SHINGRAN 8:10 - Jinghpaw Hanson Version Bible

¹⁰ Bai, masum ngu na lamu kasa pahtau dum dat wu ai: shaloi shanan zawn htoi tu ai shagan kaba lamu de na di hkrat wa nna, hka nu ni htam masum hta na htammi hte hka npun ni a ntsa e hkrat taw nga ai:

Jinghpaw Common Language Bible 2009

¹⁰ Bai, masum ngu na lamu kasa gaw shi a pahtau dum dat wu ai: Shaloi, shanan zawn tu grung nga ai shagan kaba langai mi lamu de na di hkrat wa nna, hka nu ni htam masum na htam mi hte hka hpawk hka npun ni a ntsa e hkrat taw nga ai.

SHINGRAN 8:10 Iomraidhean Croise

2 HKAWHKAM LABAU 32:3

mare shinggan e nga ai hka hpawk ni hpe pat kau na nga nna, du salang ni arawng lu ai ni hte bawng nna shanhte gaw shi hpe karum mu ai.

ESAIA 12:3

Dai re ai majaw nanhte gaw, hkye hkrang la ai hka htung ni hta, kabu gara ai myit hte, hka ja lu na marin dai.

ESAIA 14:12

Jahpawt manap a kasha, nhtoi gintawng e, nang gaw sumsing lamu na di hkrat wa nit hka! Amyu baw ni hpe zingri ai wa e, ga du hkra kran daw kau ai hkrum nit hka!

ZEHKARIA 13:8

Mung ting hta e, htam masum hta htam lahkawng, jahtum kau ai hkrum nna, nsa hti mat timung, htammi naw ngam nga na ra ai, nga nna Yehowa tsun ai.

ZEHKARIA 13:9

Ngai gaw dai htammi hpe wan ka-ang hku lai wa shangun nna, gumhpraw hpe jen ai hte maren, ngai shanhte hpe jen yu nna, aja hpe dinglik yu ai zawn, shanhte hpe dinglik yu na nngai; shaloi shanhte gaw nye a amying hpe shaga nna, ngai shanhte a ga madat na nngai; ngai gaw, ‘Ndai ni nye a amyu rai nga ai,’ nga nna tsun yang, shanhte gaw, ‘Yehowa anhte a Karai Kasang rai nga ai,’ nga nna yin la na mara ai.

MAHTE 25:1

Dai shaloi e sumsing lamu a mungdan gaw, tinang a pyengdin lang nna, la nnan hpe hkap bawp la na pru sa wa ai mahkawn shi hte bung na ra ai.

LUKA 10:18

Shing nga jang shi gaw, “Satan gaw lamu de nna myihprap zawn hkrat wa ai hpe, ngai mu se ai.

YUDA 1:13

tinang a kaya kahpa hpe hkumbawp zawn shabawp ma ai, nawng na hta wa ai hka leng ni hte, prat dingsa na chyang htat ai nsin hta e rim da hkrum ai, pran mat ai shagan ni zawn, shanhte rai nga ma ai.

SHINGRAN 1:20

nye a hkra lata hta nang mu lu ai shagan sanit hte, aja pyengdin sanit ni amau htum ai lam, ka da u; dai shagan sanit gaw, Hpung sanit ni a kasa ni rai nga ma ai, dai pyengdin sanit mung, Hpung sanit rai nga ai.

SHINGRAN 12:4

Shi a nmai gaw lamu shagan htam masum hta na htammi magawn la nna, ga de jahkrat dat wu ai: kasha shangai magang ai num shangai ngut jang, shi a kasha hpe sha kau na nga, baren numraw gaw dai num a man e la tsap nga ai.

SHINGRAN 14:7

shi gaw, “Karai Kasang hpe hkrit hkungga mu, shi a hpung shingkang shagrau mu; shi a tara dara ai ahkying du ra ai: sumsing lamu hte ginding aga, nammukdara hte hka hpawk ni hpe hpan tawn da ai wa hpe nawku nga mu,” nga nna nsen kaba hte hkaw tsun nga ai.

SHINGRAN 16:4

Bai, masum ngu na wa shi a gawm hka nu ni hte hka hpawk ni hta ru bun dat wu ai: dai gaw asai tai mat ai.

SHINGRAN 6:13

lakum hpun hpe nbung kaba e ahpawt yang, de a n myin ai asi hpe sharun kau ai zawn, sumsing lamu na shagan ni gaw, ga ntsa de run hkrat mat wa ma ai:

SHINGRAN 8:7

Ya, shawng na wa pahtau dum dat wu ai: shaloi asai kayau ai sin hte awan htu wa ai; dai hpe ga ntsa de jahkrat dat yang, dinghta ga daw masum hta na daw mi hkru mat wa ai; nam maling hpun ni mung htam masum hta na htammi hkru mat wa ai; tsit lali ai tsingdu yawng gaw hkru mat wa ai.

SHINGRAN 9:1

Bai, manga ngu na lamu kasa pahtau dum dat wu ai: shaloi, lamu de na ga ntsa de di hkrat mat sai shagan langai mi ngai mu nngai: shi hpe dai sung htum ai shara na nhkun a sumsaw ap ya wu ai.

SHINGRAN 9:15

Dai rai nna, shinggyim masha ni hpe htam masum hta na htammi sat kau na nga, ahkying, nhtoi, shata, shaning a matu hkyen tawn da ai lamu kasa mali hpe, raw dat wu ai.

SHINGRAN 9:18

Dai ni a n-gup hta na pru ai wan numli, wan hkut hte kan ngu ai tsin-yam masum a majaw, shinggyim masha htam masum hta na htammi si mat ai hkrum ma ai.

TARA AGYI 15:11

Shaloi Yuda mung na masha hkying masum hte gaw Etam lungpra na lungpu de yu wa nhtawm, Samson hpe, “Hpilisti masha ni anhte a madu rai nga ai, nang n chye nni? Dai rai yang, anhte hta hpa rai ning di galaw n ta?” ngu mu ai. Shi gaw, “Shanhte ngai hpe di ai hku, ngai shanhte hpe di mawe ai,” ngu nna htan wu ai.