SHINGRAN 5:2 - Jinghpaw Hanson Version Bible

² Shaloi n-gun ja ai lamu kasa gaw, Dai laika hpaw na hte de a dazik hpe gaw kau na, kadai ging dan nga a ta? nga nna nsen kaba hte jahtau tsun ai, ngai mu nngai.

Jinghpaw Common Language Bible 2009

² Dai hpang n-gun ja ai lamu kasa langai mi gaw, “Dai dazik ni hpe gaw kau na hte dai laika shabawn hpaw na kadai ging dan nga a ta?,” nga nna nsen kaba hte jahtau tsun ai hpe ngai mu nngai.

SHINGRAN 5:2 Iomraidhean Croise

YOBA 41:15

Ngang ngang la da nna, dazik hte tawk da ai zawn, shi a hkum sep n-gang ni, shi a gumrawng shara rai nga ai.

SHAKAWN KUNGDAWN 103:20

N-gun ja nna, shi a mungga nsen madat let, Shi a mungga hpe shadik ya ai lamu kasa ni e, Yehowa hpe sha-a mu.

SHINGRAN 10:1

Bai, sumwi lawai nna, sumsing lamu de na yu hkrat wa ai n-gun ja ai lamu kasa kaga hpe ngai mu nngai; shi a baw hta n-goilatum jung nga ai, shi a myi man gaw jan zawn htoi tu nga ai, shi a lagaw yan wan shadaw zawn rai nga ai:

SHINGRAN 18:21

Dai hpang n-gun ja ai lamu kasa langai mi htumrin lung kaba nsan ai nlung kawaw la nna, nammukdara kata de kabai bang kau dat let, “Ndai hkrat shang wa ai zawn, galu kaba ai Babelon mare mung kabai bang kau ai hkrum na ra ai! htawm hpang galoi mung shi hpe bai mu lu na n rai.

SHINGRAN 5:1

Bai, tingnyang hta dung nga ai wa a hkra lata hta, kata e mung ntsa e mung ka da nna, dazik sanit hte shakap da sai laika shabawn hpe ngai mu nngai.

SHINGRAN 5:5

Dai rai nna, salang ni hta na langai mi gaw, Hkum hkrap et; yu u, Yuda amyu hta na hkanghkyi ngu ai Dawi a aru madung gaw, dai laika hte de a dazik sanit hpe hpaw lu hkra dang kau nu ai, nga nna ngai hpe tsun dan nngai.