SHINGRAN 7:3 - Jinghpaw Hanson Version Bible

³ nga nna lamu ga hte nammukdara hpe zingri na ahkang lu ai lamu kasa mali hpe, nsen kaba hte jahtau wu ai.

Jinghpaw Common Language Bible 2009

³ “Anhte a Karai Kasang a shangun ma ni a lahtan ni hta e dazik masat garai n shakap kap gaw, aga hpe mung, panglai hpe mung, hpun ni hpe mung, garai hkum zingri myit,” nga nna nsen kaba hte jahtau tsun wu ai.

SHINGRAN 7:3 Iomraidhean Croise

PRU MAT 12:13

“Dai asai gaw nanhte a nta ni hta nanhte a matu masat dingsat tai na ra ai rai nna, dai hpe ngai mu jang, ngai nanhte kaw na lai mat wa na nngai; shing di ngai Egutu mung hpe ari jaw na we ai shaloi, jahten shabya ai ari gaw nanhte hpe hkra lu na n rai.”

PRU MAT 12:23

“Kaning rai nme law, Egutu masha ni hpe ari jaw na nga, Yehowa dinghkren mat wa na ra ai: dai hkanoi hte hkadun daw yan hta na sai hpe mu jang, Yehowa dai chyinghka hpe lai kau da na wu ai rai nna, jahten shabya ai wa gaw nanhte hpe jahten na, nanhte a nta hta shang lu na ahkang shi jaw na wu ai n rai.”

ESAIA 27:8

N rai law, nang shanhte hpe shapraw kau yang, sharam ai myit hte nang ari jaw nna, sinpraw nbung bung ai shani e shanhte hpe ahpawt kau manu ai.

ESAIA 54:17

Nang hpe hpyen na matu galaw ai ri nhtu, langai mi tai na n rai; nang hpe sumri dan na matu rawt ai tara agyi kadai hpe mung, nang dawdan na ra ai. Dai gaw Yehowa a shangun ma ni a sali wunli hte, ngai kaw na pru ai dinghpring ai lam rai nga ai,” nga nna Yehowa tsun ai.

ESAIA 6:13

Dai mungdan hta htamshi na htammi naw ngam nga timung, dai pyi shaza kau ai hkrum na ra ai: rai timung, magyeng hpun hte wamyi hpun hpe kran kau nna, hpun du naw tu nga ai zawn, dai hpun du hta chyoi pra ai aru arat naw prut na ra ai.”

ESAIA 65:8

Bai Yehowa ning nga ai, Tsabyi sumbaw hta tsabyi jahku mu yang, masha langai ngai, “Hkum jahten et, shaman ai rawng nga ai,” nga nna tsun ai hte maren, nye shangun ma hpe tau yu let, ngai galaw nna, mahkra jahten na n rai.

EZEKELA 9:4

Yehowa gaw, “Yerusalem mare ka-ang hku lai wa nna, mare kata e galaw ai matsat shabat amu majaw madai nna, hkrap ngu hkrap ngoi ai ni a lahtan hpe, mahkret matsing u,” ngu nna shi hpe tsun wu ai.

EZEKELA 9:6

dingla hpe mung, shabrang wa hte mahkawn, ma kaji hte numsha ni hpe atsai awai shaza kau timung, mahkret matsing ai wa langai mi hpe muk, hkum hkra et; dai amu hpe nye a Chyoi pra ai shara hta galaw hpang u,” nga nna tsun ai ngai na nngai. Shing rai shanhte gaw Nta ndaw e nga ai salang ni hpe shawng sat kau mu ai.

Daniela 3:17

Anhte daw jau nga ai Karai Kasang gaw, grung nga ai wan htung hta na, anhte hpe shaw la lu na ra ai: hkawhkam wa e, shi gaw na a lata na mung, anhte hpe mawai la na ra ai.

Daniela 3:26

Nebuhkadneza gaw grung nga ai wan htung mahka de sit sa nhtawm, “Tsaw Htum ai Karai Kasang a shangun ma Shadrak, Meshak, Abed-nego hte e, pru wa marit,” ngu mu ai. Dai rai nna shanhte gaw wan kata de na pru wa ma ai.

Daniela 6:16

Shaloi hkawhkam wa ahkang jaw nna, shanhte gaw Daniela hpe woi la nhtawm, hkanghkyi nhkun hta jahkrat bang kau mu ai. Hkawhkam wa chyawm gaw, “Daniela e, nang n sim n sa nawku nga ai, na a Karai Kasang gaw, nang hpe mawai la na ra ai,” ngu wu ai.

ZEHPANI 2:3

Ga ntsa hta myit sumnung nga nna, Yehowa a tara hkan nang ai ni yawng hte e, Yehowa hpe hkan tam mu; dinghpring ai lam hte sumnung ai lam hpe tam manu: Yehowa a masin pawt ai nhtoi hta, nanhte hprawng makoi shara mu dam nhten.

MALAHKI 3:18

nna Zaw nawng zaw wa up ai Yehowa tsun ai.

