1 Bakorinto 13:4 - Indagano Inyaaya mu-Chijita

⁴ Eryenda erikora omuunu eegumiirisye, abhe owa ekisi, atakubha na orwiso, atakwikuuya, ka wone atakubha na echigundu.

INDAGANO INYA:YA

⁴ Okwenda okwigumirisyaga, kuri ne cigongo. Okwenda kutakujira efuwa, amwi kutakwiku:ya. Okwenda kutakutu:nu:na.

1 Bakorinto 13:4 Iomraidhean Croise

Matayo 27:18

Piraato ꞉aabhabhuusisye kutyo, kwa okubha ꞉aamenyere ati abhakuru bha Abhayawudi ꞉bhaasirire Yeesu ku‑mwene inguru ya orwiso era.

Ebikorwa 7:9

“Bhasaaja weeswe abho nibharorera Jejefu orwiso, nibhamugusya abhe mugaya mu‑chaaro cha Miisiri. Nawe Nyamuwanga aariga ari aamwi nage,

Barumi 1:29

Bheejuuywe ebhibhiibhi bhyafubhyafu, abhakora obhujabhi bhwafubhwafu, ka wone abheesigombera ebhiinu bhyone na abheenda inyombo. Bheejuuywe orwiso, obhwiti na obhukungirisi. Abhaayika orubheeyi, bhari na obhwira obhubhiibhi, ni bharomi bha abhaanu,

Barumi 13:13

Chibhe na jitungwa ja ekisi rwa abhaanu bhanu bheekaaye mu‑bhweru bhwa mu‑mwisi. Chaasiga okubha abhananamba na abhakorwa. Chaasiga okukora imbaga yooneyoone ya orukubho na emisango ja jiswaro. Chaasiga okubha abha inyombo, noorwo okubha abha orwiso.

1 Bakorinto 3:3

kwa okubha muchaatangasibhwa na emisango ja echaaro. Angu, araabha agati yeemwe ruri‑wo orwiso na inyombo, ebhyo bhitakweresya ati muchaatangasibhwa na emisango ja echaaro na okwikara rwa abhaanu bha echaaro?

1 Bakorinto 4:18

Woori abhandi agati yeemwe abheekuuya, kwa okubha abheetogera ati nitariija rindi kw‑imwe eyo.

1 Bakorinto 4:6

Abhayiri bhaani mu‑riikirisya, naayika emisango ejo joone inguru yaani na Apooro, korereki chibhe echijekekanyo kw‑imwe. Okuruubhana na echijekekanyo echo, musombookerwe jinu ejaayikwa mu‑nyaayika inu ati, “Mwasiga okusaagirisya jinu ꞉jaakaamirwe mu‑Bhikaame Ebhyeru.” Araabha omuruubha inyaayika eyo, ataribha‑wo omuunu woonewoone unu arikuuyisya omuunu umwi na okugaya owundi.

1 Bakorinto 5:2

Kurwa ki emwe omwikuuya? Ni akiri mukasurumbaaye na okusoosya agati yeemwe omuunu unu kaakora ejo!

1 Bakorinto 8:1

Woori enija okwayika inguru ya ebhiryo bhinu bhisyengeeywe ku‑masusano. Rwa kutyo omwayika, chimenyere ati, “Eswe bhoone chiri na obhumenyi.” Nawe obhumenyi obhukora abhaanu okwikuuya. Tari eryenda niryo erikomeesya abhaanu mu‑riikirisya.

2 Bakorinto 12:20

Enuubhaya ati, omwanya gunu niribhaaja‑ko, amwi niribhasongʼana muri na akatungiiywe kanu katakunkondisya. Eryo ririreterera nikore jinu jitaribhakondera emwe. Enuubhaya ati enitura okubhasongʼana muri na inyombo, orwiso, risungu, orwango, okuromana, okwitemeeka, orwikuuya na injogere.

2 Bakorinto 6:6

Ka wone echiibhuurisya okubha abhakosi bha Nyamuwanga mu‑bhwiyikanyibhwa, mu‑bhumenyi, mu‑bhwigumiirisya na mu‑bhwa ekisi, mu‑kutangasibhwa na Mwoyo Mweru, mu‑ryenda rya echimari,

Bagalatia 5:26

Chisigega okwikumangya kutyo era, nichisoogorana na okujiranira orwiso.

Baefeso 4:2

Mwikarega mu‑bhwikeeya bhwone na mu‑bhworooro, mwigumiirisyanyega na okwendana bhuri muunu na oweejaabho.

