SHINGRAN 2:9 - Jinghpaw Hanson Version Bible

⁹ Nang hkrum ai zingri zingrat hte matsan mayan hpe ngai chye nga nngai; rai timung, nang sut su nga ndai: Yuda masha ngu ai, rai timung, Yuda masha n teng ai sha, Satan a nawku jawng ngu ai ni a shatan nhkan ai hpe, ngai chye nga nngai.

Jinghpaw Common Language Bible 2009

⁹ Nang hkrum ai zingri zingrat hte matsan mayan hpe ngai chye nga nngai; rai ti mung kaja wa nang sut su nga ndai! Yuda masha rai ga ai nga nhtawm me, Yuda masha n teng ai masha ni nang hpe sari hpoi shangun ai n hkru n kaja ai shatan nhkan ga ni tsun nga ma ai hpe ngai chye nga nngai. Kaja wa nga yang shanhte gaw Satan a hpung masha ni rai nga ma ai.

SHINGRAN 2:9 Iomraidhean Croise

MAHTE 4:10

Dai rai nna Yesu gaw, “Satan e, pru mat wa u; dai Madu, na a Karai Kasang hpe nang nawku lu na rai nna, shi hpe hkrai daw lu na re ai,” nga nna she ka da nga ai shi hpe ngu wu ai.

LUKA 12:21

Tinang a matu sutgan mahkawng da nhtawm, Karai Kasang hta n lu n su ai wa gaw, shing re ai wa rai nga ai, ngu nna shanhte hpe tsun mu ai.

LUKA 22:65

Shanhte lam kaga law law hte mung, shi hpe shatan nhkan nga let tsun ma ai.

LUKA 4:18

“Madu a Wenyi nye a ntsa e nga nga ai: Matsan mayan ni hpe kabu gara shiga hkaw tsun na matu, shi ngai hpe namman chya ni ai: Bawng dung ai ni hpe shalawt lu na lam, Myi kyaw ai ni hpe myi bai mu na lam, hkaw tsun na matu mung, Zingri zingrat hkrum ai ni hpe dat dat shangun na hte,

LUKA 6:20

Shaloi shi a sape ni hpe shi mada yu nna tsun mu ai gaw: “Nanhte matsan mayan ni a lu myit dai: kaning rai nme law, Karai Kasang a mungdan gaw, nanhte a mungdan rai nga malit dai.

YAWHAN 16:33

Nanhte ngai hta ngwipyaw ai lu la myit ga, ngu nna, ndai ga ngai nanhte hpe tsun ni ai: nanhte gaw mungkan ga e nni nkri hkrum sha myit dai: rai timung, dakring dakan rai nga mu; ngai gaw mungkan ga hpe dang kau da ni ai, ngu mu ai.

KASA 14:22

sape ni a myit shangang ya let, dai makam masham lam hta agrin nga na matu shadum jahprang ai hte, “Karai Kasang a mungdan de ru tsang ai law law hte shang wa na rai ga ai,” ngu nna sharin da mu ai.

KASA 26:11

Tara jawng magup hta mung shanhte hpe law law lang ari jahkrum let, Yesu hpe shatan shangun lu hkra shaja se ai: shanhte hpe nachying pawt ai n-yun, bu nna, masha ga hkan na kahtawng mare du hkra pyi, hkan zingri mase ai.

ROMA 12:12

myit mada let kabu gara nga mu; nni nkri hkrum yang, myit hkum kaji nga mu; akyu hpyi ai hta htep lahti tut rai nga mu;

ROMA 2:17

Nang mahtang Yuda masha mying ai wa rai nga nna, dai jep ai tara hpe machyu nga ai hte, Karai Kasang a marang e gumrawng nga nna,

ROMA 5:3

Dai hta n-ga, tsin-yam tsindam hta e mung anhte kabu gumrawng ga ai; tsin-yam tsindam mahtang gaw shakut sharang ai,

ROMA 8:35

Hkristu a tsawra ai hta na anhte hpe kadai wa mi jahka kau lu na a ta?

ROMA 9:6

Rai timung, Karai Kasang a mungga gaw kaman be be zawn tai wa sai n rai. Kaning rai nme law, Israela amyu yawng hte wa, Israela masha majing n rai ma ai:

2 KORINHTU 6:10

adup achyin hkrum ai ni zawn rai timung, n si n mat ai ni; yawn hkyen hkrum ai ni zawn rai timung, tutnawng e a kabu nga ai ni; matsan mayan re ai ni zawn rai timung, masha law law hpe shalu jasu chye ai ni; hpa n lu ai ni zawn rai timung, yawng mayawng hpe madu nga ai ni rai nga ga ai rai nna, Karai Kasang a bungli daw ai sara ni rai nga ga ai gaw, lam shagu hta anhte hkum marai dan nga ga ai.

2 KORINHTU 8:2

tsin-yam tsindam law law hta dinglik hkrum rai timung, shanhte a ladu lai ai kabu gara ai myit hte, shanhte a sung la ai matsan mayan ai hta, sutgan n daw n hta shapraw hkra law htam wa masalu ai.

2 KORINHTU 8:9

kaning rai nme law, anhte a Madu Yesu Hkristu gaw sut su nga ai rai timung, nanhte a matu mara matsan mayan hkrum nna, shi a matsan mayan ai hta nanhte sut su lu na rai nga ai chyeju hpe, nanhte chye nga myit dai.

1 HTESALONI 3:4

Kaning rai nme law, nanhte hte rau naw nga ai shaloi e, anhte tsin-yam tsindam hkrum na ga ai hpe, anhte nanhte hpe tsun dan magang ga ai rai nna, nanhte chye nga myit dai hte maren, shing rai mung byin wa sai.

1 TIMOHTI 1:13

Ngai chyawm gaw, shawng e shatan nhkan ai, zingri zingrat ai hte sheng mareng re ai wa rai nga nngai rai timung, n chye n chyang ai hte kamsham ai myit n rawng ai sha dai hpe galaw nngai majaw, matsan dum la ai ngai hkrum nngai:

1 TIMOHTI 6:18

shanhte mai kaja ai galaw nga na, mai kaja ai bungli hta sut su let, karan kachyan jaw ai hte, jaw jahproi ai myit rawng nga nna,

SHINGRAN 1:9

Yesu a nni nkri hta mung, mungdan hta mung, hkam sharang ai hta mung nanhte a kanawn manang rai nga ai, nanhte a hpunau wa, ngai Yawhan gaw, Karai Kasang a mungga hte Yesu a sakse majaw, Patmu ngu ai zunlawng hta nga nga nngai.

SHINGRAN 2:13

Nang de nga ai shara ngai chye nga nngai; Satan a tingnyang dung nga ai shara e nang de nga ndai. Nye a mying nsang hpe nang manoi nga ndai rai nna, Satan de nga ai shara e ngu ai, nanhte a ka-ang e, nye a kangka re ai sakse wa Antipa sat kau hkrum ai nhtoi hte hta pyi, nye a makam masham lam hpe nang n nyet kau ndai.

SHINGRAN 2:2

Na a arawn alai, na a amu bungli hte na a hkam sharang ai hpe mung, n hkru n hkra re ai masha hpe nang n hkam lu ndai mung, kasa n re ai kasa hpyi hpun ai ni hpe nang san dinglik yu nna, shanhte a masu ai hpe shadan kau ya lu ndai mung, ngai chye nga nngai.

SHINGRAN 2:24

Dai hta kaga, masha ni shamying dam ai, Satan a sung htum ai lam hpe n chye n chyap ma ai hte, dai sharin shaga ai lam hpe n hkan nang ai, Htuatira mare hta naw ngam nga ai ni nanhte hpe ngai tsun made ai gaw, Ngai nanhte hta lit kaga naw n shajat na ni ai:

SHINGRAN 3:9

Yu u, Yuda masha ngu ai, rai timung n teng ai sha, masu nga ma ai, Satan a nawku jawng hta na nkau mi hpe ngai ap ya na de ai; yu u, na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsawra nga ai gaw, shanhte chye lu na mara ai.

SHINGRAN 7:14

Ngai gaw, Nye a Madu e, nang chye nga ndai, ngu nna shi hpe htan we ai. Shaloi shi gaw, Dai ni gaw, dai ru tsang kaba kata na hkrang pru wa nna, tinang a hpun palawng hpe Sagu Kasha a asai hta hkrut jahpraw la ai ni rai nga ma ai.