SHINGRAN 2:18 - Jinghpaw Hanson Version Bible

¹⁸ Bai, Htuatira mare na Hpung a kasa hpe ning ngu ka dat u: Wan shinglet zawn tu ala ai myi hte, magri jet zawn san ai lagaw tu ai Karai Kasang a Kasha gaw, ning nga nga ai:

Jinghpaw Common Language Bible 2009

¹⁸ “Htuatira mare na hpung a lamu kasa hpe ning ngu ka dat u: “Ndai gaw, wan shinglet zawn tu ala ai myi hte, arut shatsawm tawn ai magri htoi zawn san ai lagaw tu ai Karai Kasang a kasha kaw na mungga rai nga ai.

SHINGRAN 2:18 Iomraidhean Croise

SHAKAWN KUNGDAWN 2:7

Ga madat ngai shana ya na nngai: “Ngai sha nang rai nga ndai, Dai ni ngai nang hpe shaprat sade ai.

Daniela 10:6

shi a hkum gaw mek-yoi, shi a myi man gaw myihprap, shi a myi gaw wan shanan, shi a lagaw lata kabrim ai magri zawn rai nga nna, shi shaga ai nsen gaw, wunawng wuwa a nsen hte bung nga ai.

MAHTE 17:5

Dai ga shi naw tsun nga yang, yu mu, htoi tu ai sumwi gaw shanhte hpe ka-up mu ai hte dai sumwi hta na nsen pru nna, “Ndai wa gaw ngai sharawng awng ai, ngai tsawra ai ngai Sha rai nga ai: shi a ga madat mara mu,” nga ai.

MAHTE 27:54

Ya hpyen latsa up ai bu hte shi hte rau Yesu hpe sin nga ai ni, dai nnang nawn hte byin mabyin ni hpe mu mu yang shanhte hkrit kahpra nna, Gaja wa, ndai wa gaw Karai Kasang a Kasha nan rai nga ai, nga ma ai.

MAHTE 3:17

dai hta n-ga, “Ndai wa gaw ngai sharawng awng nga ai, ngai tsawra ai Kasha rai nga li ai,” nga nna lamu de na nsen ngoi pru wa ai.

LUKA 1:35

Dai lamu kasa gaw, “Chyoi pra ai Wenyi na ntsa de du nna, Tsaw htum ai wa a atsam nang hpe shingnip ka-up na ra ai; dai re ai majaw shangai na ra ai wa gaw, Chyoi pra ai wa, Karai Kasang a Kasha ngu ai hkam la na ra ai.

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.

YAWHAN 1:49

Nahtanela gaw, “Rabai e, nang gaw Karai Kasang a Kasha rai nga ndai; Israela masha ni a hkawhkam nang rai nga ndai,” ngu nna shi hpe htan wu ai.

YAWHAN 10:36

nye Wa e shachyoi shapra nna, ndai mungkan ga de shangun dat ai wa, Ngai Karai Kasang a Kasha rai nngai, nga nna tsun ai a majaw, dai wa hpe, Nang shatan nhkan ga tsun ndai, mai ngu a ni?

YAWHAN 3:16

Kaning rai nme law, Karai Kasang a Kasha hpe kamsham ai ni nlang hte gaw, hten bya n hkrum ai sha, htani htana asak lu la mu ga nga, Karai Kasang gaw shi a Kasha shingtai hpe jaw kau ai kaw du hkra, mungkan ga hpe tsawra wu ai.

YAWHAN 3:18

Shi hpe kamsham ai wa gaw tara dara ai n hkrum lu ai; n kam n sham ai wa chyawm gaw, Karai Kasang a Kasha shingtai a mying ningsang hpe n kam n sham ai majaw, ya e pyi tara dara ai hkrum nga ai.

YAWHAN 5:25

Ngai nanhte hpe gaja wa teng teng tsun made ga, Si nga ai ni gaw, Karai Kasang a Kasha a nsen na lu na ahkying du wa ra ai rai nna, ya e pyi rai nga ai: na la ai ni mung hkrung nga na mara ai.

KASA 16:14

Shaloi, Karai Kasang hpe nawku ai, Htuatira mare na, sumpan hkyeng dut ai num, Ludi ngu ai jan anhte a ga na la nna, Pawlu tsun dan ai lam hpe madat mara u ga nga, Madu gaw shi a myit hpaw ya wu ai.

KASA 8:36

Shing rai sa wa ma yang, hka nga ai kaw du jang, dai Unuk wa gaw, “Yu u, nang e hka nga nga ai; ngai baptisma hkam na, hpa hkum shara nga a ta?” ngu wu ai.

ROMA 1:4

Dai kasha gaw masha labau hku gawn yang, Dawi a aru arat rai nga ai; si mat ai ni kaw na bai hkrung rawt wa ai a majaw, Karai Kasang a Kasha nan shi rai nga ai gaw, chyoi pra rawng ai Wenyi hte aja awa shadan dan nga ai; anhte a Madu Yesu Hkristu nan shi rai nga ai rai nna,

ROMA 8:32

Shi kasha lala hpe lahpawt lama n di ai sha, anhte mahkra a matu mara shi hpe ap ya ai wa gaw, shi hte nawng yawng mayawng anhte hpe jaw na, n rai ni?

SHINGRAN 1:11

Hpung sanit hpang de shagun dat u, nga nna nye a shingdu de hpahtau zawn ngoi ai nsen kaba ngai na nngai.

SHINGRAN 2:1

Ehpesu mare na Hpung a kasa hpe ning ngu ka dat u; Hkra lata hta dai shagan sanit lang da nna, aja pyengdin sanit ni a ka-ang e hkawm sa ai wa ning nga nga ai:

SHINGRAN 2:24

Dai hta kaga, masha ni shamying dam ai, Satan a sung htum ai lam hpe n chye n chyap ma ai hte, dai sharin shaga ai lam hpe n hkan nang ai, Htuatira mare hta naw ngam nga ai ni nanhte hpe ngai tsun made ai gaw, Ngai nanhte hta lit kaga naw n shajat na ni ai: