Apocalipsis 6:2 - Tol: Dios Tjevele Jupj 'Üsüs La Qjuisiji Jesucristo Mpes

² Niná tjevele na, napj tjinyuc cavayú pje. Jupj casá já'asatsja jalecj tyá'atsja la palan. Nt'ya watsja corona, jupj püné tepyala mpes. Jupj la tepya'na tjemey, más pülücj jostsja más pülücj si jütüta mpes. Jupj más 'üsüs la tepya'na na, ca yupj jis jepa cüpalas jupj.

Apocalipsis 6:2 Iomraidhean Croise

Mateo 28:18

Jesús ne'as tjemey yupj nt'a. Tjevele yupj jis lal: —Napj 'ücj jyütütj pjü way tsjun po'ó. Pjü wa nosis casá 'ücj jyütütj wa. Mpapay ntje'aya ca nin nsem.

1 Corintios 15:25

Quina Cristo newa jyü'ta pjü way; nin jos Dios. Jupj ca la mpa'nas jupj enemigopan jis lal. Jupj ca la mijis jupj enemigopan pjü way jupj tsjom 'alá jatja jinwá. Nin la tjiji na, jupj Popay Dios ca müjü'tüs niswá.

Apocalipsis 11:15

Locopyaya p'a wa ángel tjinyuc. Jupj trompeta la tjipjyusa wa. Siéteya la tjupjus quinam. Niná la tjipjyusa na, Dios pü'ü mpe yümücj tjowelepj jin tjapjacas. Nin tjowelepj: “Qjuis Jepa Dios quina ca müjü'tüs nosis nt'a. Lovin ca müjü'tüs jupj. Jesucristo lal ca 'a mulú müjü'tücj. Jesucristo ne Yom niná Dios jas tjejyama nosis nt'a”, nin tjowelepj.

Apocalipsis 11:18

Nosis casá patja pajal ts'a 'intsja jipj lal. Jipj po ma jyas yupj pajal malala la tjajay, ne ca jis capj ntülün quinam. Jipj ca mvelen quinam tecya'lin̈ jis lal, ncu t'üc' malala la tjajay. Quina ca 'üsüs jis ma'ayan wa jipj myozopan, yupj ne jipj mpes tjowelepj. Ca 'üsüs jis ma'ayan pjü jipj ts'uyupj. Yupj salejepj jipj jis capj ntülün malala lajay. Jipj ca 'üsüs jis ma'ayan cyapj jacon̈. Nin p'iyá ca la mijin noypan jis lal, tsjictjacj jis lal wa. Nosis malala jis la jay ca jis capj ntülün jipj, ne ca malala jis mpalas yupj.” Nin tjowelepj co'müypan Dios wolap'a'á.

Apocalipsis 14:14

Locopyaya p'a wa tjinyuc, niná ca nin mpalas. Napj mol pje tjinyuc. Pjaní wa já'asatsja mol casa'á. Yom jin jústatsja jupj. Corona jay já'asatsja jupj, jepa püné jay já'asa jinwá. Oro waytsja coroná. Polomay tyá'atsja wa mos nt'a, pajal pjóyetsja, jupj wolas mpe la t'üs.

Apocalipsis 15:2

Napj tjinyuc wa vidrio tüpü'ü, 'üsǘ püné muju ton̈ca jinwá jústatsja. 'Awa wolaqué watsja vidrio mo'ó. Gente lejen̈tsja vidrio la nt'a. Yupj ma lajaytsja Animal jostsja jinwá, ma javeleptsja pe pajal 'üsüs, pwen niná Animal jin justá. Número Animal ló jinwá, ma wa jisastsja. Gente niná más sin tjiyoctsja yupj jis lal. Niná gentas arpa jatatsja, Dios p'iyá jis tje'yayá.

Apocalipsis 17:14

Pjü way yupj Oveja Tsjicj lal ca la mpa'nacj. Mop'in Oveja Tsjicj más jas tjiyocj nsem yupj jis lal. Jupj pjü jepapan jis Jepa, más püné jupj pjü jis lal. Jupj le palana na yupj jis lal, jupj lal japon ca cus ncon̈cocj wa. Dios p'iyá jis capj tjep'ya'sa jis la pon. Jupj lis t'ya yupj. Yupj, pues, newa sa con̈ Oveja Tsjicj”, nin tjevele ángel napj lal.

Apocalipsis 19:14

Pjü Dios militarpan cus tocon̈ jupj. Jupj cjüil tjil. Pjü yupj cavayú pje casá tjatja tjil wa. Pjü sin quip pje pajal 'üsüs yustapj sin quípetsja yupj. Pajal salá waytsja sin quip.

Apocalipsis 3:21

Nin lajay napj tjevelé jin, napj ca jis ma'ayá majatjum napj lal, yupj ca müjü'tücj napj lal. Diablo jostsja wa napj 'a malala nyuca la cüjay, mop'in ma nin la tjejay. Napj la tjejay Mpapay jos jin. Mpes pü'üs napj jupj lal, 'a mulú jyü'tücj.

Apocalipsis 9:7

Ts'elel niná cavayú tsjictjacj jas tjüwü'ün jin yustaptsja. Corona sey játjatsja jin yustaptsja sey pjucj po'ó. Jis corona oro jinwá yustaptsja. Gente jin yustaptsja jis wala po'ó.