YUDA 1:3 - Jinghpaw Hanson Version Bible

³ Tsawra ai ni e, anhte guji gumyu a hkye hkrang la ai lam, nanhte hpe ka da na, ngai shaja nga nngai shaloi e, chyoi pra ai ni kaw lang lata sha ap ya da ai makam masham lam a matu mara gasat shakang na, nanhte hpang de ka dat nna shadum jahprang shara nga ai, ngai mu hkrup nga nngai.

Jinghpaw Common Language Bible 2009

³ Nye a tsaw ra ai ni e, anhte yawng jawm kam sham hkap la da sai hkye hkrang la ai lam nanhte hpang de ka dat na ngai grai shakut shaja nga nngai shaloi e, Karai Kasang gaw shi a masha ni hpe prat dingsa a matu lang mi hte sha ap ya da sai makam masham a matu matut nna dakring dalang gasat gala makawp maga sa wa na lam nanhte hpang de kalang ta laika ka nna n-gun jaw shadum shahprang na ra nga ai hpe ngai mu hkrup nngai.

YUDA 1:3 Iomraidhean Croise

NEHEMIA 13:25

Dai rai nna, ngai shanhte hpe daru kau ai hte dagam dala kau nme ai; nkau mi hpe ngai anu kayat nna, shanhte a kara mun ni hpe baw kau ya let, “Nanhte gaw, nanhte a shayi sha ni hpe shanhte a shadang sha ni hte n ya sha nna, shanhte a shayi sha ni hpe nanhte a shadang sha ni matu mung, nanhte hkum nan a matu mung, n hpyi la na lam, nga nna Karai Kasang a amying gang let, shanhte hpe dagam shangun nngai.

ESAIA 45:17

Israela chyawm gaw, Yehowa a jaw e htani htana hkye hkrang la ai lam hkrum na ra ai; nanhte gaw htani htana prat dingsa e kaya kahpa hte mak mat ai n hkrum na myit dai.

ESAIA 45:22

Lamu ga htum hkra shanu nga ai ni e, ngai hpe mada yu nna, hkye hkrang la ai hkam la mu: ngai hkum nan Karai Kasang rai nga nngai; ngai hta kaga kadai n nga ai.

YEREMIA 9:3

“Shanhte gaw masu ai ga tsun lu hkra, tinang shinglet hpe ndan zawn shachyen ma ai; dai mungdan hta shanhte galu kaba wa timung, kangka lam hta galu kaba wa ai, n rai; gaja wa, shanhte je je n hkru wa nna, ngai hpe n chye ma ai,” nga nna Yehowa tsun ai.

KASA 17:3

Hkristu gaw nni nkri hkrum lu na hte, si ai kaw na bai hkrung rawt wa na gaw, shi a lam rai nga ai, nga nna mung, Ngai nanhte hpe tsun dan ai Yesu gaw, dai Hkristu nan rai nga ai, nga nna mung, shanhte hpe jahprang mu ai.

KASA 18:28

kaning rai nme law, Yesu gaw Hkristu nan rai nga ai, nga nna Chyum laika hku madun let, Yuda ni hpe dan dan leng leng, aja awa tsun kapat kau nga ai.

KASA 20:27

Kaning rai nme law, Karai Kasang a ra ai hku hte tup, nanhte hpe hkaw dan na, ngai ginhtim yu nngai n rai.

KASA 28:28

Dai re ai majaw, ndai Karai Kasang a hkye hkrang la ai lam, maigan amyu ni hpang de jaw dat nu ai rai nna, shanhte mahtang madat mara hta la na mara ai gaw, nanhte nan chye nga mu law,”

KASA 4:12

Shi hta shaje hkye krang la ai lam n nga sai; anhte hkye hkrang la kaw du lu na matu, sumsing lamu a npu, shinggyim masha ni hta jaw ya ai amying ningsang shaje, kanang mung n nga sai,” ngu nna htan wu ai.

