SHINGRAN 9:6 - Jinghpaw Hanson Version Bible

⁶ Dai nhtoi hte hta masha ni gaw si nhpang tam timung n mu na mu ai; nachying si mayu ma timung, si hkrung si htan gaw, shanhte kaw na hprawng mat na ra ai.

Jinghpaw Common Language Bible 2009

⁶ Dai shata manga laman shanhte si nhpang tam na mara ai; rai ti mung shanhte dai hpe mu na mu ai n rai; shanhte si mayu na mara ai, rai tim si hkrung si htan gaw shanhte kaw na hprawng mat na ra ai.

SHINGRAN 9:6 Iomraidhean Croise

2 SAMUELA 1:9

Shaloi Shawlu gaw, ‘Nye makau e tsap nna, ngai e sat kau e; nye a nsa n hti hkraw nna, machyi chyum nga nngai,’ ngu nna ngai e tsun nngai.

ESAIA 2:19

Yehowa gaw ginding aga hpe ashun awam dat na nga, shi rawt wa yang, shi a hkrithpa hte dan hkung nga ai hpung shingkang majaw, masha ni gaw lungpu ni hte ginlawng hku ni hta shang na mara ai.

YEREMIA 8:3

Ngai shaden kau dat ai shara ni hta e naw ngam nga ai, ndai n hkru ai amyu masha ni gaw, asak hkrung nga na hta si hkrung si htan hpe lata la na mara ai, nga nna Zaw nawng zaw wa up ai Yehowa tsun nga ai.”

HOSEA 10:8

Israela yubak a npawt Awen mung, run kau ai hkrum na ra ai: de a tawn hkungri ni a ntsa e, ju hpun hte tsing tu lim kau nna, mare masha ni gaw, ‘Bum ni e, anhte hpe ka-up mi, kawng ni e, anhte a ntsa e hkrat bun mi,’ nga nna shaga na mara ai.”

LUKA 23:30

Dai nhtoi e, bum ni hpe, Anhte a ntsa e daw kamyet mi, nga nna mung, kawng ni hpe, Anhte a ntsa e ka-up mi, nga nna mung, shanhte shaga shajang na mara ai:

SHINGRAN 6:16

bum ni hte lunghkrung ni hpe shaga nna, Anhte a ntsa e hkrat bun mi; tingnyang hta dung ai wa a myit man hte, Sagu Kasha a pawt bu ai hta na anhte hpe magap maga la mi;