1 Bakorinto 13:1 - Indagano Inyaaya mu-Chijita

¹ Noorwo nikaayika mu‑nyaayika ja abhaanu na mu‑nyaayika ja bhamaraayika, nawe araabha nitari na eryenda, enibha rwa omuunu unu kaamwaya era, inyaayika yaani eyo, ni ya kutyo era.

INDAGANO INYA:YA

¹ Nakabee nda:ika na jinyaika ja ba:nu ne ja ba:naraika, ke:nu nitana kwenda, eniba rwe cu:ma cinu ecirira, amwi rwa jindege jinu ejimwaya.

1 Bakorinto 13:1 Iomraidhean Croise

Matayo 25:45

Niwo anye niribhasubhya ati, ‘Ni chimari enibhabhwira ati, choonechoone chinu ꞉mutaakoreeye woonewoone mu‑bharuubhirisya bhaani unu kaabhonekana wuti atari wa bhusibhusi, mbe ꞉mwaremere okukorera anye.’

Mariko 16:17

Abhaanu bhanu bheekirisiisye, abhaja okukora ebhibharikisyo bhinu, bharibhaga nibhasoosya amasambwa ku‑bhaanu kw‑isiina ryani na okwayika mu‑nyaayika inyaaya.

Barumi 14:15

Kurwa ejo, araabha owureterera omwikirisya oweejaanyu asurumbare muno mu‑mwoyo gwaye ku‑bhiryo ebhirebhe bhinu owurya, awo usigire itungwa ya eryenda ku‑weejaanyu. Mbe, waasiga okwikirisya, ku‑njira ya ebhiryo bhyawo, usimagisye omuunu unu Kirisito ꞉aafwiriiye!

1 Bakorinto 12:10

owundi echiyaanwa cha okukora ebhiruguusyo, owundi echiyaanwa cha okusoosya obhuragi. Mwoyo oyooyo kaayaana owundi echiyaanwa cha okusombookerwa araabha omusango gusookere ku‑masambwa amwi ku‑Mwoyo Mweru, owundi echiyaanwa cha okwayika jinyaayika jingenyi, owundi echiyaanwa cha okugajura jinyaayika ejo.

1 Bakorinto 12:16

Okutwi wone kukayikire ati, “Anye nitari riiso, kutyo anye nitari bhaara rya omubhiri,” kutakubha ebhaara rya omubhiri ku‑songa eyo chimari?

1 Bakorinto 12:8

Mwoyo kaayaana omuunu owumwi okwayika emisango ja obhwengeeso, owundi Mwoyo oyooyo kaamuyaana okwayika emisango ja obhumenyi.

1 Bakorinto 13:8

Eryenda ritari na obhuteero. Nawe okusoosya obhuragi, okwayika jinyaayika jingenyi na obhumenyi, ebhiyaanwa ebhyo bhyone bhiri na obhuteero.

1 Bakorinto 14:2

Omuunu unu kaayika inyaayika ingenyi, atakwayika na abhaanu, tari kaayika na Nyamuwanga, kwa okubha jinu kaayika atari‑wo unu kaajisombookerwa. Omwene oyo kaabha ˆnaayika emisango ja imbisike ku‑managa ga Mwoyo Mweru.

1 Bakorinto 14:4

Unu kaayika inyaayika ingenyi, keekomeesya omwene mu‑riikirisya, nawe unu kaasoosya obhuragi kaakomeesya abheekirisya abheejaabho.

1 Bakorinto 14:5

Anye eneenda emwe bhoone mubhega nimwayika jinyaayika jingenyi, nawe eneenda muno mubhega nimusoosya obhuragi. Enaayika kutyo, kwa okubha okusoosya obhuragi okusakira abheekirisya abhandi muno okukira okwayika jinyaayika jingenyi, araabha akabha atari‑wo unu kaagajura jinyaayika ejo. Kurwa ejo, unu kaayika jinyaayika jingenyi agajure korereki asakire abheekirisya abheejaabho bheekomeesye mu‑riikirisya.

1 Bakorinto 8:1

Woori enija okwayika inguru ya ebhiryo bhinu bhisyengeeywe ku‑masusano. Rwa kutyo omwayika, chimenyere ati, “Eswe bhoone chiri na obhumenyi.” Nawe obhumenyi obhukora abhaanu okwikuuya. Tari eryenda niryo erikomeesya abhaanu mu‑riikirisya.

2 Bakorinto 12:4

꞉aagegerwe ˆnaasirwa mu‑Paradiiso. Eyo niyo ꞉oonguuwe emisango ja okuruguusya muno jinu omuunu atakutura okwayika, ka wone ateeyire okujaayika.

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

1 Timoteo 1:5

Obhukarariiye bhwa amaragiriro ago ni ati abheekirisya bheendane kwa omwoyo gwa ekisi, mu‑mutima mweru na mu‑riikirisya rya echimari.

1 Petero 4:8

Okukira ejo joone, mwendane muno, kwa okubha obhwendani obhubhisa obhwafu bhwa ebhibhiibhi.

2 Petero 2:18

Abhaayika emisango ja orwikuuya na jinu jitari na obhugajuro, na mu‑kuruubha okurigira kwebhwe okubhiibhi kwa orukubho, abhatega abhaanu bhakore kutyokutyo. Abhaanu bhanu abhategwa, bhaamamara okwikirisya na okusiga okukora jinu abhanyamusi abhakora.

Obhusweruro 14:2

Ninuungwa obhuraka okusooka mu‑rwire bhuri rwa echiwurumo cha amanji amaafu ganu agooromoka kwa amanaga na rwa obhuraka bhwa ribharuka rinene. Ka wone, obhuraka obhwo, bhwariga bhuri rwa obhuraka bhwa abhabhumi bhaafu bha jindono bhanu abhabhumira aamwi jindono jeebhwe.