SHINGRAN 3:4 - Jinghpaw Hanson Version Bible

⁴ Rai timung, tinang a hpun palawng hpe awu asin n shakap ai amying nkau mi, Sardi hpung hta lawm nga lit dai: shanhte gaw ging dan nga ma ai majaw, hpraw ai bu hpun let, ngai hte rau hkawm sa lu na mara ai.

Jinghpaw Common Language Bible 2009

⁴ Rai ti mung Sardi hpung hta tinang a hpun palawng ni hpe awu asin n shakap ai ni nkau mi lawm nga lit dai. Shanhte gaw ging dan ai ni rai nga ma ai majaw, hpraw ai bu hpun let, ngai hte rau hkawm sa lu na mara ai.

SHINGRAN 3:4 Iomraidhean Croise

1 HKAWHKAM 19:18

Rai timung, Bala man e lahput n hput di nna, shi hpe n pup yu ai, Israela masha hkying sanit hte hpe ngai naw jahti da na nme ai,” ngu wu ai.

ESHTA 8:15

Ya Mordehkai gaw amut, ahpraw nsan ai, hkawhkam hpun palawng bu hpun nna, ja janmau kaba gup ai hte mani ai lachyit nba ahpraw hte hkyeng sawm ai nba lawai let, hkawhkam wa kaw na pru wa nna, Shushan mare masha ni gaw, kabu gara ai hte jahtau garu nga ma ai.

SHAKAWN KUNGDAWN 68:14

Chyahtum chyalai n-gun rawng ai Karai Kasang gaw, dai mung hta e hkawhkam ni hpe shabra kau mu ai shaloi, Zalmon hta e hkyen hkrat ai zawn, rai nga ai.

HPAJI NINGLI 9:8

Na a hpun palawng tutnawng hpraw nga u ga; na a baw sau n kadawn nga u ga.

ESAIA 1:9

Zaw nawng zaw wa up ai Yehowa, anhte hta madat dingsat kaji n ngam da taw gaw, anhte nan Sodom mare zawn rai nna, Gomora mare hte bung na ga ai.

ESAIA 52:1

Ziun e, hprang u, hprang u, na a n-gun atsam dagraw u; chyoi pra ai mare Yerusalem e, na a tsawm htap ai hpun palawng hpe mawn sumli u: kaning rai nme law, ya kaw nna matu n gadoi ai hte n san n seng ai wa kadai mung, nang kaw shang lu na n rai.

ESAIA 59:6

Shanhte da ai tsip hpun palawng n tai lu ai hte, shanhte galaw ai bungli gaw tinang hkum hpe jahpun lu ai n rai; shanhte bungli n hkru ai bungli rai nga nna, shanhte a lata hta kashun kashe hkrai rai nga ai.

ESAIA 61:10

Ngai gaw Yehowa hta aja awa kabu gara nga nna, nye a myit masin gaw, nye a Karai Kasang hta sharawng awng na ra ai; kaning rai nme law, la ningnan gaw nampan shanghkawng gup ai zawn mung, num ningnan gaw shi a lungseng ni hte shi a hkum hpe mawn sumli ai zawn mung, shi ngai hpe hkye hkrang la ai hpun palawng jahpun ya nna, dinghpring ai nba lawai ya ni ai.

ESAIA 61:3

Ziun mare hta sharung shayawt ai ni hpe, wan dap a malai nampan shanghkawng, sharung shayawt ai a malai kabu gara ai namman, myit kaji ai a malai kabu gara ai hpun palawng jaw na matu mung, shi ngai hpe shangun dat nngai; shing rai, Yehowa gaw arawng sadang lu la na matu, shanhte gaw, shi hkai da ai dinghpring ai hpun ni ngu ai mying, mying na mara ai.

ESAIA 64:6

Anhte yawng n san n seng ai wa zawn tai saga ai; anhte a dinghpring ai lam yawng, agang chyalang re ai hpun nba hte bung nga ai; anhte yawng namlap zawn nyip mat nna, anhte a shut hpyit ai gaw, nbung zawn, anhte hpe ahpawt kau mani ai.

JAW JAU 13:48

ri madung hta rai timung, ri majan hta rai timung, shanhpyi hta rai timung, shanhpyi hte galaw ai rai hpa baw hta rai timung, dai ni hta kap ai ana dai,

MAHTE 10:11

Gara mare, gara kahtawng hta e rai timung, nanhte shang myit yang, dai yang na ging dan nga ai wa hpe tam la mu: nanhte pru wa ai du hkra, dai shara hta e anga nga mu.

MARKU 16:5

Dai lup kata de shang yang, hpraw tu ai nba lawai ai hte, hkra maga e dung nga ai shabrang langai mi hpe, shanhte mu ma ai rai nna, mak mat ma ai.

