoyo Mweru kaatatirisya joone, noorwo obhutinge bhwa Nyamuwanga bhunu bhubhisirwe.

1 Bakorinto 2:7

Obhwengeeso bhunu echiraasya ni mbisike ya Nyamuwanga, inu yaariga ichaari okuswerurwa ku‑bhaanu. Omwanya gunu Nyamuwanga aariga achaari okubhumba echaaro, ꞉aaramuuye okukorera emirimu obhwengeeso obhwo, inguru ya rikusyo ryeswe.

Baefeso 6:19

Munsabhirwe anye wone, korereki Nyamuwanga anaane emisango ja okwayika, niraasye kwa ribhaasi obhutinge bhwa imbisike yaaye bhunu bhusweruriiywe mu‑Misango ja Ekisi.

Bakolosai 2:2

Enikora kutyo, korereki emyoyo jeemwe bhoone, jisimbiisibhwe na okugwatanyibhwa aamwi mu‑ryenda. Eneenda murumatane chimwi mu‑kusombookerwa, na okumenya obhutinge bhwa imbisike ya Nyamuwanga bhunu ku‑bhwambiro bhwariga bhubhisirwe. Imbisike eyo nikwo okumenya Kirisito omwene.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

1 Timoteo 3:9

Tari, bhabhe abhaanu bhanu abhagwatana mu‑mutima gwa ekisi na echimari cha eriikirisya chinu Nyamuwanga asweruuye.

Obhusweruro 10:7

Omwanya gunu maraayika wa kataanu na kabhiri aribhuma ingʼombi yaaye, Nyamuwanga arikuumisya obhutinge bhwa imbisike yaaye. Irikuumisibhwa rwa kutyo ꞉aaraasisiisye abhakosi bhaaye abharagi.”