1 Bakorinto 13:7 - Indagano Inyaaya mu-Chijita

⁷ Eryenda erikora eegumiirisye mu‑joone, abhe na eriikirisya omwanya gwone, abhe na obhwiyikanyo omwanya gwone, ka wone eekomeesyega mu‑joone.

INDAGANO INYA:YA

⁷ Okwigumirisya byone, okwikirisya byone, okwiikanya byone, okwikomeisya mu byone.

1 Bakorinto 13:7 Iomraidhean Croise

Matayo 10:22

Abhaanu bhoone bharibhasoka ku‑songa yaani. Nawe, omuunu woonewoone unu ariigumiirisya okukingira ku‑bhuteero, niwe Nyamuwanga arichungura.

Mariko 9:23

Yeesu ˆnaamusubhya ati, “Kurwa ki owaayika ati, ‘Araabha owutura?’ Joone ejiturikana ku‑muunu unu keekirisya Nyamuwanga.”

Barumi 15:1

Mbe, eswe bhanu chirumateene mu‑riikirisya, chikenerwe chiigumiirisye abheejaasu bhanu bhachaari kurumatana mu‑riikirisya. Chibhasakire mu‑bhujorobhoke bhwebhwe, na chisige okukora emisango jinu ejichikondisya eswe era.

Barumi 8:24

Obhwiyikanyo obhwo chiri nabhwo okwambira bhunu Nyamuwanga ꞉aachichunguuye. Nawe araabha echiiyikanya echiinu chinu echitura okurora, obhwo bhutari bhwiyikanyo. Angu, niga unu keeyikanya okuyaanwa echiinu chinu ari nacho?

1 Bakorinto 13:4

Eryenda erikora omuunu eegumiirisye, abhe owa ekisi, atakubha na orwiso, atakwikuuya, ka wone atakubha na echigundu.

1 Bakorinto 9:12

Araabha abhandi bheeyire okubhona ebhiinu rwa ebhyo okusooka kw‑imwe, woori eswe, chiteeyire muno okuyaanwa ebhiinu ebhyo? Nawe eswe ꞉chitaatongere bhinu chiiyire okuyaanwa na emwe, tari cheegumiirisya mu‑joone, korereki chaasiga okuyingirira abhaanu okwikirisya Emisango ja Ekisi inguru ya Kirisito.

Bagalatia 6:2

Musakiranega na okugegerana emigugu jeemwe emisito, niwo murikuumisya echiraagiro cha Kirisito.

2 Batesalonika 1:4

Eswe wone, echikonderwa muno bhunu echisimura inguru yeemwe, mu‑makanisa ga Nyamuwanga. Echikondererwa kutyo omugenderera na obhwigumiirisya bhwemwe na eriikirisya ryemwe noorwo mu‑bhinyaasyo bhyone bhinu omubhona.

2 Timoteo 2:24

Ka wone, omukosi wa Raatabhugenyi ateeyire abhe omuunu wa inyombo. Nawe abhe omwigumiirisya, omworooro ku‑bhaanu bhoone na unu kaamenya okwiyigisya kisi.

2 Timoteo 3:11

eryenda ryani na okurindirira kwani. Owumenya kutyo abhaanu bhaannyaasyaga, bhunu naariga niri mu‑misi ja Atiyookiya, Yikoniya na Risitura. Ka wone, owumenya kutyo neegumiirisiisye jinyaako joone okukingira Raatabhugenyi ˆnaamonʼya okusooka mw‑ijo joone.

2 Timoteo 4:5

Nawe awe, ikenga ejo joone, igumiirisya mu‑bhinyaasyo, ukore emirimu ja okuraasya Emisango ja Ekisi, ukore ekisi mu‑bhukosi bhwawo bhwone.

Baeburania 13:13

Kurwa ejo eswe wone chimujee‑ko ku‑mwira gwa omusi eyo na okwigumiirisya jiswaro rwa kutyo omwene wone ꞉aajigumiirisiisye.

Yakobo 1:12

Ari na ribhando omuunu unu keegumiirisya omwanya gunu kaaregeejibhwa, kwa okubha omwanya gunu ariyiga amaregeejo ago, Nyamuwanga arimuyaana orutengya rwa obhuwanga bhwa akajaanende runu ꞉aaragire okuyaana bhoone bhanu abhamwenda.

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.

1 Petero 4:8

Okukira ejo joone, mwendane muno, kwa okubha obhwendani obhubhisa obhwafu bhwa ebhibhiibhi.