SHINGRAN 2:2 - Jinghpaw Hanson Version Bible

² Na a arawn alai, na a amu bungli hte na a hkam sharang ai hpe mung, n hkru n hkra re ai masha hpe nang n hkam lu ndai mung, kasa n re ai kasa hpyi hpun ai ni hpe nang san dinglik yu nna, shanhte a masu ai hpe shadan kau ya lu ndai mung, ngai chye nga nngai.

Jinghpaw Common Language Bible 2009

² Nang galaw sai amu hpe ngai chye nga nngai. Nang gade yak la ai hte galaw sai lam, nang gade hkam sharang sai lam ngai chye nga nngai. Nang gaw n hkru n hkra re ai masha ni hpe ra mi n rai nga shangun lu ndai mung, Kasa n re ai ni kasa rai ga ai nga nna tsun ai kasa hpyi hpun ai ni hpe nang san dinglik yu nna, shanhte masu ai ni re ai lam shadan kau ya lu ndai mung, ngai chye nga nngai.

SHINGRAN 2:2 Iomraidhean Croise

SHAKAWN KUNGDAWN 1:6

Kaning rai nme law, dinghpring ai ni a lam hpe Yehowa chye nga ai; Tara n lang ai ni a lam chyawm gaw, hten mat na ra ai.

MAHTE 7:23

Dai shaloi e, ‘Ngai nanhte hpe galoi mung n chye made ai; n tara ai amu galaw ai ni e, ngai kaw na pru mat wa mu,’ ngu nna ngai shanhte hpe tsun na mawe ai.

YAWHAN 6:6

Shing nga san ai gaw, Hpilip hpe chyam yu na nga nna rai nga ai: kaning rai nme law, kaning di na gaw, shi dai chye da nu ai.

GALATI 1:7

Dai kabu gara shiga kaga chyawm gaw, kabu gara shiga mai ngu na n re ai sha, Hkristu a kabu gara shiga hpe shabyak mayu nna, nanhte hpe sharu shatsang nga ai ni nkau mi rai nga ma ai.

EHPESU 4:14

shing rai anhte ma chyangai naw n rai nga na hte, masha a n hkru n hkra ai, maw da ai hkalem hkalau ai hpaji hte maren, nbung ngu ai sharin shaga ai lam shagu gadau gadap ai hte nhting nhtang n hkrum ai sha,

1 HTESALONI 1:3

anhte a Kawa Karai Kasang a man e, nanhte a makam masham a bungli mung, tsawra ai myit majaw magam shachyen ai mung, anhte a Madu Yesu Hkristu a myit mada ai lam a shakut sharang ai hpe mung, anhte n sim n sa adum nga ga ai.

1 HTESALONI 5:21

Lam yawng mayawng hpe chyam dinglik yu nga mu, mai kaja ai hpe mahkyu nga mu.

2 TIMOHTI 2:19

Rai timung, Dai Madu gaw shi hte seng ai ni hpe chye ginhka ai, nga nna mung, Dai Madu a amying mying ai ni nlang hte gaw, n ding n hpring ai hpe koi gam mu ga, nga nna mung, dazik sakse kap nga ai Karai Kasang a ngang kang ai npawt nhpang gaw, agrin nga ai.

HEBRE 6:10

Kaning rai nme law, nanhte chyoi pra ai ni hpe galaw daw manit dai hta n ga, galaw daw dingyang rai nga let, Karai Kasang a mying nsang a matu magam bungli gun hpai nna tsawra ai myit madun ai lam hpe, malap kau ya na gaw, shi n ding n hpring nga ai, n rai.

1 YAWHAN 4:1

Tsawra ai ni e, wenyi shagu hpe hkum kam nga myit; dai wenyi ni Karai Kasang kaw na rai nga ma ai kun, chyam yu nga mu; kaning rai nme law, masu ai myihtoi law law wa, mungkan ga de sa wa masai.

SHINGRAN 2:5

Dai re ai majaw, nang garai n hkrat yang na shara hpe bai dum u; myit malai lu u, shawng na arawn alai bai hkan u: shing n rai yang, ngai nang kaw du nna, nang myit malai n lu yang gaw, na a pyengdin hpe de a shara na sit kau ya na de ai.

SHINGRAN 2:6

Rai timung, ngai n dawng n yawt ai Nikola a sape ni a arawn alai hpe, nang mung n dawng n yawt nga ndai majaw, akyu langai mi nang lu ndai.

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai timung, nang sut su nga ndai: Yuda masha ngu ai, rai timung, Yuda masha n teng ai sha, Satan a nawku jawng ngu ai ni a shatan nhkan ai hpe, ngai chye nga nngai.

SHINGRAN 3:1

Bai, Sardi mare na Hpung a kasa hpe ning nga ka dat u: Karai Kasang a wenyi sanit hte shagan sanit hpe lang ai wa gaw, ning nga nga ai: Na a arawn alai ngai chye nga nngai; nang gaw asak hkrung ai wa ngu timung, nang chyasi rai nga ndai.

SHINGRAN 3:15

Na a arawn alai ngai chye nga nngai; nang katsi ai mung n rai, kahtet ai mung n rai nga ndai Nang katsi ai, shing n rai kahtet ai, mai rai nga ndai.

SHINGRAN 3:8

Na a arawn alai ngai chye nga nngai; yu u, kadai mung n la da lu ai chyinghka na a man e ngai hpaw malang da se ai; nang n-gun loi mi rawng ndai, nye a mungga hpe nang hkan nang nit dai, nye a amying nsang hpe mung nang n nyet kau nit dai, ngai chye nga nngai.