1 Bakorinto 13:2 - Indagano Inyaaya mu-Chijita

² Ka wone noorwo nikasoosya obhuragi na okusombookerwa jimbisike joone na okumenya joone kisi, noorwo nikabha na eriikirisya enene rya okutura okufurusya ebhiima, nawe araabha nitari na eryenda, anye nitari chiinu.

INDAGANO INYA:YA

² Nakabee ndaba no buragi, no kumenya obumbise bwone, no bwengeso bwone, nakabee ndaba no kwikirisya kwonei ndijei ninso:syao ne bi:ma, ke:nu nitana kwenda, nitar, ci:nu.

1 Bakorinto 13:2 Iomraidhean Croise

Matayo 13:11

ˆNaabhasubhya ati, “Emwe, Nyamuwanga abhayaaye obhuturo bhwa okusombookerwa emisango jinu jichaari mbisike inguru ya obhukama bhwaye. Nawe abheene bhatayaaywe obhuturo bhwa okujisombookerwa.

Matayo 17:20

Yeesu ˆnaabhasubhya ati, “Kwa okubha eriikirisya ryemwe ni tooto. Ni chimari enibhabhwira ati, araabha mukabha na eriikirisya rwa akaro ka iyaradaari, mwakaturire okubhwira echiima chinu ati, ‘Sooka anu, uje erya,’ echeene chikagendere. Kurwa ejo, chitaribha‑wo echiinu chinu chitariturikana kw‑imwe. [

Matayo 21:19

Niwo ˆnaarora ku‑mbari ya injira riiti rimwi rinu eritogwa ati ritiini. ˆNaafogera ayeeyi, ˆnaasongʼana ritari‑ko amatwasyo goonegoone, tari riri na amasya era. Kutyo ˆnaabhwira riiti eryo ati, “Okwambira reero utaritwasya amatwasyo akajaanende!” Awoawo, riiti niriwotoka.

Matayo 21:21

Yeesu ˆnaabhasubhya ati, “Ni chimari enibhabhwira ati, araabha muri na eriikirisya rinu ritari na echiitimaato, emwe wone muritura okukora rwa jinu naakorera riiti rinu. Ka wone mutarikora rwa ejo era, tari noorwo mukabhwira echiima chinu ati, ‘Iiyika anu na okweswa mu‑nyanja,’ jiribha kutyo.

Ebikorwa 13:1

Mw‑ikanisa rya mu‑musi gwa Atiyookiya, bhaariga bhari‑mo abharagi na abheeyigisya. Mu‑bheene bhaariga bhari, Bharinaabha, Simiyooni unu aatogwaga Nigeeri, Ruukiyo okusooka Kureene, Manayeni unu aariga arereeywe aamwi na omukama Yeroode Atipaasi, na Saawuri.

Barumi 11:25

Abhayiri bhaani, eneenda mumenye inguru ya obhutinge bhwa imbisike ya Nyamuwanga bhunu ꞉bhwabhisirwe kara, korereki mwasiga okwirora ati muri bheengeeso muno. Mumenye ati ni Bhayisirayeeri bharebhe abha emyoyo emikomeeye, bhanu bharigenderera okukingira omwanya gunu Nyamuwanga ariikirisya ati obhukumi bhwa abhaanu bhanu bhatari Bhayisirayeeri okuramira obhuchungusi bhwakuumira.

Barumi 15:14

Abhayiri bhaani, anye omwene enimenya chimari ati muri bhaanu bha ekisi muno, na mumenyere kisi jinu mwenderwe okukora, ka wone muri na obhuturo bhwa okwiyigisyanya.

Barumi 16:25

Woori, chikusye Nyamuwanga! Omwene kaatura okukora mubhe nimurumatana mu‑riikirisya ryemwe, okutura ku‑Misango ja Ekisi inguru ya Yeesu Kirisito jinu naariga nindaasya kw‑imwe. Emisango ejo nijo obhutinge bhwa imbisike bhunu bhwariga bhubhisirwe kara,

1 Bakorinto 11:4

Kutyo, omurume woonewoone omwikirisya unu kaaswikira omutwe gwaye omwanya gunu kaasabhwa, amwi omwanya gunu kaasoosya obhuragi, oyo kaaswasya Kirisito, unu ari mutwe gwaye.