KASA 6:7

Karai kasang a mungga mung, galu kaba wa ai rai nna, Yerusalem mare hta sape ni nachying law htam wa ai hte, hkinjawng ni ga daga mung, dai makam masham lam madat mara nga ma ai.

KASA 9:13

Anani chyawm gaw, “Madu e, dai wa gaw Yerusalem e, na a chyoi pra ai ni hpe n hkru ai hku gade wa galaw ai gaw, ashi law law ngai na se ai;

KASA 9:22

Shawlu chyawm gaw n-gun ja wa nna, Yesu gaw Hkristu nan rai nga ai lam pra pra madun dan ai hte, Damasku e nga ai Yuda ni hpe shamak kau mu ai.

1 KORINHTU 15:3

Kaning rai nme law, ngai hkam la sai lam ngai nanhte hpe shawng na lak e ap ya masade ai; dai gaw, Chyum laika ni tsun ai hte maren, Hkristu gaw anhte a yubak a matu mara si hkam sai;

GALATI 2:5

rai timung, dai kabu gara shiga a tengman ai lam nanhte hta agrin nga lu u ga, shanhte a lawu e ahkying langai mi pyi anhte taw nga ga ai n rai.

GALATI 3:28

Nanhte yawng mayawng gaw Hkristu hta e langai sha rai nga myit dai majaw, Yuda wa ngu na mi n nga, Heleni wa ngu na mi n nga; mayam ngu na mung n nga, shanglawt ngu na mung n nga; lasha, numsha ngu na mi mung n nga lu ai.

GALATI 6:11

Gade wa kaba ai laika hkum hte ngai nanhte hpe nye a lata hte ka da nngai gaw, yu yu mu.

EHPESU 1:1

Karai Kasang a myit ra ai a majaw, Hkristu Yesu a kasa rai nga ai, ngai Pawlu gaw, Ehpesu mare hta e nga ai chyoi pra ai ni hte, Hkristu Yesu hta kangka rai nga ai ni hpe, ga shana dat nngai.

TARA JAHPRANG 21:9

Shing rai Yehowa a man e dinghpring ai hku galaw jang, n si ging ai wa a asai hpe nang hta na kashin kau lu na ra ai.

TARA JAHPRANG 9:10

Nanhte sa hpawng ai shani bum ntsa e Yehowa wan kata na tsun dat ai ga nlang, Karai Kasang a layung hte nan ka ai lungpa lahkawng, Yehowa ngai hpe ap ya nngai.

HPILIPI 1:1

Hkristu a mayam rai nga ai Pawlu yan Timohti gaw, Hpilipi mare e nga nga ai, Hkristu Yesu hta e chyoi pra ai ni nlang hte hte, hpung up ni hte hpungtau ni hpe nawng, ga shana dat ga ai.

HPILIPI 1:27

Dai hta n-ga, nanhte a arawn alai gaw Hkristu a kabu gara shiga a lam hte ging dan nga u ga: shing rai jang, ngai du nna nanhte hpe hkrum lu rai timung, naw tsan gang nga rai timung, Wenyi langai sha hte nanhte lahpran tsap nga nna, myit masin langai sha hte dai kabu gara shiga a makam masham a lam hkying hkat nga myit dai gaw, ngai nanhte a lam na lu na nngai:

KOLOSE 1:2

Anhte a Wa Karai Kasang kaw na, chyeju hte ngwipyaw ai gaw, nanhte hta e anga nga malit ga law,

1 HTESALONI 2:2

Nanhte chye nga myit dai hte maren, Hpilipi mare hta shawng e nni nkri hte asawng asang hkrum ngut jang, zingri zingrat law law hkrum timung, anhte a Karai Kasang shatsam ai a jaw e, Karai Kasang a kabu gara shiga hpe nanhte kaw tsun dan na, anhte gwi ga ai.

1 TIMOHTI 1:18

Ngai sha, Timohti e, nang hta ang nna lakap nga ai myihtoi ga hta hpa nna, makam masham hte mai kaja ai myit nsam rawng nga let, dai kaja ai gasat gala hpe nang gasat nga lu u ga, tawn da sai myihtoi ga hte maren, ndai daru jet kau na ahkang ngai nang hpe ap ya de ai.

