1 Bakorinto 14:1 - Indagano Inyaaya mu-Chijita

¹ Mwikomeesyega okubha na eryenda na mwisigomberega okubhona ebhiyaanwa bhya Mwoyo Mweru, chimwichimwi echiyaanwa cha okusoosya obhuragi.

INDAGANO INYA:YA

¹ Muru:bega okwenda, nawe mwisigomberega ebiyanwa byo mwoyo, nawe kukirao muragega.

1 Bakorinto 14:1 Iomraidhean Croise

Barumi 12:6

Mbe, chiri na ebhiyaanwa bhya mbaga nyafu, rwa kutyo Nyamuwanga ꞉aachiyaaye kwa obhwitiriranya bhwaye. Omuunu unu ayaaywe echiyaanwa cha okusoosya obhuragi, akorere emirimu echiyaanwa echo okuruubhana na eriikirisya ryaye.

Barumi 14:19

Kurwa ejo, chiikomeesye omwanya gwone okukora emisango jinu ejireeta omurembe na jinu ejirumatanya abheejaasu mu‑riikirisya ryeswe.

Barumi 9:30

Mbe, chaayike ki woori inguru ya emisango ejo? Abhaanu bhanu bhatari Bhayisirayeeri ꞉bhateekomeesiisye okubha abharengeresi imbere ya Nyamuwanga, nawe Nyamuwanga ꞉aabhabharire okubha abharengeresi ku‑njira ya kwikirisya Kirisito.

1 Bakorinto 12:1

Woori, abhayiri bhaani mu‑riikirisya, enija okwayika inguru ya ebhiyaanwa bhinu ebhisooka ku‑Mwoyo Mweru, kwa okubha eneenda mubhisombookerwe kisi.

1 Bakorinto 12:31

Mbe, mwisigombere okubhona ebhiyaanwa ebhinene. Nawe okwamba eneenda okubhabhwira injira inu iri ya ekisi muno.

1 Bakorinto 13:13

Mbe woori, ebhiinu bhisatu bhinu bhitariwaa‑wo, ni riikirisya, obhwiyikanyo na eryenda. Kw‑ijo, gunu guri gwa bhusibhusi ni ryenda.

1 Bakorinto 13:2

Ka wone noorwo nikasoosya obhuragi na okusombookerwa jimbisike joone na okumenya joone kisi, noorwo nikabha na eriikirisya enene rya okutura okufurusya ebhiima, nawe araabha nitari na eryenda, anye nitari chiinu.

1 Bakorinto 14:22

Okwayika jinyaayika jingenyi ni chibharikisyo cha amanaga ga Nyamuwanga inguru ya abhaanu bhanu bhatari bheekirisya, chitari chibharikisyo inguru ya abheekirisya. Nawe obhuragi obhusoosibhwa inguru ya abheekirisya, itari inguru ya abhaanu bhanu bhatari bheekirisya.

1 Bakorinto 14:37

Araabha omuunu keerora ati ari na echiyaanwa cha okusoosya obhuragi, amwi ati ari na echiyaanwa echindi cha Mwoyo Mweru, asombookerwe ati, jinu enibhakaamira, ni maragiriro okusooka ku‑Raatabhugenyi.

1 Bakorinto 14:39

Kutyo, abhayiri bhaani mu‑riikirisya, mwikomeesye okusoosya obhuragi, ka wone musigega okuyingirira omuunu okwayika jinyaayika jingenyi.

1 Bakorinto 16:14

Emisango jeemwe joone mujikorega mu‑ryenda.

Baefeso 1:3

Akusibhwe Nyamuwanga, Esemwene Raatabhugenyi weeswe Yeesu Kirisito unu achiyaaye amabhando goone ga echinyamwoyo mu‑kubha na obhumwi na Kirisito, mu‑chaaro chinyatarorwa.

1 Batesalonika 5:20

Ka wone musige okurema obhuragi,

1 Timoteo 4:14

Komeera okukorera emirimu echiyaanwa chinu Nyamuwanga akuyaaye ku‑njira ya emisango ja obhuragi na okutuurirwa‑ko amabhoko aamwi na abhakaruka bha rikanisa.

1 Timoteo 5:10

Abhe omuunu wa jikuma ja ekisi, abhe eeyigisiisye abhaana bhaaye jitungwa ja ekisi, abhe akumire abhagenyi, abhe oosiisye abheeru amaguru, abhe asakiiye abhaanu bhanu bhari mu‑nyaako, ka wone, abhe eekomeesiisye okukora ebhikorwa bhyone bhya ekisi.

1 Timoteo 6:11

Nawe awe, omuunu wa Nyamuwanga, wiiruke ejo. Uruubhega rirenga, okurama rwa kutyo Nyamuwanga keenda, eriikirisya, eryenda, okwigumiirisya na obhworooro.

2 Timoteo 2:22

Wiiruke obhurigire bhwa echisigaji, uruubhega rirenga, eriikirisya, eryenda na omurembe. Ugwatirire ejo, aamwi na bhoone bhanu abhasabhwa Raatabhugenyi kwa omutima omweru.

Baeburania 12:14

Mbe, mwikomeesyega okwikara kwa omurembe na abhaanu bhoone. Ka wone mwikomeesyega okubha abheeru mu‑bhurame bhwemwe, kwa okubha atari‑wo omuunu unu kaatura okurora Raatabhugenyi akabha atari mweru.

2 Petero 1:7

Okuyaana Nyamuwanga echibharo okwo kwongesibhwe okwendana rwa abhayiri, okwendana rwa abhayiri okwo kwongesibhwe obhufura bhwa eryenda.

3 Yoana 1:11

Woori, omwendwa waani Gaayo, waasiga okuruubha echijekekanyo echibhiibhi, tari echijekekanyo cha ekisi. Omuunu woonewoone unu kaakora ja ekisi, oyo ni mwana wa Nyamuwanga. Nawe unu kaakora ebhibhiibhi, atakusombookerwa ati Nyamuwanga niga.