1 Bakorinto 12:28

Nyamuwanga ateeye mw‑ikanisa, bha okwamba jitumwa, bha kabhiri abharagi, bha kasatu abheeyigisya. Wone ateeye bhanu abhakora ebhiruguusyo, bhanu bhari na echiyaanwa cha okuwosya abharwaye, bhanu bhari na echiyaanwa cha okusakira abhandi, bhanu bhari na echiyaanwa cha okutangasya, na bhanu bhari na echiyaanwa cha okwayika jinyaayika jingenyi.

1 Bakorinto 13:1

Noorwo nikaayika mu‑nyaayika ja abhaanu na mu‑nyaayika ja bhamaraayika, nawe araabha nitari na eryenda, enibha rwa omuunu unu kaamwaya era, inyaayika yaani eyo, ni ya kutyo era.

1 Bakorinto 13:3

Ka wone nikasoosya ribhona ryani ryone okuyaana abhataka, na noorwo nikeesoosya noochibhwe mu‑muriro, nawe araabha nitari na eryenda, nitakubhona omuriiro gwonegwone.

1 Bakorinto 13:8

Eryenda ritari na obhuteero. Nawe okusoosya obhuragi, okwayika jinyaayika jingenyi na obhumenyi, ebhiyaanwa ebhyo bhyone bhiri na obhuteero.

1 Bakorinto 14:29

Abhaanu bhanu abhasoosya obhuragi, bhaayikega bhabhiri amwi bhasatu, na abhandi bhatatirisye kisi emisango jeebhwe.

1 Bakorinto 14:39

Kutyo, abhayiri bhaani mu‑riikirisya, mwikomeesye okusoosya obhuragi, ka wone musigega okuyingirira omuunu okwayika jinyaayika jingenyi.

1 Bakorinto 14:4

Unu kaayika inyaayika ingenyi, keekomeesya omwene mu‑riikirisya, nawe unu kaasoosya obhuragi kaakomeesya abheekirisya abheejaabho.

1 Bakorinto 15:51

Mutegeresye, enibhabhwira imbisike ati, eswe chitarimaama nyombe bhoone, nawe bhoone chiriyindurwa.

1 Bakorinto 16:22

Omuunu woonewoone unu atakwenda Raatabhugenyi Yeesu, eeyiimwe. Raatabhugenyi weeswe iija!

1 Bakorinto 4:1

Abhaanu bhachibhare ati eswe chiri bhakosi bha Kirisito, chiyaaywe emirimu ja okuraasya obhutinge bhwa imbisike ya Nyamuwanga bhunu bhwariga bhubhisirwe.

1 Bakorinto 7:19

Okutendwa amwi okurema okutendwa kutari‑mo omuriiro. Echiinu chinu chiri na omuriiro ni kuruubha amaragiriro ga Nyamuwanga.

1 Bakorinto 8:4

Woori inguru ya okurya ebhiryo bhinu bhisyengeeywe ku‑masusano, echimenya ati amasusano ganu agaramirisibhwa, gatari chiinu ku‑chaaro kunu. Ka wone echimenya ati ari‑wo Nyamuwanga umwi wenyere.

2 Bakorinto 12:11

Naayika rwa omumuumu, nawe emwe neemwe mwareterera naayike kutyo. Emwe mwariga nimwendwa munkuuye. Noorwo araabha enibhonekana ati, niteeyire, anye nitari mutooto okukira bhanu abheerora wuti nibho jitumwa jingʼuru.

Bagalatia 5:16

Mbe echiinu chinu enibhabhwira ni ati, mutangasibhwega na Mwoyo Mweru. Mukakora kutyo, mutariruubha rindi okurigira kwa omubhiri.

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

Bagalatia 6:3

Mbe, omuunu woonewoone unu keerora ati ni wa obhugajuro okukira abheejaabho, oyo atari wa obhugajuro, keejiga omwene era.

Baefeso 3:4

Araabha mukasoma jinu nikaamire, omutura okusombookerwa kutyo enimenya obhutinge bhwa imbisike ya Kirisito.

Baefeso 6:19

Munsabhirwe anye wone, korereki Nyamuwanga anaane emisango ja okwayika, niraasye kwa ribhaasi obhutinge bhwa imbisike yaaye bhunu bhusweruriiywe mu‑Misango ja Ekisi.

Bakolosai 1:26

Emisango ejo nibhwo obhutinge bhwa imbisike yaaye bhunu bhwariga bhubhisirwe okusookerera kara ku‑mayimbo goone. Nawe woori Nyamuwanga aabhusweruuye ku‑bheeru bhaaye.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

1 Yoana 4:8

Nawe omuunu woonewoone unu atakwenda abheejaabho, atakusombookerwa Nyamuwanga, kwa okubha Nyamuwanga ni ryenda.