SHINGRAN 5:1 - Jinghpaw Hanson Version Bible

¹ Bai, tingnyang hta dung nga ai wa a hkra lata hta, kata e mung ntsa e mung ka da nna, dazik sanit hte shakap da sai laika shabawn hpe ngai mu nngai.

Jinghpaw Common Language Bible 2009

¹ Bai, tingnyang hta dung nga ai wa a hkra lata hta, laika man kata e mung, ntsa e mung laika ni ka da nna dazik sanit hte dawk shakap tawn da ai laika shabawn langai mi hpe ngai mu nngai.

SHINGRAN 5:1 Iomraidhean Croise

ESAIA 29:11

Shingran yawng nanhte a man e dazik kap ai laika hte bung nga ai: laika chye hti ai wa hpe,” Ataw, dai hti yu u,” ngu yang, shi gaw, “Dazik kap ai majaw n hti lu nngai,” nga ai;

ESAIA 34:16

Yehowa a Chyum Laika hta sawk hti yu mu; dai dusat langai mi n pru ai, nga na n rai, manang n lu ai, langai mi nga na n rai; kaning rai nme law, Yehowa a n-gup dai hpe hkang da nna, shi a Wenyi dai ni hpe shinggyin la nga ai.

ESAIA 8:16

Nye a sape ni kaw, ndai sakse ga hpe kyem da u, ndai tara hpe dazik shakap da u.

Daniela 8:26

Dai hta kaga, shana hte jahpawt a lam, madun dan ai shingran ga teng nga ai: rai timung, dai shingran ga hpe naw ip da u; kaning rai nme law, de a lachyum gaw naw na ai nhtoi hte seng nga ai,” nga nna ngai hpe tsun ai.

ZEHKARIA 5:1

Bai ngai mada yu nna, yu u, pyen yawn nga ai laika katsu hpe, ngai mu nngai.

SHINGRAN 10:2

shi a lata hta hpaw nga ai laika shabawn kaji lang da wu ai; shi a hkra lagaw hpe nammukdara ntsa e, pai lagaw hpe hkarang ntsa e kabye da nna,

SHINGRAN 4:3

Dung nga ai wa a ahpraw asam gaw, nagahtoi hte patemya lungseng zawn san nga ai rai nna, dai tingnyang grup yin e gaw, mya lungseng nsan ai n-goilatum jung nga ai.

SHINGRAN 4:9

Dai dusat amyu mali gaw, tingnyang hta dung ai htani htana prat dingsa ahkrung nga ai wa kaw, hpung shingkang, arawng sadang hte chyeju jaw ma ai shaloi e,

SHINGRAN 5:13

Dai hta n-ga, lamu lahta tang na mung, ginding aga ntsa na mung, aga lawu tsang na mung, nammukdara kata na mung, de a shara magup hkan e rawng nga ma ai hpan tawn da ai arai yawng mayawng hte gaw, Tingnyang hta dung nga ai wa hte, dai Sagu Kasha gaw, htani htana prat dingsa, shakawn kungdawn ai, arawng sadang, hpung shingkang hte daru magam, anga nga u ga law, nga nna shanhte tsun ma ai mung, ngai na nngai.

SHINGRAN 5:7

Shaloi dai Sagu Kasha sa nna tingnyang hta dung nga ai wa a hkra lata na dai laika hpe la wu ai.

SHINGRAN 6:1

Dai Sagu Kasha gaw, dazik sanit hta na langai mi hpaw dai ai shaloi, ngai hkan yu yang, dusat amyu mali hta na langai mi, mu ngoi ai nsen zawn nga ai hte, Sa rit, nga nna tsun ai gaw, ngai na nngai.

SHINGRAN 6:16

bum ni hte lunghkrung ni hpe shaga nna, Anhte a ntsa e hkrat bun mi; tingnyang hta dung ai wa a myit man hte, Sagu Kasha a pawt bu ai hta na anhte hpe magap maga la mi;

SHINGRAN 8:1

Bai, sanit ngu na dazik hpe hpaw dat wu yang, sumsing lamu e ahkying chyen mi daram, atsin sha rai nga ai.