SHINGRAN 2:3 - Jinghpaw Hanson Version Bible

³ Nang shakut sharang nga nna, nye a amying nsang a matu mara tsin-yam tsindam hkam ai hte, nang n hki n ba nga ndai.

Jinghpaw Common Language Bible 2009

³ Nang hkam sharang lu nga ndai hte nye a mying nsang a matu mara tsin-yam tsindam hkam ai hte nang asum mung n jaw ndai.

SHINGRAN 2:3 Iomraidhean Croise

SHAKAWN KUNGDAWN 37:7

Yehowa a man e amu sha nga nna shi hpe ala nga u: myit magaw ai hku maw nna, shabyin lu ai hte, n hkru ai lam hta awng nga ai wa a jaw e, myit hkum kahtet et.

SHAKAWN KUNGDAWN 69:7

Kaning rai nme law, na a majaw, Ngai shatan nhkan ai hkrum nga nna, ngai myi man sum nga nngai.

MIHKA 7:9

Ngai gaw Yehowa hpe shut nngai majaw, shi nye a amu a lam tsun nna, ngai hpe dawdan ai shani du hkra, shi a pawt sindawng ai hpe, ngai hkam mana na nngai: shi ngai hpe nhtoi de bai shapraw nna, shi a dinghpring ai lam ngai mu mada na nngai.

MARKU 15:21

shi a wudang hpe hpai ya u ga, nam kahtawng na wa nna, lai hkawm sa wa ai Alesandru yan Ruhpu a kawa, Simun ngu ai Kureni mung masha langai mi hpe, shadip mu ai.

LUKA 14:27

Kadai mung tinang a wudang hpai let nye hpang n hkan ai wa gaw, nye a sape n tai lu ai.

LUKA 18:1

Tutnawng e akyu a hpyi nga mu ga hte myit n hten malu ga, shi shanhte hpe ga shadawn tsun mu ai gaw,

LUKA 21:19

Nanhte gaw hkam sharang ai hte asak wenyi jahkrung la lu na marin dai.

LUKA 5:5

Simun gaw, “Madu e, mana tup anhte shakut ga timung, hpa mung n lu gaw ai, rai timung na a ga majaw, ngai sumgawn jahkrat na we ai,” ngu nna htan wu ai.

LUKA 8:15

Ga kaja hta hkrat ai nli chyawm gaw, dai mungga hpe kangka rai nna kaja ai myit hte madat la ngut jang, lashum lanoi rai nna hkam sharang ai myit hte asi si ai ni rai ma ai.

YAWHAN 15:21

Rai timung shanhte gaw nye amying a majaw, dai lam yawng nanhte hpe di na mara ai: kaning rai nme law, ngai e shangun dat ai wa hpe shanhte n chye ma ai.

ROMA 12:12

myit mada let kabu gara nga mu; nni nkri hkrum yang, myit hkum kaji nga mu; akyu hpyi ai hta htep lahti tut rai nga mu;

ROMA 16:12

Dai Madu a bungli gun hpai ai Truhpena hte Truhpawsa hpe shakram ya mi. Dai Madu hta e grai wa shakut sharang ai, tsawra ai Persi hpe shakram ya mi.

ROMA 2:7

kaja ai bungli galaw let, shakut sharang nna hpung shingkang ma, arawng sadang ma, n hten n mat ai ma, tam ai ni hpe, htani htana asak jaw na ra ai;

ROMA 8:25

N mu lu ai mahtang hpe myit a mada nga ga yang gaw, anhte dai hpe shakut sharang ai hte a la nga ga ai.

1 KORINHTU 13:7

yawng mayawng hpe hkam mana nga ai, yawng mayawng hpe kamsham nga ai, yawng mayawng hpe myit mada nga ai hte yawng mayawng hpe shakut sharang nga ai.

1 KORINHTU 16:16

nanhte gaw shing re ai ni a npu e mung, shingdep shingtau ai ni hte, bungli gun hpai ai ni nlang hte a npu e mung, a taw nga mu.

2 KORINHTU 10:15

Bai anhte gaw masha kaga wa a bungli hta shang nna, shalai gumrawng ga ai n re ai sha, nanhte a kamsham ai myit kaba wa yang she, anhte a shadawn sharam da ai jarit tau yu let, nanhte a jaw e anhte grau nna kaba wa na ga ai rai nna,

2 KORINHTU 11:23

Shanhte Hkristu a bungli gun hpai ai ni rai ma yang gaw, ngai mahtang grau nna rai nga nngai, ngu nna mana bu ai wa zawn ngai tsun nngai. Amu bungli grau nna ngai galaw nngai; htawng hkrat ai grau nna ngai hkrum nngai; ladu lai ai shingna ngai hkam ni ai; si hkrung si htan law law lang ngai hkrum nngai.

2 KORINHTU 4:1

Dai rai nna, chyeju lu la sagaw ai hte maren, ndai ahkang aya gun hpai lu ga ai majaw, anhte n hki n sang ga ai:

2 KORINHTU 4:16

Dai rai nna anhte n hki n sang ga ai sha, anhte a shinggan na wa hten bya hkrum rai timung, anhte a kata de na wa gaw, lani hte lani prat bai pra wa nga ai.

2 KORINHTU 5:9

Dai rai nna, shanu nga yang rai timung, garai n shanu nga yang rai timung, shi a man e sharawng awng ai ni tai u ga, anhte myit makun nga ga ai.

2 KORINHTU 6:5

anu kayat hkrum ai hta, htawng bang ai hta, kabrawng kabrang hkrum ai hta, bungli gun hpai ai hta, a maja nga ai hta, kawsi hpang gara ai hta,

GALATI 6:2

Nanhte shada da a lit hpe gun hpai shingtau nna, Hkristu a tara hpe shatup nga mu.

