1 Bakorinto 1:1 - Indagano Inyaaya mu-Chijita

¹ Inyarubha inu, niikaamire anye Pawuro, niri aamwi na Sositeene omuyiri weeswe mu‑riikirisya. Anye Pawuro ꞉naabhirikiiywe okubha itumwa ya Kirisito Yeesu mu‑kwenda kwa Nyamuwanga.

INDAGANO INYA:YA

¹ Anye Paulo, unu nabirikiywe okuba intumwa ya Yesu Kristo kurwo kwenda kwa Nyamuanga, aamwi na Sositene owa:su,

1 Bakorinto 1:1 Iomraidhean Croise

Ruuka 6:13

Bhwejire bhwacha, ˆnaabhirikira abheeyigisibhwa bhaaye. Mu‑bheene abho ˆnaawura‑mo ekumi na bhabhiri, abho nibho ˆnaatoga jitumwa jaaye. Jitumwa ejo, nibho bhanu,

Yowana 15:16

Mutari emwe bhanu ꞉mwansorere anye, tari naanye ꞉naabhasorere emwe. ꞉Naabhasorere, korereki mugende mutwasye amatwasyo ganyatawaa‑wo wuri. Mukakora kutyo, joone jinu omuja okusabhwa okutura kw‑isiina ryani, Raata kaja okubhayaana.

Yowana 20:21

Yeesu ˆnaabhakeesya rindi ati, “Omurembe gubhe aamwi na emwe. Rwa kutyo Raata ꞉aantumire, nyabhuriko anye wone enibhatuma.”

Ebikorwa 1:15

Ku‑mwanya ogwo, abheekirisya bha Yeesu nibheekofyanya, obhukumi bhwebhwe bhwariga wuti egana rimwi na makumi gabhiri (120) kutya. Niwo Peetero ˆneemereeguru agatigati yeebhwe, ˆnaabhabhwira ati,

Ebikorwa 1:2

okukingira orusuku runu ꞉aagegerwe okugenda mu‑rwire. Achaari okugegwa, ꞉aasoosiisye amaragiriro okutura ku‑Mwoyo Mweru, ku‑tumwa jaaye jinu ꞉aawuuwe, inguru ya emirimu jinu abhaja okukora.

Ebikorwa 18:17

Awo bhoone nibhagwata Sositeene, omukuru wa inju ya eriikofyanyo rya Abhayawudi, nibhamubhuma awoawo imbere ya echitebhe cha indamu. Noorwo kutyo Gaariyo ꞉ataaruubhiriiye noorwo omusango gumwi.

Ebikorwa 22:21

Nawe Raatabhugenyi ˆnaansubhya ati, ‘Genda, kwa okubha enija okukutuma ugende mu‑bhyaro ebhindi bhya kura ku‑bhaanu bhanu bhatari Bhayawudi.’”

Barumi 1:1

Inyarubha inu, niikaamire anye Pawuro, omukosi wa Kirisito Yeesu. Anye ꞉naabhirikiiywe nibhe itumwa yaaye, na okusorwa na Nyamuwanga nibhega nindaasya Emisango jaaye ja Ekisi.

Barumi 1:10

Enimusabhwa bhuri mwanya ati, aakeenda, woori anaane omwanya gwa okubhaaja‑ko.

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

1 Bakorinto 15:9

Anye niri mutooto okukira jitumwa joone, niteeyire noorwo okubhirikirwa itumwa, kwa okubha ꞉naanyaasiisye abheekirisya bha Nyamuwanga.

1 Bakorinto 3:9

Enaayika kutyo kwa okubha emirimu jinu anye na Apooro echikora ni ja Nyamuwanga, keemwe muri sambu ryaye, ka wone muri inju yaaye.

2 Bakorinto 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya. Echikaamira emwe bhanu muri mw‑ikanisa rya Nyamuwanga mu‑musi gwa Koriito, aamwi na abheeru bhoone bha Nyamuwanga bhanu bhari mu‑mukoowa gwa Akaaya.

2 Bakorinto 11:5

Anye nitakwirora ati niri mutooto okukira bhanu abheerora wuti nibho jitumwa jingʼuru.

2 Bakorinto 12:12

Omwanya gunu naariga niri kw‑imwe, ꞉neebhurisiisye okubha itumwa, kwa okubha ꞉naakorere ebhibharikisyo, ebhiruguusyo na ebhikorwa bhya amanaga kwa obhwigumiirisya bhwone.

2 Bakorinto 8:5

꞉Bhaakorere kutyo okukira kutyo chaariga nichiiyikanya. ꞉Bheesoosiisye okwamba ku‑Raatabhugenyi, ka wone nibheesoosya kw‑iswe, rwa kutyo Nyamuwanga keenda.

Bagalatia 1:1

Inyarubha inu, niikaamire anye Pawuro. Anye ꞉nitaatumirwe na abhaanu amwi okuragirirwa na omuunu omurebhe, tari ꞉naatumirwe na Yeesu Kirisito omwene na Raata Nyamuwanga unu ꞉aasuuruuye Yeesu okusooka mu‑bhafuuwe.

Baefeso 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga. Enikaamira emwe abheeru bha Nyamuwanga [bhanu muri mu‑musi gwa Yefeeso]. Emwe muri abheeyikanyibhwa mu‑kubha na obhumwi na Kirisito Yeesu.

Baefeso 4:11

Omwene niwe ꞉aawuuwe abhaanu abhandi okubha jitumwa, abhandi abharagi, abhandi abharaasya, abhandi abhareefi na abheeyigisya.

Bakolosai 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya.

1 Timoteo 1:1

Inyarubha inu, niikaamire anye Pawuro, itumwa ya Yeesu Kirisito. Anye nitumirwe okubha itumwa ya Kirisito Yeesu ku‑chiragiriro cha Nyamuwanga Omuchungusi weeswe na Kirisito Yeesu niwe obhwiyikanyo bhweswe.

1 Timoteo 2:7

Nikwo okukora anye ꞉naateeywe‑wo okubha omuraasya na okubha itumwa. Ka wone ꞉naateeywe‑wo okubha omwiyigisya wa abhaanu bhanu bhatari Bhayawudi, korereki nibhe nindaasya emisango ja eriikirisya na echimari. Enaayika echimari, nitakubheeya wuri.

2 Timoteo 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, korereki niraasye omusango gwa obhuwanga. Nyamuwanga ꞉aachiragire ati obhuwanga obhwo obhubhonekana kwa okwikirisya Kirisito Yeesu.