SHINGRAN 7:4 - Jinghpaw Hanson Version Bible

⁴ Shaloi dazik shakap hkam la ai ni hpe hti ai nambat ngai na nngai; Israela kashu kasha amyu yawng hta na sen mi mun mali e hkying mali dazik shakap ai hkam la masai;

Jinghpaw Common Language Bible 2009

⁴ Lahtan ni hta Karai Kasang a dazik masat shakap da sai dai masha ni gaw, 144,000 rai nga ma ai lam ngai hpe tsun dan ni ai. Dai ni gaw Israela kashu kasha amyu dap shi lahkawng hta na,

SHINGRAN 7:4 Iomraidhean Croise

NINGPAWT NINGHPANG 15:5

Shing nga nhtawm Abram hpe shinggan de woi shapraw nna, “Sumsing lamu de mada yu u, dai shagan ni hpe nang dang hti yang gaw hti yu u: na a amyu matu ni dai hte maren rai na mara ai,” ngu nna shi hpe tsun wu ai.

PRU MAT 28:21

Israela amyu shi lahkawng rai nga ai hte maren, dai lungseng ni mung, shanhte a amying hkan nna shi lahkawng rai na rai nga ai: dazik hta tawk ka ai zawn langai hte langai hta mying kap nna, dai gaw amyu shi lahkawng a matu gu gu rai na rai nga ai.

EZEKELA 47:13

Madu Yehowa ning nga ai: “Israela amyu shi lahkawng hkan nna, sali wunli karan la na matu, mungdan a lamu ga jarit, da ndai rai nga ai: Yawsep gaw mungdaw lahkawng lu la na ra ai.

EZEKELA 48:19

Mare hta amu galaw nga ai, Israela amyu masha ni yawng, dai hta galaw sha na mara ai.

EZEKELA 48:31

mare chyinghka ni gaw Israela amyu mying mying nna, dingdung maga de Rubin chyinghka, Yuda chyinghka, Lewi chyinghka ngu ai, chyinghka masum rai nga ai.

ZEHKARIA 9:1

Hadrak mung hpe sha-ang ai, Yehowa a shingran mungga, da ndai rai nga ai: dai shingran gaw Damasku mare hta dik wa na ra ai; kaning rai nme law, shinggyim masha ni a myi hte, Israela amyu ni nlang hte a myi, Yehowa hpe a mada nga ai:

MAHTE 19:28

Yesu gaw, “Nanhte hpe ngai teng teng tsun made ga, dai Masha Kasha gaw shi a arawng sadang a tingnyang hta e dung nga yang, bai shangai wa ai aten hta e ngai kaw hkan nang nga ai ni, nanhte mung, tingnyang shi lahkawng hta dung lawm na marin dai rai nna, Israela a amyu shi lahkawng hpe tara dara lu na maru ai.

LUKA 14:22

Dai hpang mayam wa gaw, ‘Madu e, na a ga hte maren galaw ngut se ai; rai timung, dung shara naw man nga ai,’ ngu wu ai.

LUKA 22:30

nye a mungdan e, nye a sha ku hta, nanhte lu sha lu na marin dai: nanhte mung tingnyang hta dung nna, Israela amyu shi lahkawng hte hpe tara dara lu na marin dai.

KASA 26:7

dai ga ndat chyeju hkam la lu hkra nga, anhte a amyu shi lahkawng ting, shani shana Karai Kasang hpe jaw jau let, shaja nga ma ai: dai myit mada lam majaw, Hkawhkam wa e, Yuda masha ni ngai e mara shagun ma ai.

ROMA 9:27

Esaia mung Israela amyu a lam jahtau nna, Israela kashu kasha ni gaw nammukdara a zaibru zawn law ma timung, ngam nga ai kau chyen chyu sha hkye hkrang la ai hkrum na mara ai.

YAKU 1:1

Karai Kasang hte Madu Yesu Hkristu a mayam, ngai Yaku gaw, bra mat nga ai amyu shi lahkawng ni hpe ngwipyaw ga shana dat nngai.

SHINGRAN 14:1

Bai, yu u, dai Sagu Kasha gaw Ziun bum ntsa e tsap nga ai hpe ngai mu nngai; shi a amying hte shi Kawa a amying tinang a lahtan hta ka kap ai masha sen mi mun mali e hkying mali mung, shi hte rau tsap nga ma ai.

SHINGRAN 14:3

Shanhte gaw, dai tingnyang man e mung, dusat amyu mali hte salang ni a man e mung, mahkawn ga ningnan zawn mahkawn mangoi nga ma ai: ga ntsa na mari la hkrum sai ni, ngu ai, masha sen mi mun mali e hkying mali hta kaga, dai mahkawn ga hpe kadai mung n sharin la lu ma ai.

SHINGRAN 7:5

Yuda amyu hta na mun mi hkying lahkawng, Rubin amyu hta na mun mi hkying lahkawng, Gad amyu hta na mun mi hkying lahkawng;

SHINGRAN 9:16

Gumra jawn ai luksuk ni gaw mun lahkawng lang mun mi, law nga ma ai: shanhte a nambat hpe ngai na nngai.