1 Bakorinto 1:8 - Indagano Inyaaya mu-Chijita

⁸ Nyamuwanga aribhakomeesya okukingira ku‑bhuteero korereki mwasiga okubha na esoro, orusuku runu Raatabhugenyi weeswe Yeesu Kirisito ariija okuramura abhaanu.

INDAGANO INYA:YA

⁸ Unu aribasimbagisya kukinga ku bute:ro, mutane:soro mu rusiku rwa Ratabugenyi Yesu Kristo.

1 Bakorinto 1:8 Iomraidhean Croise

Ruuka 17:24

Musombookerwe ati, anye Omwana wa Omuunu omwanya gunu nirisubha, niriija rwa kutyo orurabhyo orungʼarabhya mbaara joone ku‑rutumba.

Ruuka 17:30

“Nikwo kutyo jiribha orusuku runu anye Omwana wa Omuunu nirisubha ku‑chaaro anu, Nyamuwanga arinswerurwa.

Barumi 14:4

Awe utari na obhuturo bhwonebhwone bhwa okuramura omukosi wa omuunu owundi. Omwami waaye niwe kaamenya araabha omukosi waaye akayire amwi atakayire. Mbe omukosi waaye arikora rwa kutyo jeenderwe, kwa okubha Raatabhugenyi Yeesu ari na obhuturo bhwa okumwimereegusyu abhega ˆnaakora kutyo.

Barumi 16:25

Woori, chikusye Nyamuwanga! Omwene kaatura okukora mubhe nimurumatana mu‑riikirisya ryemwe, okutura ku‑Misango ja Ekisi inguru ya Yeesu Kirisito jinu naariga nindaasya kw‑imwe. Emisango ejo nijo obhutinge bhwa imbisike bhunu bhwariga bhubhisirwe kara,

Barumi 8:19

Ebhiinu bhyone bhinu ꞉bhyabhumbirwe, ebhirindirira kwa obhwiro bhwafu omwanya gunu Nyamuwanga ariswerura abhaana bhaaye.

1 Bakorinto 3:13

na obhwa ekisi bhwa emirimu ja bhuri muunu bhuribhonekana abhwerubhweru. Orusuku rurya rwa indamu emirimu joone jiribha abhweru, kwa okubha emirimu ja bhuri muunu, jiriregeejwa kwa omuriro.

1 Bakorinto 5:5

Musoosye omuunu oyo agati yeemwe na mumusige mu‑bhutungi bhwa Syetaani, korereki obhusimukwa bhwaye bhwa echibhiibhi bhunyamurwe, na omwene achungurwe orusuku rwa okusubha Raatabhugenyi Yeesu.

2 Bakorinto 1:13

Chitakubhakaamira emisango ja imbisike, tari chibhakaamira jinu omutura okusoma na okusombookerwa abhwerubhweru. Eniiyikanya ati, omuja okuchisombookerwa kisi muno,

2 Bakorinto 1:14

noorwo kutyo woori, omuchisombookerwa kutooto era. Omuja okuchisombookerwa abhwerubhweru ati, orusuku runu Raatabhugenyi weeswe Yeesu arisubha, emwe murikuuya inguru yeeswe, rwa kutyo eswe wone echikuuya inguru yeemwe.

2 Bakorinto 1:21

Mbe, Nyamuwanga niwe kaachirumatanya na emwe mu‑kwikirisya Kirisito. Achisorere

Baefeso 5:27

Isonga iri ati, eebhonere rikanisa erya rikusyo, rinu ritari‑ko esoro, noorwo ifunyo amwi echiinu choonechoone chinu echisusana rwa ebhyo. Tari ribhe ryeru rinyamburwa obhujabhi bhwonebhwone.

Bafilipi 1:10

korereki mubhe na obhuturo bhwa okwawura jinu jiri ja ekisi. Awo niwo muribha na emitima myeru, ka wone muribha mutari na esoro okukingira orusuku rurya Kirisito arisubha.

Bafilipi 1:6

Nimenyere chimari omusango gunu ati Nyamuwanga unu ꞉aambire omurimu gwa ekisi mu‑myoyo jeemwe, arigugenderesya okukingira gukuumire orusuku rurya Kirisito Yeesu arisubha.

Bakolosai 1:22

ku‑njira ya orufu rwa Kirisito. ꞉Aakorere kutyo, korereki abhareete imbere yaaye muri bheeru, bhanyataayikwa kubhiibhi noorwo mutari na esoro.

Bakolosai 2:7

Mwimaririre mu‑mwene, mutuure obhurame bhwemwe mu‑mwene na okurumatana mu‑riikirisya rwa kutyo ꞉mweeyigiiye. Ka wone, mubhe abhaanu bhanu abhasiima Nyamuwanga bhuri mwanya.

1 Batesalonika 3:13

Akomeesye emitima jeemwe, korereki mubhe abheeru, bhanyamburwa esoro mu‑meeso ga Nyamuwanga Raata weeswe, omwanya gunu Raatabhugenyi weeswe Yeesu arisubha aamwi na abheeru bhaaye bhoone.

1 Batesalonika 5:2

Okubha emwe abheene, omumenya kisi ati, orusuku rwa okusubha Raatabhugenyi Yeesu, ruribha rwa okutakya era rwa kutyo omwifi kaaja mu‑ngeta.

2 Batesalonika 2:2

musige okusurumbara noorwo okuubhaya mu‑myoyo jeemwe ati, orusuku rwa okusubha Raatabhugenyi Yeesu rwakingire. Amwi mubhe munguuwe kutyo okuruubhana na obhuragi obhurebhe, amwi emisango, amwi musomere inyarubha inu eyitogerwa ati isookere kw‑iswe.

2 Batesalonika 3:3

Nawe Raatabhugenyi Yeesu ni mwiyikanyibhwa, omwene kaja okubhakomeesya na okubhaangarira okusooka ku‑Mubhiibhi urya.

2 Timoteo 1:12

Anye eninyaaka inguru ya ejo. Nawe nitakwiswara, okubha enimumenya unu niikirisiisye. Ka wone enimenya ati, echimari chinu ꞉aanaaye, kaachibhiika kisi okukingira orusuku rwa okusubha kwaye.

2 Timoteo 1:18

Awe wone owumenya kisi, emyafu jinu ꞉aankoreeye mu‑musi gwa Yefeeso eyo. Raatabhugenyi amufwire echigongo ku‑rusuku rwa indamu.

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.

2 Petero 3:10

Orusuku rwa okusubha Raatabhugenyi Yeesu ruriija kwa okutakya rwa omwifi. Orusuku orwo, orutumba rurisooka‑wo kwa omurundumo munene, ebhiinu bhinu bhiri‑mo bhiryochibhwa kwa omuriro, echaaro wone chirisingaarisibhwa aamwi na ebhiinu bhyone bhinu bhiri‑mo.

2 Petero 3:14

Kurwa ejo abheendwa bhaani, omwanya gunu omurindirira orusuku rurya, mwikomeesye okubha abha omutima omweru muno mutari na esoro imbere ya Nyamuwanga, na mubhe na omurembe nage.