SHINGRAN 8:3 - Jinghpaw Hanson Version Bible

³ Bai, manam pyaw ai baw nat ai n-gawt lang ai lamu kasa kaga, dai tawn hkungri makau e sa tsap nga ai; dai tingnyang man e nga ai aja hkungri ntsa e, chyoi pra ai ni yawng hte a akyu hpyi ai ga hte rau nawng jau u ga nga, manam pyaw ai baw law law dai wa hpe ya wu ai.

Jinghpaw Common Language Bible 2009

³ Bai manam pyaw ai baw nat ai ja n-gawt lang ai lamu kasa kaga gaw, tawn hkungri makau e sa tsap nga ai. Dai tingnyang man e nga ai aja hkungri ntsa e, Karai Kasang a masha ni yawng hte a akyu hpyi ai ga hte rau nawng jau u ga nga, manam pyaw ai baw law law dai wa hpe ya wu ai.

SHINGRAN 8:3 Iomraidhean Croise

1 HKAWHKAM 7:50

hka wan ni, wan lakap ni, angdung ni, chyaw ni, wan ban pa ni mung, aja jet rai nga ai: chyoi pra htum ai shara ngu na kata nta a chyinghka ni a matu mung, nawku Htingnu ngu na nta a chyinghka ni a matu mung, de a pat ta ni aja rai nga ai.

SHAKAWN KUNGDAWN 141:2

Ngai akyu hpyi ai ga, na a man e, manam pyaw ai baw zawn, Ngai lata ladawn ai gaw, shana na hkungga zawn, rai nga u ga.

PRU MAT 40:26

Ja hkungri hpe mung shawa sum a sumpan nta nhku, dai nba shinggang a shinggan e tawn da nna,

ESAIA 6:6

Shaloi Serahpim langai mi gaw, tawn hkungri ntsa na, lakap hte matep la ai wan n-ga, shi a lata hta lang let, ngai hpang de pyen sa nhtawm, dai hte nye a n-gup ahtawk let, “Yu u, dai gaw na a nten hpe hkra sai; na a mara hpe yeng seng kau sai; na a yubak hpe mung raw dat kau nu ai,” nga ai.

EZEKELA 41:22

Tawn hkungri gaw hpunpyen rai nga nna, de a tsaw de dawng masum, galu de dawng lahkawng rai nga ai; de a jut ni, madang hte shakum ni hpun rai nga ai: shing rai shi gaw, “Da ndai gaw Yehowa man e tawn da ai ku rai nga ai,” nga nna ngai hpe tsun ai.

AMO LAIKA (AMOS) 9:1

Dai Madu gaw, dai tawn hkungri makau e tsap nga ai hpe, ngai mu nngai: shi gaw, Chyinghka hkinbawng ni ashun awam hkra, nta shadaw ni hpe adawt agrawp kau nna, mung masha ni a baw ntsa e ru bun shangun mu; ngai shanhte hpe htum hkra nhtu hte sat kau na nngai: langai mi pyi hprawng lu na n rai, langai mi muk lawt lu na n rai.

MALAHKI 1:11

Kaning rai nme law, nye a amying ningsang gaw, jan pru maga kaw nna jan shang maga du hkra, maigan amyu ni hta galu kaba nga na ra ai: nye a amying ningsang, maigan amyu ni hta galu kaba nga ai majaw, nye a amying matu, shara shagu hta, manam pyaw ai baw hte san seng ai shagu hkungga hpe, nat nawng ya na mara ai, nga nna Zaw nawng zaw wa up ai Yehowa tsun ai.

BU HKAWM 4:11

Bai, dai ja hkungri hpe shanhte sawm tsit ai nba nep nhtawm, tahkisha hpyi hte ka-up nna, kandang dinghkrawn da na rai mu ai.

BU HKAWM 7:62

shekela shi li ai ja chyaw langai mi hte, dai hta jahpring dat ai manam pyaw ai baw;

LUKA 1:10

Dai manam pyaw nat ai ahkying hta shawa masha ni nlang hte gaw, shinggan e akyu hpyi let nga nga ma ai.

ROMA 8:34

Dawdan lu ai wa gaw, kadai wa mi rai nga a ta? Si hkam nna, rai sa, si hkam ai hta n-ga, si mat ai ni kaw na hkrung sharawt la ai hkrum nhtawm, Karai Kasang a hkra lata e rai nga let, anhte a matu mara hpyi htinglu ya ai wa, Hkristu Yesu nan rai nga ai.

HEBRE 7:25

Dai rai nna, shi gaw shinggyim masha ni a matu mara tawngban ya nga na, tutnawng e ahkrung nga ai majaw, shi a marang e Karai Kasang kaw sit shang wa ai ni hpe hkum tsup wa hkra, mawai la lu na atsam, shi lu nga ai.

HEBRE 9:4

dai hta e manam pyaw ai baw nat ai aja hkungri hte, hkum ting ja sup ai ga shaka sumpu rawng nga ai: dai sumpu kata e, manna rawng ai ja di mung, apu pu ai Arun a dawhkrawng mung, ga shaka lungpa yan mung, rawng nga ai;

SHINGRAN 10:1

Bai, sumwi lawai nna, sumsing lamu de na yu hkrat wa ai n-gun ja ai lamu kasa kaga hpe ngai mu nngai; shi a baw hta n-goilatum jung nga ai, shi a myi man gaw jan zawn htoi tu nga ai, shi a lagaw yan wan shadaw zawn rai nga ai:

SHINGRAN 14:18

Bai, wan hpe up ai ahkang lu ai lamu kasa kaga gaw, tawn hkungri de na pru nna, dai ai nhkyau lang ai wa hpe nsen kaba hte jahtau let, Na a dai ai nhkyau dat dat nna, aga na tsabyi ru a asi sumbaw hpe gadoi shingkyin la u; de a tsabyi si myin sai, ngu wu ai.

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai; shanhte langai hte langai tingse hte chyoi pra ai ni a akyu hpyi ai ga ngu ai manam pyaw ai baw hte hpring chyat nga ai ja gawm lang nga ma ai:

SHINGRAN 6:9

Bai, manga ngu na dazik hpe hpaw dat wu yang, Karai Kasang a mungga a majaw mung, tinang hkan nang ai sakse lam a majaw mung, sat kau hkrum ai ni a tsu ni hpe, dai tawn hkungri npu e, ngai mu nngai.

SHINGRAN 7:2

Bai, jan pru maga de na pru lung wa nna, ahkrung nga ai Karai Kasang a dazik lang ai lamu kasa kaga hpe, ngai mu nngai. Shi gaw, Anhte a Karai Kasang a shangun ma ni hpe lahtan e dazik garai n shakap kap gaw, aga hpe mung, nammukdara hpe mung, hpun ni hpe mung hkum zingri myit,

SHINGRAN 8:4

Shaloi, dai lamu kasa a lata hta na, manam pyaw ai baw a wan hkut gaw, chyoi pra ai ni a akyu hpyi ai ga hte rau Karai Kasang a man de mawng lung wa ai.

SHINGRAN 8:5

Bai, dai lamu kasa gaw dai n-gawt hpe la nna, tawn hkungri na wan jahpring la ngut jang, mungkan ga ntsa de dai hpe jahkrat dat wu ai: shaloi mu ngoi ai, wu kadu ai nsen, myihprap kala ai hte nnang nawn byin pru wa ai.

SHINGRAN 9:13

Bai, kru ngu na lamu kasa pahtau dum dat wu ai; shaloi, Karai Kasang a man e nga ai aja hkungri a nrung ni hta na nsen langai mi pru nna.