1 TIMOHTI 6:12

Dai makam masham hte seng ai mai kaja ai gasat gala ai hpe a gasat nga u: htani htana na asak hpe magra noi nga u: dai hta e nang hpe shaga la nna, sakse law law ni a man e mai kaja ai sakse nang hkam ya nit dai.

2 TIMOHTI 1:13

Ngai kaw na nang na la sai masan maseng mungga ningli hpe, Hkristu Yesu hte seng ai kamsham nna tsawra ai myit hte, gumnoi nga u.

TITU 1:4

anhte a Hkye hkrang la ai Madu, Karai Kasang a hkang da ai ga hte maren, nye a lata de ap ya ni ai. Kawa Karai Kasang hte, anhte a Hkye hkrang la ai Madu Hkristu Yesu kaw na, chyeju hte ngwipyaw ai gaw, anga nga u ga law.

HEBRE 13:22

Bai, lam mi gaw, hpunau ni e, dai shadum jahprang ga nanhte hkam sharang la na, ngai shadut jahkat dat made ai: kaning rai nme law, ga gadun hte sha ngai nanhte hpe ga shagun dat made ai.

HEBRE 6:9

Anhte ning nga tsun ga ai rai timung, tsawra htum ai ni e, dai hta grau kaja ai hte, hkye hkrang la ai lam hte seng ai baw nanhte lu la na myit dai, ngu nna nanhte a lam anhte myit tawng ya ga ai.

1 PETRU 5:12

Shing rai, dai lam gaw, Karai Kasang a chyeju lam teng teng rai nga ai hpe, shadum jahprang nna sakse hkam ya na matu, ngai nawn nga nngai hte maren, sadi sahka re ai Silwanu ngu ai hpunau a lata hte, ndai ga gadun ngai nanhte hpe ka ya dat nngai: ndai chyeju hta e mung nanhte anga nga myit dai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte, Hkye hkrang la ai Madu Yesu Hkristu a dinghpring ai lam hta, anhte zawn hpu la ai makam masham lu la nga ai ni hpe, ga shana dat nngai.

2 PETRU 2:21

Kaning rai nme law, dai dinghpring ai lam hpe chye chyang la nhtawm e, shanhte hpe ap da mu ai chyoi pra nga ai hkang da ai ga hpe tawt lai kau ai hta, dai lam hpe n chye nga yang mahtang gaw, shanhte a matu grau nna mai nga ai.

YUDA 1:1

Yesu Hkristu a mayam hte, Yaku a kanau, ngai Yuda gaw, Kawa Karai Kasang hta tsawra nna Yesu Hkristu a matu bau sin hkrum ai, shaga da ai ni hpe, ga shana dat nngai:

YUDA 1:17

Nanhte chyawm gaw, tsawra ai ni e, anhte a Madu Yesu Hkristu a kasa ni nanhte hpe shawng e tsun dan manit dai ga hpe, adum nga mu:

YUDA 1:20

Nanhte chyawm gaw, tsawra ai ni e, dai Chyoi pra ai Wenyi hta akyu hpyi let, nanhte a chyoi pra ai makam masham lam hta, tinang dai shangang shakang nga mu:

SHINGRAN 12:11

Shanhte gaw, Sagu Kasha a asai majaw mung, tinang sakse hkam ai mungga a majaw mung, shi hpe dang kau lu mu ai rai nna, si ai du hkra tinang a asak hpe n lahpawt ma ai.

SHINGRAN 2:10

Nang hkrum magang ra ai nni nkri hpe hkum hkrit et; yu u, nanhte hpe chyam yu na, Nat gaw nanhte hta na nkau mi hpe htawng hta sharen da nna, nanhte n htoi shi ya tup zingri zingrat ai hkrum na marin dai. Si hkra maju jung nga u, shaloi ngai nang hpe asak janmau jaw na de ai.