1 Bakorinto 1:23 - Indagano Inyaaya mu-Chijita

²³ Nawe eswe, echiraasya emisango inguru ya Kirisito unu ꞉aafuuwe ku‑musarabha. Emisango ejo ejikora Abhayawudi bheekuujure, na ku‑bhanu bhatari Bhayawudi ni misango ja echimuumu.

INDAGANO INYA:YA

²³ nawe eswe ecisimura Kristo unu abambirwe ku musaraba, ku Bayaudi ni ci:ku:juro na ku Bagiriki ni bumu:mu,

1 Bakorinto 1:23 Iomraidhean Croise

Matayo 11:6

Ari na ribhando omuunu woonewoone unu atari na echiitimaato mu‑mwoyo gwaye inguru yaani.”

Matayo 13:57

Abhaanu abho, nibhamubhiyirirwa, nibharema okumwikirisya. Niwo Yeesu ˆnaabhabhwira ati, “Abhaanu abhayaana echibharo omuragi, tari abhaanu bha mu‑musi gwabho amwi na bha iika ewaaye nibho bhatakumuyaana echibharo chaaye.”

Ruuka 2:34

Simiyooni ˆnaabhasabhirwa amabhando, ˆnaabhwira Maryamu nyiramwene omwana oyo ati, “Ringira! Omwana unu asorerwe na Nyamuwanga ati, asingaarisye Abhayisirayeeri bhaafu, na arichungura Abhayisirayeeri abhandi bhaafu. Aribha echibharikisyo chinu chiriremwa na abhaanu.

1 Bakorinto 1:18

Abhaanu bhanu abhabhura abharora ati emisango ja Kirisito okufwa ku‑musarabha ni ja echimuumu, nawe kw‑iswe bhanu echichunguka, emisango ejo nigo amanaga ga Nyamuwanga.

1 Bakorinto 1:21

Enaayika kutyo, kwa okubha Nyamuwanga, ku‑bhwengeeso bhwaye, ꞉aaramuuye ati abhaanu bhatakutura okumusombookerwa okutura ku‑bhwengeeso bhwebhwe abheene. Tari Nyamuwanga ꞉eendere okuchungura bhanu abhamwikirisya okutura ku‑misango jinu echiraasya. Emisango ejo, abhaanu bhanu bhatakumenya Nyamuwanga, abhaayika ati ni ja echimuumu.

1 Bakorinto 1:28

Ka wone Nyamuwanga ꞉aawuuwe emisango jinu abhaanu abharora ati jitari na echibharo na jinu abhagaya, ka wone jinu abharora ati jitari na obhugajuro, korereki anyamure emisango jinu abhaanu abharora ati jiri na obhugajuro.

1 Bakorinto 2:14

Nawe omuunu unu atari na Mwoyo wa Nyamuwanga, atakuramira jinu ejisooka ku‑Mwoyo wa Nyamuwanga, isonga iri ati ku‑muunu oyo ejo ni ja chimuumu. Ka wone atakutura okujisombookerwa, kwa okubha ejimenyekana era ku‑bhusakisi bhwa Mwoyo wa Nyamuwanga.

1 Bakorinto 2:2

Omwanya gunu naariga niri kw‑imwe, ꞉naaramuuye ati naayike era emisango inguru ya Yeesu Kirisito, chimwichimwi okufwa kwaye ku‑musarabha, okwayika omusango gundi wuri.

1 Bakorinto 4:10

Abhaanu bhaafu abhachirora ati chiri bhamuumu, kwa okubha echikorera emirimu Kirisito, nawe emwe omwirora ati muri abha obhwengeeso kwa okubha omuruubha Kirisito. Eswe echibhonekana ati chiri bhajorobhoke, nawe emwe omwirora ati muri na amanaga. Eswe echigaywa, nawe emwe omwirora ati muri na echibharo.

2 Bakorinto 4:5

Eswe chitakuraasya emisango jeeswe, tari chiraasya ati Yeesu Kirisito ni Raatabhugenyi, ka eswe chiri bhakosi bheemwe inguru yaaye.

Bagalatia 3:1

Emwe Abhagaraatiya, abhataamutaamu! Niga unu abharogere? ꞉Naabhabhwiriiye abhwerubhweru inguru ya Yeesu Kirisito okubhambwa ku‑musarabha.

Bagalatia 5:11

Abhayiri bhaani, abhaanu abhandi abhaayika ati, anye nichaaraasya ati abharume bhoone abhakenwa bhatendwe. Araabha jikabheeye echimari ati nichaaraasya kutyo, ni kurwa ki woori Abhayawudi abhannyaasya? Araabha naakabheeye nindaasya kutyo, okuraasya kwani inguru ya emisango ja omusarabha gwa Yeesu, jitaakaretereeye Abhayawudi bhaansoke.

Bagalatia 6:14

Nawe anye nitakwenda nibhe na omusango gwa okwikumangisya, tari musarabha gwa Raatabhugenyi weeswe Yeesu Kirisito. Okuruubhana na orufu rwaye, emisango joone ja echaaro chinu jitari na obhugajuro kw‑anye, na bhumuunu bhwani bhwa kara bhubhambirwe aamwi nage ku‑musarabha.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

1 Petero 2:8

Ka wone, “Ribhuyi eryo ni rya okwikuujura‑ko, ni rutare rwa okugwisya abhaanu.” Abhaanu abheekuujura‑ko, kwa okubha bhatakugayuka omusango gwa Nyamuwanga. Ka wone nikwo kutyo bhaariga bhakarariiywe okusookerera kara.