MAHTE 24:22

Dai nhtoi ni hpe n shagying kau yang gaw, gade a hkum shan mung n lawt lu na ra ai; rai timung, lata la ai ni a matu mara, dai nhtoi ni gaw gying wa na ra ai.

MAHTE 24:31

Shi a lamu kasa ni hpe, pahtau kaba hte shi shangun dat nna, shanhte gaw nbung mali maga na, lamu htum ai de nna lamu htum ai du hkra, shi a lata la sai ni hpe jahpawng la na maru ai.

YAWHAN 12:26

Nye a amu gun hpai ai wa rai yang gaw, nye a hpang hkan nang ru ga: ngai nga ai shara e, nye a shangun ma mung nga na ra ai; nye a amu gun hpai ai wa rai yang gaw, nye Wa dai wa hpe shagrau na ra ai.

YAWHAN 3:33

Shi a sakse lam hpe hkap la ai wa chyawm gaw, Karai Kasang gaw tengman nga ai, nga nna dazik shakap ai wa rai nga ai.

ROMA 6:22

Ya chyawm gaw yubak kaw na shalawt dat ai hkrum nna, Karai Kasang a ali ama ni tai nga myit dai majaw, chyoi pra hkam na ngu ai akyu gaw, nanhte lu la myit dai: de a chyahtum madaw gaw htani htana asak rai nga ai.

SHINGRAN 13:16

Dai hta kaga, kaji kaba, sahti kunmi, matsan mayan ni, shanglawt ni hte mayam ni nga manga hte gaw, tinang a hkra lata hta, shing n rai, tinang a lahtan hta, masat dingsat shakap shangun na hte,

SHINGRAN 13:17

dai matse labye a amying, shing n rai, de a amying a nambat ngu ai masat dingsat, n kap ai wa kadai mung, arai mari na hte dut na ahkang n lu na lam, shabyin dat wu ai.

SHINGRAN 14:1

Bai, yu u, dai Sagu Kasha gaw Ziun bum ntsa e tsap nga ai hpe ngai mu nngai; shi a amying hte shi Kawa a amying tinang a lahtan hta ka kap ai masha sen mi mun mali e hkying mali mung, shi hte rau tsap nga ma ai.

SHINGRAN 14:9

Bai, masum ngu na lamu kasa kaga gaw, shan kaw hkan nang nna, “Dai matse labye hte shi a hkrang sumla hpe nawku nna tinang a lahtan hta, shing n rai, tinang a lata hta, masat dingsat hkam la ai wa kadai rai timung,

SHINGRAN 19:2

shi a tara dara ai lam ni tengman ai hte dinghpring nga lu ai; hpye ai amu hte ga ntsa ting hpe shut hpyit shangun ai shawa num kaba hpe shi dawdan nna, shi a shangun ma ni a asai matai, dai num a ntsa e bai htang ya nu ai law,” nga nna tsun ai, ngai na nngai.

SHINGRAN 20:4

Bai, magam tingnyang ni ngai mu nngai: dai tingnyang ni hta dung nga ai ni gaw tara dara na ahkang lu ma ai: dai hta kaga, Yesu a lam sakse hkam ai majaw mung, Karai Kasang a mungga majaw mung htau sat kau hkrum ai ni hte, dai matse labye hpe mung, shi a hkrang sumla hpe mung n naw n ku ai hte, shi a masat dingsat hpe tinang a lahtan hte lata hta n hkam la ai ni a tsu ni hpe, ngai mu nngai: shanhte gaw hkrung nga let, shaning hkying mi tup Hkristu hte rau up nga ma ai:

SHINGRAN 22:4

shanhte gaw shi a myi man hpe ayu nga lu na mara ai rai nna, shanhte a lahtan ni hta shi a amying nsang kap na ra ai.

SHINGRAN 6:6

dusat amyu mali a ka-ang nna, Hkaulan mam bye mi na gumhpraw lap mi, muk-yaw mam bye masum na gumhpraw lap mi, ging nga ai; dai tsanlun sau hte tsabyi jahku hpe chyawm gaw, hkum jahten kau et, nga nna nsen tsun pru ai gaw, ngai na nngai.

SHINGRAN 7:1

Dai hpang lamu kasa mali gaw, lamu ga a njut mali hta tsap nga nna, ga ntsa e mung, nammukdara ntsa e mung, hpun magup a ntsa e mung, nbung n bung lu u ga, ga man mali maga de na nbung ni hpe manat shadang da nga ma ai gaw, ngai mu nngai.

SHINGRAN 7:2

Bai, jan pru maga de na pru lung wa nna, ahkrung nga ai Karai Kasang a dazik lang ai lamu kasa kaga hpe, ngai mu nngai. Shi gaw, Anhte a Karai Kasang a shangun ma ni hpe lahtan e dazik garai n shakap kap gaw, aga hpe mung, nammukdara hpe mung, hpun ni hpe mung hkum zingri myit,

SHINGRAN 9:4

Dai ni gaw, ga ntsa na tsingdu hpe mung, tsit lali ai baw magup hpe mung, hpun magup hpe mung, naw madat da nna, tinang a lahtan hta Karai Kasang a dazik n kap ai masha ni hpe sha zingri mu ga, shanhte hpe jep dat wu ai: