SHINGRAN 3:2 - Jinghpaw Hanson Version Bible

² A maja nga u, naw ngam nga ai si magang wa nga ai hte hpe shadaw shangang ya u: kaning rai nme law, nye a Karai Kasang a man e na a amu bungli hkum tsup nga ai hpe, ngai n mu ya de ai.

Jinghpaw Common Language Bible 2009

² Dai rai nna su hprang maja nga u, nang hta naw ngam nga nna si magang wa nga ai hte hpe n-gun shajat ya u: hpa majaw nga yang, nang galaw sai amu nye a Karai Kasang a man e garai n hkum tsup nga lit dai hpe ngai mu ya de ai.

SHINGRAN 3:2 Iomraidhean Croise

1 HKAWHKAM 11:4

Kaning rai nme law, Shawlumon asak kaba ai shaloi, shi a num ni gaw shi a myit masin hpe Hpara tsasam ni a hpang de woi shadam kau ya mu ai: shi a kawa Dawi a myit masin gaw, shi Karai Kasang Yehowa man e dinghpring nga ai hte maren, shi a myit masin dinghpring nga ai n rai.

1 HKAWHKAM 15:3

Abiyam gaw shi kawa galaw ai shut hpyit ai lam mahkra hpe hkan galaw nna, shi a kaji Dawi a myit masin Yehowa hta hkum tsup nga ai hte maren, shi a myit masin gaw hkum tsup nga lu ai n rai.

2 HKAWHKAM LABAU 25:2

Shi gaw Yehowa man e dingman ai amu galaw timung, hkum tsup ai myit hte n rai.

YOBA 16:5

Nye a n-gup nanhte hpe shadaw shangang lu nna, nye a ga ngwi nanhte hpe shapyaw lu na ra ai.

ESAIA 35:3

N-gun kya ai lata hpe n-gun shaja mu; gari ai lahput ni hpe shangang mu:

ESAIA 56:10

Shi a sin langa ni gaw, myi kyaw nga ma ai: shanhte yawng du ladi rai nga ma ai: shanhte nlang ma-a nna, n wau lu ai gwi rai nga ma ai: yup mang mu let hpum yup nga na, grau ra nga ma ai.

ESAIA 57:12

Na a dinghpring ai lam ngai shapraw dan na nngai: nang galaw sai amu gaw, hpa akyu shabyin lu ai n rai.

EZEKELA 34:16

dam mat ai sagu hpe hkan tam na nngai; masha ni gau mat wa ai sagu hpe, hkan mawai la na nngai: nra daw ai sagu hpe ahkyen kayawp na nngai: gawng kya ai sagu hpe n-gun shaja na nngai; sau hpum ai ni hte n-gun ja ai ni hpe chyawm gaw ngai jahten na nngai: tara hte maren ngai shanhte hpe bau na nngai,” nga nna Madu Yehowa tsun ai.

Daniela 5:27

Tekela ngu ai gaw, nang hpe joi hta shen yu yang, nang yawm nit dai;

ZEHKARIA 11:16

kaning rai nme law, yu u, ndai mungdan hta sagu rem wa langai mi hpe ngai paw pru shangun na nngai: Dai wa gaw lam yit ai ni hpe n yu, bra mat ai ni hpe n tam, machyi ai ni hpe n shamai, hkam kaja ai ni hpe ushat n jaw ai sha, hpum sau ai ni hpe shi sha kau nna, de a lahkru ni hpe malaw kau na ra ai.

MAHTE 23:5

Shanhte galaw ai amu bungli mahkra hpe, masha ni mu lu mu ga, galaw ma ai: tinang a lakhpoi ni hpe shanhte kaba wa di mu ai hte, tinang a banbyau ni hpe mung myin jahkram mu ai rai nna,

MAHTE 25:13

Dai rai na, dai shani rai timung, dai ahkying rai timung, nanhte n chye myit dai majaw, a maja nga mu.

MAHTE 25:7

Shaloi jang dai mahkawn ni nlang rawt nna, tinang a pyengdin hpe lajang ma ai.

KASA 18:23

Dai kaw tawng mi nga nhtawm, shi bai pru nna, Galati mung hte Hprugi mung ga sa wa let, sape ni nlang hpe shadaw shangang nga ai.

TARA JAHPRANG 3:28

Yawshu hpe mahtang hkang da nna, shi hpe shaja da u, shadaw shangang tawn u: shi gaw ndai amyu a man e hkawm sa nna, nang mu da na rin dai mungdan hta Sali wunli woi dagraw lu na ra ai,’ nga nna ngai hpe hkang da nngai.

1 PETRU 4:7

Arai yawng mayawng htum mat na aten ni magang wa ra ai. Dai re ai majaw, nanhte myit su rai nga nna, akyu hpyi na matu htauli htaula rai nga mu.

1 PETRU 5:8

Nanhte htauli htaula rai nga mu; a maja nga mu; nanhte a gumlau wa ngu ai, Nat gaw, kadai wa hpe mahtang mayu kau lu na, nga nna shabam ai hkanghkyi zawn, ningwan kahkrang hkawm nga ai.

SHINGRAN 16:15

Yu mu, lagu lagut zawn ngai du ring ngai. Masha a man e singgu krin n hkawm na hte, tinang a kaya hpa n dawng lu ga, a maja nga let tinang a labu palawng sin nga ai wa gaw, a lu ai.

SHINGRAN 2:4

Rai timung, shawng na tsawra ai lam hpe nang kau da ndai majaw nang hta mara shagun shara ngai mu nngai.

SHINGRAN 3:1

Bai, Sardi mare na Hpung a kasa hpe ning nga ka dat u: Karai Kasang a wenyi sanit hte shagan sanit hpe lang ai wa gaw, ning nga nga ai: Na a arawn alai ngai chye nga nngai; nang gaw asak hkrung ai wa ngu timung, nang chyasi rai nga ndai.

SHINGRAN 3:3

Dai re ai majaw, nang kaning rai hkam la lu ai hte, na la lu ai lam hpe bai dum u; dai hta hkan nang nga nna, myit malai lu u. Nang n maja nga taw gaw, lagu lagut zawn ngai du na ring ngai; gara aten e ngai nang kaw du sa na ring ngai mung, nang n chye na ndai.