Baefeso 4:32

Ka wone, mukoranire ja ekisi bhuri muunu na oweejaabho, mubhe bhafura na okufwirana echigongo ebhikayo bhyemwe, rwa kutyo Nyamuwanga mu‑Kirisito abhafwiriiye echigongo ebhibhiibhi bhyemwe.

Bafilipi 1:15

Ni chimari ati, bhari‑wo abhaanu abhandi bhanu abharaasya emisango ja Kirisito kwa orwiso na kwa inyombo. Noorwo kutyo, bhari‑wo abhandi bhanu abhajiraasya mu‑bhwira bhwa ekisi.

Bakolosai 1:11

Echisabhwa Nyamuwanga abhasakirega ku‑managa gaaye amaafu, korereki mubhe na obhuturo bhwa okwigumiirisya mu‑joone aamwi na okukondererwa.

Bakolosai 2:18

Bhari‑wo abhaanu bhanu abhakomeeresya muno emisango ja okwikeeya kwa anja na eja okuramya bhamaraayika. Mwasiga okubheekirisisya bhabhateesye echiyaanwa cheemwe. Abhaanu abho abheekuuya na okwayika ati bhaarora emisango ejo mu‑bhiroro. Nawe chimari, bhawosoosokere mu‑bhwiganirisya bhwebhwe obhubhiibhi kwa okubha ni bhwa echaaro.

Bakolosai 3:12

Woori, kwa okubha emwe mwabha abhasorwa, abheeru na abheendwa bha Nyamuwanga, mubhe na omwoyo gwa echigongo, obhwa ekisi, obhwikeeya, obhworooro na obhwigumiirisya.

1 Batesalonika 5:14

Emwe, abhayiri bheeswe, echibheerembeeresya mugonye abharenga na musimbiisye bhoone bhanu bhafuuwe emitima. Ka wone musakire bhanu bhatari na amanaga na mubhe na obhwigumiirisya ku‑bhaanu bhoone.

1 Timoteo 6:4

Abho bheejuuywe orwikuuya, ka wone bhatakusombookerwa echiinu choonechoone. Abhaanu abho bhoomiriiye jimamba keenu jitari na omuriiro gwonegwone inguru ya emisango emitoototooto. Mu‑misango ejo nimwo orusooka orwiso, inyombo, amafumo na obhwiganirisya obhubhiibhi,

2 Timoteo 2:25

Eenderwe abhe ˆnaatongeraga kwa obhworooro abhaanu bhanu abhabhambasyanya nage, ˆneeyikanyaga ati Nyamuwanga kaatura okukora bhate na okumenya echimari.

2 Timoteo 3:10

Mbe awe, uruubhire ameeyigisyo gaani, jitungwa jaani, obhukarariiye bhwani, eriikirisya ryani, obhwigumiirisya bhwani,

2 Timoteo 4:2

Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.

Tiito 3:3

Okubha eswe wone, kara awo chaariga chiri bhataamutaamu, bhanyatagayuka na chijigirwe. Chaariga chitungirwe na okurigira na jitungwa jimbiibhi ja bhuri mbaga. Nyabhuriko chaariga chiikaaye mu‑bhujabhi na orwiso, nichibhiiyisya na chisokeene eswe abheene kwa abheene.

Yakobo 4:5

Mbe, musige okwitogera ati Ebhikaame Ebhyeru bhikaamirwe emisango ja kutyo era, ati, Mwoyo unu Nyamuwanga ꞉aateeye mu‑mutima jeeswe kaachiisigombera okukingira okuchifuyira muno.

1 Petero 2:1

Mbe, musige obhujabhi bhwone, obhujigi bhwone, obhwirimaanya, orwiso noorwo okuroma oweejaanyu.

1 Petero 3:8

Ku‑bhuteero, enibhabhwira emwe bhoone ati, mubhe na obhwira bhumwi, mufwirane echigongo, mwendane rwa abha inda imwi, mubhe abhafura na mubhe abheekeeya.

1 Petero 4:8

Okukira ejo joone, mwendane muno, kwa okubha obhwendani obhubhisa obhwafu bhwa ebhibhiibhi.

2 Petero 1:7

Okuyaana Nyamuwanga echibharo okwo kwongesibhwe okwendana rwa abhayiri, okwendana rwa abhayiri okwo kwongesibhwe obhufura bhwa eryenda.

1 Yoana 4:11

Abheendwa bhaani mu‑riikirisya, araabha Nyamuwanga ꞉aacheendere muno kutyo, eswe wone echikenwa cheendane.