1 Bakorinto 1:2 - Indagano Inyaaya mu-Chijita

² Echikaamira emwe bhanu muri mw‑ikanisa rya Nyamuwanga mu‑musi gwa Koriito. Nyamuwanga abhasorere okubha na obhumwi na Kirisito Yeesu, na abhabhirikiiye okubha abheeru bhaaye. Echibhakaamira emwe aamwi na abhaanu bhoone bha mbaara joone bhanu abhasabhwa Yeesu Kirisito, unu ari Raatabhugenyi weebhwe na Raatabhugenyi weeswe wone.

INDAGANO INYA:YA

² Enandikira ikanisa ya Nyamuanga inu iri Korinto, ku banu be:si:bwe mu Yesu Kristo, banu babirikiywe babe be:ru, aamwi na bo:ne banu bari wo:ne wo:ne banu abasabwa risi:na rya Ratabugenyi Yesu Kristo, niwe Ratabugenyi ne:sebugenyi one.

1 Bakorinto 1:2 Iomraidhean Croise

Ebikorwa 10:36

Emwe abheene, mumenyere omusango gunu Nyamuwanga ꞉aasiriiye Abhayisirayeeri. Nibharaasibhwa Emisango ja Ekisi korereki bhabhe na omurembe na Nyamuwanga ku‑njira ya Yeesu Kirisito. Yeesu oyo niwe Raatabhugenyi wa abhaanu bhoone.

Ebikorwa 15:9

꞉Ataakorere isoroore yooneyoone agati yeeswe na abheene, kwa okubha abheene wone ꞉bheekirisiisye Yeesu na ku‑njira eyoeyo, ꞉eesiisye myoyo jeebhwe.

Ebikorwa 18:1

Emisango ejo jejire jaawa, Pawuro ˆnaasooka mu‑musi gwa Ateene awo, ˆnaagenda mu‑musi gwa Koriito.

Ebikorwa 22:16

Woori owurindirira ki? Imereeguru! Ubhatiijibhwe, weesibhwe ebhibhiibhi bhyawo, usabhwe Nyamuwanga akufwire echigongo.’

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Ebikorwa 9:13

Nawe Ananiiya ˆnaayika ati, “Raatabhugenyi, abhaanu bhaafu bhaambwira kutyo Saawuri oyo ꞉aakoreeye abheeru bhaawo amabhiibhi Yerusareemu eyo!

Ebikorwa 9:14

Woori ari anu, ari na inyarubha okusooka ku‑bhakuru bha abhagabhisi agwate bhoone bhanu abhasabhwa kw‑isiina ryawo.”

Ebikorwa 9:21

Omwanya gunu abhaanu bhoone ꞉bhoonguuwe Saawuri, nibharuguura muno, nibhabhuusyanya ati, “Atari niwe unu aariga ˆnaanyaasya noorwo okukingira okwita abhaanu bha Yeesu Yerusareemu eyo? Atari ati eejire anu, abhagwate korereki abhasire ku‑bhakuru bha abhagabhisi eyo?”

Barumi 1:7

Enibhakaamira emwe abheekirisya bhoone bhanu muri Ruumi eyo. Nyamuwanga kaabheenda muno, na abhabhirikiiye, korereki mubhe abhaanu bhaaye abheeru. Obhwitiriranya na omurembe okusooka ku‑Nyamuwanga Raata weeswe, na ku‑Raatabhugenyi Yeesu Kirisito, bhibhe aamwi na emwe.

Barumi 10:12

Emisango ejo ejeeresya ati itari‑wo isoroore agati ya Abhayawudi amwi bhanu bhatari Bhayawudi. Ari‑wo Raatabhugenyi umwi era ku‑bhaanu bhoone. Omwene ni wa kisi muno ku‑bhaanu bhoone bhanu abhamusabhwa.

Barumi 3:22

Abhaanu bhoone bhanu abheekirisya Yeesu Kirisito, Nyamuwanga kaabhabhara ati ni bharengeresi imbere yaaye, okutura ku‑bhwiyikanyibhwa bhwa Yeesu oyo. Nyamuwanga atakusoroora omuunu woonewoone,

Barumi 8:28

Chimenyere ati, mu‑joone Nyamuwanga kaakorera eja ekisi abhaanu bhanu abhamwenda, nibho bhabhirikiiywe okuruubhana na obhutinge bhwaye.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

1 Bakorinto 10:32

Mwasiga okubha echiikuujuro ku‑Bhayawudi, ku‑bhaanu bhanu bhatari Bhayawudi, noorwo mw‑ikanisa rya Nyamuwanga.

1 Bakorinto 12:27

Mbe, emwe bhoone muri mubhiri gwa Kirisito, na bhuri umwi weemwe ni chiwuga ku‑mubhiri ogwo.

1 Bakorinto 8:6

Nawe kw‑iswe, ari‑wo Nyamuwanga umwi wenyere, niwe Raata, niwe ꞉aabhumbire ebhiinu bhyone. Eswe chiikaaye inguru yaaye. Ka wone ari‑wo Raatabhugenyi umwi wenyere, niwe Yeesu Kirisito, na ebhiinu bhyone ꞉bhyabhumbirwe okutura ku‑mwene, ka wone eswe chiri bhaanga okutura ku‑mwene.