LUKA 20:35

wora katsan prat hte si ai kaw na bai hkrung rawt wa ai de du ging ai ni chyawm gaw, htinggaw rawn ai hte num la num ya ngu ai n nga ma ai:

LUKA 21:36

Dai rai nna, dai byin wa na ra ai lam ni yawng hta na nanhte lawt lu nna, Masha Kasha a man e tsap lu ging ai ni tai lu myit ga, akyu hpyi let, ahkying aten shagu hta a maja nga mu,” ngu mu ai.

KASA 1:15

Dai nhtoi hte yang, masha latsa e hkun daram rai hpawng nga ai kahpu kanau ni a ka-ang e Petru rawt tsap nna,

2 HTESALONI 1:5

Karai Kasang mungdan a matu mara nanhte nni nkri hkrum myit dai majaw, dai mungdan hta nanhte ging dan nga myit ga, dai lam gaw Karai Kasang a dingman ai jeyang ai lam a kumla tai nga ai.

YUDA 1:23

kaga nkau mi hpe wan hta na kare la mu ai zawn, hkye hkrang la mu; bai kaga nkau mi hpe, hkrit kang ai hte matsan dum nga mu; rai timung dai hkum shan hta na matsat shabat kap ai palawng hpe pyi, n dawng n yawt rai nga mu.

SHINGRAN 1:11

Hpung sanit hpang de shagun dat u, nga nna nye a shingdu de hpahtau zawn ngoi ai nsen kaba ngai na nngai.

SHINGRAN 11:13

Dai ahkying hta e nnang nawn kaba anawn wa nna, dai mare daw shi hta daw mi ru hkrat mat wa ai; dai nnang nawn hta si lawm mat ai masha ni a amying hkying sanit rai nga ai: naw ngam nga ai ni chyawm gaw hkrit kamyin nga ma ai rai nna, sumsing lamu a Karai Kasang hpe shagrau shakawn nga ma ai.

SHINGRAN 14:4

Dai ni gaw numsha hte awu asin n rai yu ai ni rai nga ma ai; shanhte gaw hkawn jet zawn rai nga ma ai; shanhte gaw Sagu Kasha sa wa ai shara shagu de hkan nang ai ni rai nga ma ai; dai ni gaw, Karai Kasang a matu mung, Sagu Kasha a matu mung, shawng si ai asi tai mu ga nga, shinggyim masha ni hta na mari la ai ni rai nga ma ai:

SHINGRAN 19:14

Sumsing lamu na luksuk ni mung, gumra ahpraw jawn nna san seng hpraw tu ai lachyit nba bu hpun let, shi hpang e hkan nang ma ai.

SHINGRAN 19:8

hpraw tu ai hte san seng ai lachyit nba hte tinang hkum hpe mawm sumli na ahkang shi lu la nu ai: shing re ai lachyit nba gaw chyoi pra ai ni a dinghpring ai a amu bungli rai nga ai law,” nga nna tsun ai gaw ngai na nngai.

SHINGRAN 3:18

Dai re ai majaw, nang sut su u ga, wan mang hta jen kau sai ja jet hpe mung, na a singgu krin re ai kaya hpa masha man e n dawng lit ga, nang lawai na matu hpraw ai hpun palawng mung, na a myi mu lu lit ga, chya na matu myi tsi mung, ngai kaw na mari la lu na, ngai nang hpe hpaji daw ya de ai.

SHINGRAN 3:5

Dang lu ai wa gaw, ning re ai hpun palawng ahpraw bu hpun lu na ra ai; shi a amying hpe dai asak laika hta na ngai gaja wa shaprai kau ya na n rai; dai wa a amying hpe nye Wa a man e mung, shi a lamu kasa ni a man e mung, ngai shadan ya na we ai.

SHINGRAN 4:4

Dai tingnyang grup yin e tingnyang hkun mali naw nga nga ai; dai tingnyang ni hta hpraw ai hpun palawng bu hpun nna, baw hta ja janmau gup ai salang hkun mali grup rai dung nga ma ai.

SHINGRAN 6:11

Dai ni langai hte langai hpe hpraw ai hpun palawng galu jahpun nna, shanhte zawn sat kau hkrum na mara ai, tinang ni a kanawn manang ni hte kahpu kanau ni hkum tsup wa lu ai nhtoi du hkra, chyahkring mi naw sim sa nga lu na rai myit dai, nga nna shanhte hpe tsun dan mu ai.

SHINGRAN 7:9

Dai hpang, yu u, masha mungdan shagu hta na mung, baw lakung shagu hta na mung, amyu baw shagu hta na mung, kadai ndang hti lu ai wunawng wuwa kaba ngai mu nngai; dai ni gaw hpraw ai hpan palawng bu hpun nna, tinang a lata hta namhtan hpun lakung lang let, dai tingnyang a man e mung, Sagu Kasha a man e mung tsap nga nna,