GALATI 6:9

Kaja ai amu galaw na, anhte n hki n sang nga ga: kaning rai nme law, anhte myit n yaw ga yang gaw, aten ladaw du jang, anhte dan la na ra ga ai.

HPILIPI 2:16

asak hkrung ya ai mungga hpe lang nga let, shanhte a ka-ang e mungkan ga a nhtoi zawn nanhte htoi tu nga na myit dai: dai hta kaga, ngai mung kaman lila n gat shingjawng ai hte, kaman lila amu bungli n galaw nngai hpe tau yu yang, Hkristu a nhtoi hta kabu gumrawng shara ngai nga na nngai.

HPILIPI 4:3

Nye a nrum ntau majing e, dai num yan hpe hkap tau la na, ngai nang hpe mung hpyi nngai; shan gaw Klemen hte, asak jahpan laika hta tinang a amying lawm ai nye a shingdep shingtau shaje ni hte, dai kabu gara shiga hta, ngai hte rau bungli galaw ma ai.

KOLOSE 1:11

shi a hpung shingkang re ai n-gun nga ai hte maren, shakut sharang nna kabu gara ai hte myit galu kaba hkum tsup hkra, n-gun lagaw amyu myu hte shaja ya ai hkrum myit ga mung,

1 HTESALONI 1:3

anhte a Kawa Karai Kasang a man e, nanhte a makam masham a bungli mung, tsawra ai myit majaw magam shachyen ai mung, anhte a Madu Yesu Hkristu a myit mada ai lam a shakut sharang ai hpe mung, anhte n sim n sa adum nga ga ai.

1 HTESALONI 2:9

Dai hta kaga, hpunau ni e, anhte a amu bungli hte atsu atsam hpe nanhte naw dum nga myit dai: nanhte hta langai mi hpe mung lit n shagun u ga, shani shana bungli galaw let, Karai Kasang a kabu gara shiga anhte nanhte hpe hkaw dan ga ai.

1 HTESALONI 5:12

Dai hta kaga, hpunau ni e, nanhte hta bungli gun hpai nna, dai Madu hta nanhte a ntsa e up nga ai hte, nanhte hpe shadum jahprang nga ai ni hpe adum nga nna,

2 HTESALONI 3:13

Nanhte mahtang, hpunau ni e, mai kaja ai amu galaw na, hkum hki hkum sang nga myit.

2 HTESALONI 3:5

Dai hta kaga, Karai Kasang a tsawra ai hte Hkristu a shakut sharang ai hta, dai Madu nan, nanhte a myit masin hpe shalawn nga u ga.

2 HTESALONI 3:8

kadai wa a lusha mung anhte be be kaman n sha ai sha, nanhte hta langai mi hpe mung lit n shagun u ga, amu magan hte ru tsang ai hta anhte shani shana bungli galaw nga ga ai.

1 TIMOHTI 4:10

dai rai nna, shinggyim masha mahkra hte kamsham ai ni hpe grau nna hkye hkrang la ai Madu rai nga ai, ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw nna a shaja nga ga ai.

1 TIMOHTI 5:17

Atsawm sha up nga ai Hpung salang ni hpe hkungga lara shagup na ging nga ai hta, dai mungga hte sharin shaga ai lam hta amu bungli gun hpai ai salang ni hpe, grau nna hkungga lara ging nga ai, dum nga mu.

HEBRE 10:36

Kaning rai nme law, Karai Kasang a myit ra ai hku hkan shachyen ngut jang, ga ndat a akyu hkam la lu hkra, shakut sharang ai myit nanhte naw ra nga myit dai.

HEBRE 12:1

Ya ndai hte wa law la ai sakse ni gaw, anhte hpe sumwi zawn wang kawan da mi ai majaw, anhte mung, numdaw numdan re ai lit nlang hte hte, kap loi la ai yubak hpe kau da nna, makam masham a npawt nhpang hte jahkum shatsup ya ai wa Yesu hpe azi yu let, anhte gat na matu san da ai lam hpe shakut sharang rai, gat shadu wa ga:

HEBRE 13:13

Dai rai nna, anhte mung, shi hte rau aroi arip hkam let, dai dap shinggan shi hpang de pru sa wa saga.

HEBRE 6:10

Kaning rai nme law, nanhte chyoi pra ai ni hpe galaw daw manit dai hta n ga, galaw daw dingyang rai nga let, Karai Kasang a mying nsang a matu magam bungli gun hpai nna tsawra ai myit madun ai lam hpe, malap kau ya na gaw, shi n ding n hpring nga ai, n rai.

HEBRE 6:12

myit mada ai lam hpring tup wa na matu, langai hte langai prat htum hkra, dai zawn naw shaja nga na, anhte ra ga ai.

HEBRE 6:15

Shing rai, shakut sharang let la nga ai majaw, dai ga ndat a akyu shi hkam la lu wu ai.

2 PETRU 1:6

chye chyang ai hta koi gam ai, koi gam ai hta shakut sharang ai, shakut sharang ai hta tara hkungga ai,

SHINGRAN 1:9

Yesu a nni nkri hta mung, mungdan hta mung, hkam sharang ai hta mung nanhte a kanawn manang rai nga ai, nanhte a hpunau wa, ngai Yawhan gaw, Karai Kasang a mungga hte Yesu a sakse majaw, Patmu ngu ai zunlawng hta nga nga nngai.

SHINGRAN 3:10

Ngai hte seng ai shakut sharang ai lam a mungga hpe nang hkan nang ndai majaw, ga ntsa e nga ai ni hpe chyam dinglik yu na matu, dinghta ga hproi hkra du na ra ai chyam dinglik yu ai nhtoi hta na, ngai nang hpe makawp maga na de ai.