2 Bakorinto 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya. Echikaamira emwe bhanu muri mw‑ikanisa rya Nyamuwanga mu‑musi gwa Koriito, aamwi na abheeru bhoone bha Nyamuwanga bhanu bhari mu‑mukoowa gwa Akaaya.

2 Bakorinto 4:5

Eswe chitakuraasya emisango jeeswe, tari chiraasya ati Yeesu Kirisito ni Raatabhugenyi, ka eswe chiri bhakosi bheemwe inguru yaaye.

Bagalatia 1:2

Anye na abhayiri bhoone bhanu bhari aamwi na anye anu, echibhakeesya emwe bhanu muri mu‑makanisa ga Nyamuwanga mu‑mukoowa gwa Garaatiya.

Baefeso 5:26

꞉Aakorere kutyo, korereki aryesye kwa okuryosya mu‑manji ga obhubhatiijo na ku‑njira ya omusango gwa Nyamuwanga.

1 Batesalonika 1:1

Inyarubha inu, niikaamire anye Pawuro, niri aamwi na Sirwano na Timoteewo. Echibhakaamira emwe bhanu muri mw‑ikanisa rinu riri mu‑musi gwa Tesaroonike, emwe bhanu mwikirisiisye Raata Nyamuwanga na Raatabhugenyi Yeesu Kirisito. Obhwitiriranya na omurembe bhibhe aamwi na emwe.

1 Batesalonika 4:7

Okubha Nyamuwanga ꞉ataachibhirikiiye korereki chikore obhujabhi, tari ꞉aachibhirikiiye chirame mu‑bhweru.

2 Batesalonika 1:1

Inyarubha inu, niikaamire anye Pawuro, niri aamwi na Sirwano na Timoteewo. Echibhakaamira emwe bhanu muri mw‑ikanisa rinu riri mu‑musi gwa Tesaroonike, emwe bhanu mwikirisiisye Raata weeswe Nyamuwanga na Raatabhugenyi Yeesu Kirisito.

1 Timoteo 2:8

Kurwa ejo, bhuri rubhaara runu omwikumanya okusabhwa, eneenda abharume bhasabhwega bheenamusiisye amabhoko inguru. Bhakore kutyo kwa omutima omweru, okubhiyirwa wuri noorwo okubhambasyanya.

1 Timoteo 3:15

Nawe aribha naakoora, umenye jinu jiiyire abhaana bha Nyamuwanga bhakore. Abhaana abho nibho rikanisa rya Nyamuwanga omuwanga na rikanisa niryo ingʼingi na orufuka rwa echimari.

2 Timoteo 1:9

Omwene ꞉aachichunguuye, ˆnaachibhirikira chibhe abhaana bhaaye abheeru. ꞉Ataakorere kutyo kwa okubha ati ebhikorwa bhyeswe ni bhya ekisi, tari ꞉aakorere kutyo mu‑kwenda kwaye na obhwitiriranya bhwaye. ꞉Aachiyaaye obhwitiriranya obhwo inguru ya Kirisito Yeesu, noorwo achaari okubhumba echaaro.

2 Timoteo 2:19

Nawe abhaanu bhanu bheemereeguuyu bharumateene, bhari rwa orufuka runu ruteeywe‑wo na Nyamuwanga. Orufuka orwo rurumateene ndi. Inguru yaarwo ruri‑ko orunabho runu rukaamirwe ati, “Raatabhugenyi kaamenya abhaanu bhaaye,” ka wone, “Omuunu woonewoone unu kaayika ati, omwene ari rubhaara rwa Raatabhugenyi, asige ebhibhiibhi.”

2 Timoteo 2:22

Wiiruke obhurigire bhwa echisigaji, uruubhega rirenga, eriikirisya, eryenda na omurembe. Ugwatirire ejo, aamwi na bhoone bhanu abhasabhwa Raatabhugenyi kwa omutima omweru.

Baeburania 10:10

Woori, kwa okubha Yeesu aariga ˆnaakora okwenda kwa Nyamuwanga, Nyamuwanga kaacheesya ebhibhiibhi bhyeswe ku‑njira ya Yeesu Kirisito okwisoosya rumwi okubha echoogo.

Baeburania 13:12

Niyo isonga Yeesu wone ꞉aanyaasiibhwe na okwitwa anja ya omusi gwa Yerusareemu, korereki eesye abhaanu ebhibhiibhi bhyebhwe ku‑njira ya isagama yaaye.

Baeburania 2:11

Yeesu aamwi na abhaanu bhanu keesya ebhibhiibhi bhyebhwe, Esemwene ni umwi. Nikwo okukora Yeesu atakwiswara okubhabhirikira ati abhayiri bhaaye.

Yuuda 1:1

Inyarubha inu, niikaamire anye Yuuda. Anye, niri mukosi wa Yeesu Kirisito, ka wone, niri mumura waabho Yakobho. Enikaamira emwe abhaanu bhanu mubhirikiiywe na Raata Nyamuwanga. Omwene kaabheenda, na kaabhaangarira kisi okukingira anu Yeesu Kirisito ariijira.

Obhusweruro 19:16

Ku‑mwingiro gwaye gunu guswikiiye ribhaajwa ryaye, rikaamirwe‑ko risiina rinu, Omukama wa abhakama na Raatabhugenyi wa bharaatabhugenyi.