Juan 3:8 - Tol: Dios Tjevele Jupj 'Üsüs La Qjuisiji Jesucristo Mpes

⁸ Dios Cjües nin liji. Jipj ma ca jus nucun Dios Cjües lijá. Ma ca jus nlayen jupj nin lijá. Nin p'in ca jus nucun 'üsüs tepyalá Dios Cjües la tjiji mpes. Nin lovin Dios ts'uyupj jis lal. Dios Cjües liji mpes yupj Dios ts'uyupj se palá. Dios Cjües ma si nuc, lüpjǘ jinwá. Lüpjǘ jun ta'á si lapjüna. 'Ücj pjoc', newa ma selen ca'ampe tjac' lüpjüs. Ma wa selen ca'aj jama.

Juan 3:8 Iomraidhean Croise

Juan 1:13

Dios p'iyá liji jupj ts'uyupj se palá yupj, mpes nin. Sejamay niswa se jamanun mpes tulucj. Jis papay, sejamay sin popa jisas mpes tulucj. Yom jos mpes tulucj; Dios p'iyá liji jupj ts'uyupj se palá Jesucristo lal japon.

Juan 3:7

”Po ma nin jele t'as tsjan mpes nin velé Dios jos niswa 'i manunu jipj.

Juan 3:9

Nicodemo tjevele jupj lal: —¿'Onin ca nin nacj, jipj velen jin?

Hechos 2:2

Len̈ way pasal yümücj pjactsja tsjun po'ó, lüpjǘ pajal püné jinwá. Yümücj pjac yupj nt'a tjac'. Más yümücj pjactsja quinam, nin tepyala yupj tjátjatsja nt'a.

Hechos 4:31

Tjowelepj na, wa 'a jis tjimyula nt'a jus tiquits'e. Dios Cjües jisas mo'o tjemey. Ma lacj jeyaptsja quinam, mpes tjil, tjowelepj gente jilal Dios tjevelá.

1 Corintios 12:11

Yupj lajay pjü way niná, Dios Cjües ninana p'iyá 'yaya mpes. Pjü jilal se 'aya, jupj jos jin. Nin p'iyá tulucj nin se 'aya yupj jilal.

1 Corintios 2:11

Gente pjü ma salejepj 'oyn nyuca jola la p'a. Jupj cjües p'in selé 'oyn nyuca jola jupj. Jupj cjües jos mo'o já'asa. Nin p'iyá Dios lal. Dios Cjües p'in selé 'oyn nyuca jola jupj.

1 Juan 2:29

Nun solejé Jesucristo lovin liji Dios jos jin. Nin p'iyá, gente la tjajay na Dios jos jin, solejé Dios ts'uyupj way yupj.