1 Bakorinto 13:3 - Indagano Inyaaya mu-Chijita

³ Ka wone nikasoosya ribhona ryani ryone okuyaana abhataka, na noorwo nikeesoosya noochibhwe mu‑muriro, nawe araabha nitari na eryenda, nitakubhona omuriiro gwonegwone.

INDAGANO INYA:YA

³ Nakabee ndagaba binu ninabyo byone okubari:sya abataka, nakabee ndategayo omubiri gwani gwocibwe omuriro, ke:nu nitana kwenda, nitakubonamo ci:nu.

1 Bakorinto 13:3 Iomraidhean Croise

Matayo 23:5

Joone jinu abhakora, abhakora korereki bharorwe na bhaanu. Abheebhoyaga ku‑bhisuusu na ku‑mabhoko jikobha jinene okukira bhya abhandi bhinu bhakaamire‑ko ebhiraagiro. Ka wone abhoongesya‑ko ebhisangʼarye bhya ku‑bhufunyiro bhwa emyenda jeebhwe bhibhe bhireera okukira bhya abhandi.

Ruuka 18:22

Yeesu ejire oongwa ejo, ˆnaamubhwira ati, “Ugerukiiywe‑wo omusango gumwi era. Genda ugusye ebhiinu bhyone bhinu uri nabhyo. Jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Ukamara uuje unduubhe.”

Ruuka 18:28

Mbe, Peetero ˆnaabhwira Yeesu ati, “Ringira! Eswe chisigire bhuri chiinu chikuruubhire awe!”

Ruuka 19:8

Nawe, Jaakayo ˆneemereeguru, ˆnaabhwira Raatabhugenyi ati, “Raatabhugenyi ringira! Woori kutya, risinja rya omwandu gwani enigabhira abhataka. Araabha ꞉naateesiisye omuunu woonewoone echiinu, enimusubhisya kwiya kana ya chinu ꞉naamuteesiisye.”

Yowana 12:43

Abhatangasya abho ꞉bheendere muno okuyaanwa echibharo na abhaanu, okukira okuyaanwa echibharo na Nyamuwanga.

Yowana 13:37

Peetero ˆnaamubhuusya ati, “Raatabhugenyi, kurwa ki nitaamiibhwe okukuruubha woori? Anye niikirisiisye noorwo okufwa inguru yaawo!”

Yowana 15:13

Atari‑wo omuunu unu ari na eryenda rinene okukira omuunu unu kaasoosya obhuwanga bhwaye inguru ya abhasaani bhaaye.

Yowana 6:63

Mwoyo wa Nyamuwanga niwe kaayaana abhaanu obhuwanga. Omuunu atakutura okukora omusango gwonegwone ku‑managa gaaye omwene. Emisango jinu naabhabhwira ni ja Mwoyo wa Nyamuwanga, na ejireeta obhuwanga bhwa akajaanende koone.

Ebikorwa 21:13

Nawe omwene ˆnaachisubhya ati, “Ni kurwa ki omurira, omwenda okunyita omwoyo. Niikirisiisye, kutari okubhoywa era Yerusareemu awo, tari noorwo okufwa inguru ya risiina rya Raatabhugenyi Yeesu.”

Bagalatia 5:26

Chisigega okwikumangya kutyo era, nichisoogorana na okujiranira orwiso.

Bafilipi 2:3

Musige okukora omusango gwonegwone kwa orwiso noorwo kwa orwikuuya. Tari mwikeeyega na murorega abhaanu abhandi okubha bha ngʼoryo muno okukira emwe abheene.

1 Timoteo 4:8

Jimenyekeene ati, “Okunasya omubhiri okubhona amanaga, kuri‑mo omuriiro mutooto era. Tari, okwikomeesya okwikara rwa kutyo Nyamuwanga keenda, kuri‑mo omuriiro gwa bhuri mbaga, kwa okubha rinu erichiyaana omurago gwa okubhona obhuwanga bhwa woori na bhunu bhuriija.”

Baeburania 13:9

Musigega okugegwagegwa na ameeyigisyo maafumaafu amagenyi, kwa okubha obhwitiriranya bhwa Nyamuwanga nibhwo obhurumatanya emyoyo jeemwe, noorwo bhitari ebhiraagiro inguru ya ebhiryo. Ebhiraagiro ebhyo bhitakusakira gwonegwone ku‑bhaanu bhanu abhabhiruubha.