SHINGRAN 7:1 - Jinghpaw Hanson Version Bible

¹ Dai hpang lamu kasa mali gaw, lamu ga a njut mali hta tsap nga nna, ga ntsa e mung, nammukdara ntsa e mung, hpun magup a ntsa e mung, nbung n bung lu u ga, ga man mali maga de na nbung ni hpe manat shadang da nga ma ai gaw, ngai mu nngai.

Jinghpaw Common Language Bible 2009

¹ Dai hpang lamu kasa mali gaw, lamu ga jut mali hta tsap nga nna, ga ntsa e mung, panglai ntsa e mung, hpun magup a ntsa e mung, nbung n bung bun lu hkra, ga man mali maga de na nbung ni hpe manat shingdang da nga ai gaw, ngai mu nngai.

SHINGRAN 7:1 Iomraidhean Croise

ESAIA 11:12

Bai shi gaw, masha amyu ni a matu dawnghkawn sharawt nhtawm, shapraw kau hkrum ai Israela amyu masha ni hte, shabra kau hkrum ai Yuda masha ni hpe lamu ga man mali kaw na shaga jahpawng la na maru ai.

ESAIA 27:3

Ngai Yehowa gaw sun sin ai wa rai nngai; n sim n sa ntsin jaw we ai; kadai n jahten lu hkra, ngai shani shana sin na we ai.

ESAIA 27:8

N rai law, nang shanhte hpe shapraw kau yang, sharam ai myit hte nang ari jaw nna, sinpraw nbung bung ai shani e shanhte hpe ahpawt kau manu ai.

YEREMIA 49:36

Ngai gaw lamu ga man mali maga na nbung amyu mali hpe, Elam mung de woi wa nna, dai nbung mali a man e shanhte hpe ahpawt shabra kau na nngai: shing rai shabra kau dat ai Elam masha ni, n du ai mungdan langai mi muk n nga na sai.

EZEKELA 37:9

Shaloi shi gaw, “Myihtoi htoi u, masha kasha e, nbung hpe myihtoi htoi u; nbung hpe htawn tsun u, ‘Madu Yehowa ning nga ai: Nbung e, ga man mali de na pru nna, ndai si mang ni gaw hkrung wa lu hkra, shanhte a ntsa e ahpawt u,’ nga nna ngai hpe tsun ai.

Daniela 11:4

Dai wa n-gun an wa yang, shi a mungdan agrawp kau ai hkrum nna, sumsing lamu man mali ang hkra, karan la na mara ai; rai timung up ai ni gaw shi a aru arat, n rai, up ai ahkang aya mung shi zawn lu na n rai: kaning rai nme law, shi a mungdan gaw baw kau ai hkrum nna, hpyen du ni up lu ai mungdaw hta kaga, masha gale mung up lu na ra ai.

Daniela 7:2

Daniela gaw, “Shana aten e ngai shingran mu nna, yu u, sumsing lamu na nbung mali gaw, nammukdara kaba ntsa e bung ahpawt wa ai.

Daniela 8:8

Dai rai nna dai namla gaw shi hkum hpe grai shagrau shatsaw wu ai; shi n-gun an yang, dai nrung kaba daw mat lu ai: de a malai, sumsing lamu man mali maga de ang wa ai, nja rawng ai nrung mali tu pru wa ai.

YONA 1:4

Yehowa chyawm gaw, dai nammukdara hta nbung kaba shangun dat wu ai: dai sanghpaw li ganoi noi agrawp mat hkra, nammukdara hta laru kaba ru wa ai. Shing rai li ma ni gaw, hkrit nga ma ai rai nna, langai hte langai tinang a hpara hpe hpyi jahtau nga ma ai:

ZEHKARIA 6:1

Bai ngai mada yu yang, yu u, bum lahkawng a lapran na, leng mali dan pru nga ai; dai bum yan gaw, magri bum rai nga ai.

ZEHKARIA 6:5

Lamu kasa gaw, “Dai leng ni gaw, ginding aga ting a Madu a man e tsap nga ai kaw na, pru wa ai, sumsing lamu na nbung mali rai nga ma ai.

MAHTE 24:31

Shi a lamu kasa ni hpe, pahtau kaba hte shi shangun dat nna, shanhte gaw nbung mali maga na, lamu htum ai de nna lamu htum ai du hkra, shi a lata la sai ni hpe jahpawng la na maru ai.

MARKU 13:27

Dai shaloi e, lamu kasa ni hpe shi shangun dat nna, nbung mali maga na, aga htum ai de nna lamu htum ai kaw du hkra, shi a lata la ai ni hpe jahpawng la na maru ai.

SHINGRAN 20:8

lamu ga njut mali na Goga hte Magoga ngu ai masha amyu baw ni hpe hkalem la nna, majan gasat na matu jahpawng la na, pru sa wa na ra ai; shanhte a nambat gaw nammukdara zaibru daram law nga ai.

SHINGRAN 6:6

dusat amyu mali a ka-ang nna, Hkaulan mam bye mi na gumhpraw lap mi, muk-yaw mam bye masum na gumhpraw lap mi, ging nga ai; dai tsanlun sau hte tsabyi jahku hpe chyawm gaw, hkum jahten kau et, nga nna nsen tsun pru ai gaw, ngai na nngai.

SHINGRAN 7:3

nga nna lamu ga hte nammukdara hpe zingri na ahkang lu ai lamu kasa mali hpe, nsen kaba hte jahtau wu ai.

SHINGRAN 8:7

Ya, shawng na wa pahtau dum dat wu ai: shaloi asai kayau ai sin hte awan htu wa ai; dai hpe ga ntsa de jahkrat dat yang, dinghta ga daw masum hta na daw mi hkru mat wa ai; nam maling hpun ni mung htam masum hta na htammi hkru mat wa ai; tsit lali ai tsingdu yawng gaw hkru mat wa ai.

SHINGRAN 9:14

Uhprat hka nu kaba makau e sharen da ai lamu kasa mali hpe raw dat u, nga nna pahtau lang ai kru ngu na lamu kasa hpe tsun ai gaw, ngai na nngai.

SHINGRAN 9:4

Dai ni gaw, ga ntsa na tsingdu hpe mung, tsit lali ai baw magup hpe mung, hpun magup hpe mung, naw madat da nna, tinang a lahtan hta Karai Kasang a dazik n kap ai masha ni hpe sha zingri mu ga, shanhte hpe jep dat wu ai: