SHINGRAN 4:1 - Jinghpaw Hanson Version Bible

¹ Dai hte byin ngut jang ngai mu nngai, gaw, yu u, sumsing lamu e chyinghka hpaw malang nga ai rai nna, ngai na hkrup ai shawng na nsen gaw, hpahtau zawn ngoi nga ai hte, Nang de lung rit, htawm hpang e byin na ra ai lam hte hpe ngai nang hpe madun dan de ga, nga nna ngai hte ga tsun nga ai.

Jinghpaw Common Language Bible 2009

¹ Dai hpang, kaga shingran langai mi hta sumsing lamu e hpaw malang nga ai chyinghka langai mi ngai mu nngai. Ngai na hkrup ai ngai hpe tsun nga ai shawng na nsen gaw, pahtau zawn ngoi nga ai hte, “Nang de lung wa rit, htawm hpang e byin na ra ai lam hte hpe ngai nang hpe madun dan de ga,” nga nna tsun ai.

SHINGRAN 4:1 Iomraidhean Croise

PRU MAT 1:1

Da ndai gaw Egutu mung de du sa ai Israela a shadang sha ni a amying rai nga malu ai; tinang a ndum nta hte htep, kawa Yaku hte rau du sa ai ni yawng gaw,

PRU MAT 19:24

Bai Yehowa gaw, “Nang yu wa sit; nang hte Arun lung lu na rai ni gaw Yehowa kaw lung na nga, n tawt n shang mu ga; tawt shan yang shi shanhte hpe ari jaw na wu ai,” ngu nna shi hpe tsun dat wu ai.

PRU MAT 24:12

Bai Yehowa gaw Mawshe hpe, “Ngai nga ai bum de lung nna wa nga rit; masha ni hpe, nang sharin achyin ya lu na matu, lungpa hta ngai ka da ai nye a matsun hte hkang ai tara, ngai nang hpe jaw de ga,” ngu wu ai.

GA SHAGAWP 25:7

Kaning rai nme law, nang mu mada lu ai du wa man e shagrit kau hkrum ai hta, “Nang de lung rit,” nga ai ga hpe grau na mai nga ai.

EZEKELA 1:1

Ya sumshi ning ngu na hta, shata mali a manga ya shani e, Hkebara hka kau e bawng dung ai ni hte rau ngai nga nga yang, sumsing lamu hpaw malang wa nna, Karai Kasang a shingran hpe ngai mu nngai.

MAHTE 3:16

Ya Yesu gaw baptisma hkam la ngut jang, dai hka hta na byawn hprang rai lung wa nna, yu u, lamu gaw hpaw malang wa nhtawm, Karai Kasang a Wenyi gaw, hkrudu zawn yu hkrat wa nna, shi a ntsa e dung nga ai hpe shi mu lu ai:

MARKU 1:10

Shaloi jang, dai hka hta na shi pru lung wa yang sumsing lamu gaw ga malang wa ai hte, dai Wenyi gaw hkrudu zawn, shi a ntsa e yu wa ai hpe, shi mu wu ai rai nna,

LUKA 3:21

Masha nlang baptisma hkam la ma ai shaloi, Yesu mung baptisma hkam nhtawm, akyu hpyi nga yang, lamu hpaw wa nna,

YAWHAN 16:13

Rai timung, dai tengman ai Wenyi du sa jang, shi gaw tengman ai lam yawng mayawng nanhte hpe madun na ra ai: dai wa gaw shi a myit hte tsun na ra ai n rai; na la lu ai hte made tsun dan na ra ai: htawm hpang de byin na ra ai lam mung, shi nanhte hpe tsun dan na ra ai.

KASA 10:11

sumsing lamu hpaw wa ai hte, hpajawng kaba zawn, jut mali de jum nna, ga de shayu dat ai arai hpe mu wu ai:

KASA 7:56

“Yu u, sumsing lamu hpaw malang nga ai hte, Karai Kasang a hkra maga de Masha Kasha tsap nga ai gaw, ngai mu se ai,” nga ai.

SHINGRAN 1:10

Dai Madu a nhtoi hta e Wenyi hta ngai nawng mat wa ai rai nna, Nang mu ai hte maren laika hta ka la nhtawm, Ehpesu, Samurna, Pergamu, Htuatira, Sardi, Hpiladehpi hte Ladoki mare ni hta nga ai,

SHINGRAN 1:12

Dai ngai hpe shaga ai nsen hpe mu lu hkra ngai kayin yu nngai.

SHINGRAN 1:19

Dai re ai majaw, nang mu lu sai hpe mung, ya nga nga ai hpe mung, htawm hpang e du na ra ai lam hte hpe mung, ka da u:

SHINGRAN 11:12

Bai shan gaw, “Nang de lung wa marit,” nga nna lamu de na shan hpe shaga ai nsen kaba na mu ai; dai re ai majaw shan gaw sumsing lamu de sumwi hte lung wa ma ai rai nna, shan a hpyen ni shan hpe hkan mu dat ma ai.

SHINGRAN 11:19

Shaloi sumsing lamu hta e Karai Kasang a nawku Htingnu hpaw malang nna, shi a Htingnu kata e, shi a ga shaka hte seng ai sumpu dan pru nga ai; shaloi jang, myihprap kala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 16:17

Bai, sanit ngu na wa shi a gawm nbung hta ru gat dat wu ai: shaloi, “Ngut mat sai,” nga nna nawku Htingnu kata tingnyang kaw na nsen kaba pru wa ai:

SHINGRAN 19:11

Bai, sumsing lamu hpaw malang nga ai hpe, ngai mu nngai, shaloi, yu mu, gumra ahpraw dan pru nna dai hta jawn ai wa gaw, Kangka hte Tengman ngu ai wa rai nga ai; shi gaw dinghpring ai hku tara dara ai hte majan gasat nga ai.

SHINGRAN 22:6

Bai shi gaw, “Ndai ga gaw kangka re ai ga, tengman ai ga rai nga ai: myihtoi ni a wenyi ni hpe up ai Madu Karai Kasang gaw, ahkying ladaw gade n na yang byin wa na ra ai lam ni hpe, shi a shangun ma ni kaw madun dan na matu, shi a lamu Kasa shangun dat nu ai.”