SHINGRAN 15:3 - Jinghpaw Hanson Version Bible

³ Shanhte gaw Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi let, “Chyahtum chyalai n-gun rawng ai Madu Karai Kasang e, na a magam bungli gaw kaba htum ai hte mauhpa rai nga ai: Ju majat prat janat na Hkawhkam wa e, na a magam lam ni gaw dinghpring ai hte tengman ai hkrai rai nga ai;

Jinghpaw Common Language Bible 2009

³ Shanhte gaw, Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi nga let, “Chyahtum chyalai n-gun atsam rawng ai Karai Kasang e, na a magam bungli ni gaw gade wa kaba nga ai hte gade wa mauhpa rai nga a hka! Ju majat prat janat na hkawhkam wa e, na a lam ni gaw gade wa ding hpring ai hte gade wa teng man nga a hka!

SHINGRAN 15:3 Iomraidhean Croise

NINGPAWT NINGHPANG 17:1

Dai hpang Abram asak Jahku shi jahku ning du sayang, Yehowa gaw shi kaw dan pru nna, “Ngai gaw Chyahtum Chyalai n-gun rawng ai Karai Kasang rai nga ai; nye a man e hkum tsup let hkawm sa wa u.

1 HKAWHKAM LABAU 6:49

Rai timung, Arun hte shi a shadang sha ni chyawm gaw, Karai Kasang a shangun ma Mawshe htet da mada hte maren, chyoi pra htum ai shara amu a nlang hte hte, Israela masha ni a lam htingrai htingrat ya na matu, wan nat hkungga nawng ai hkungri ntsa e mung, manam pyaw ai baw nat nawng ai hkungri ntsa e mung, nat nawng ma ai.

2 HKAWHKAM LABAU 24:6

Dai rai nna hkawhkam wa gaw agyi Yehoiada hpe shaga nna, “Sakse sum a matu, Yehowa shangun ma Mawshe hte Israela shawa hpawng hpe tawn da ai alu hpe Yuda hte Yerusalem masha ni yawng hta na lahkawn la na matu, hpa majaw Lewi masha ni hpe n shadut mu ta?

NEHEMIA 9:14

na a chyoi pra ai laban nhtoi hpe, nang shanhte hpe madun da nna, na a shangun ma Mawshe a lata hta hkang da ai ga, matsun maroi ga hte jep ai tara, jaw da ai hte,

YOBA 36:24

Shi a amu bungli hpe shagrau na, dum u; dai lam masha ni mahkawn mangoi yu masai.

YOBA 5:9

Shi gaw galu kaba ai hte n dang chye ai amu galaw nga ai; n dang hti ai mauhpa bungli shachyen nga ai:

SHAKAWN KUNGDAWN 100:5

Kaning rai nme law, Yehowa gaw mai kaja nga ai; Shi a chyeju htani htana anga nga nna, Shi a sadi sahka prat mi hte prat mi agrin nga ai law.

SHAKAWN KUNGDAWN 105:5

Shi a mayam Abraham a aru arat hte e, Shi lata la ai Yaku a kashu kasha ni e,

SHAKAWN KUNGDAWN 111:2

Yehowa a amu bungli kaba la nga ai, dai amu hta awng nga ai ni nlang, dai lam hkan tam gawn nga ma ai.

SHAKAWN KUNGDAWN 111:7

Shi a lata a amu sadi sahka hte tengman ai, rai nga ai; Shi a ga matsun ni nlang tengman nga ai.

SHAKAWN KUNGDAWN 139:14

Hkrithpa hte mauhpa lam hkan nna, Ngai hpe hpan da ni ai majaw, Ngai nang hpe shakawn kungdawn nga nngai; Na a bungli mauhpa bungli rai nga ai rai nna, Dai hpe nye a myit masin nachying chye nga ai.

SHAKAWN KUNGDAWN 145:17

Yehowa gaw lam shagu hta dinghpring nga ai rai nna, Shi a amu yawng hte hta chyeju madun nga ai.

SHAKAWN KUNGDAWN 145:6

Na a hkrithpa nsam rawng ai magam hpe, shanhte tsun nga ma ai rai nna, Na a galu kaba ai lam hpe ngai gawn dan na mawe ai.

SHAKAWN KUNGDAWN 18:30

Karai Wa a lam ni chyip chyip rai nga ai; Yehowa a ga chyam yu yang teng nga lu ai; Shi hta shingbyi ai nlang hte a n-gang shi rai nga ai.

SHAKAWN KUNGDAWN 78:12

Shi gaw shanhte a kaji kawoi ni a man e, Egutu mung na Zuan prang hta e, mauhpa amu galaw wu ai.

SHAKAWN KUNGDAWN 92:5

Yehowa e, na a amu gade kaba nga a hka! Nang myit ai hku nachying sung la nga ai.

SHAKAWN KUNGDAWN 99:4

Dingman ai tara tsawra ai hkawhkam a atsam hpe, Tara npawt hta nang tawn da nu ai; Nang gaw Yaku hta e tara dara ai hte dingman ai lam, jashawn nu ai.

ESAIA 33:22

Kaning rai nme law, Yehowa gaw anhte a tara agyi rai nga ai; Yehowa gaw anhte hpe tara jaw ai wa rai nga ai; shi anhte a hkawhkam rai nga ai: shi anhte hpe hkye hkrang la na ra ai.

ESAIA 45:21

Ga sumtu tsun shana mu; dai hpe shapraw mu ga; gaja wa, shanhte rau bawng mu ga; moi kaw nna ndai lam hpe madun ai wa, kadai? Chyaloi nhkoi kaw nna dai hpe shana ya ai wa, kadai? Ngai Yehowa nan n rai ni? Ngai hta shaje Karai Kasang n nga ai: ngai gaw dinghpring ai Karai Kasang hte Hkye hkrang la ai Wa rai nga nngai.

Daniela 6:20

Dai de ni wa jang shi gaw hkrap ngu hkrap ngoi ai nsen hte Daniela hpe shaga nna, “A hkrung nga ai Karai Kasang a shangun ma Daniela e, nang n sim n sa nawku nga ai, na a Karai Kasang gaw, hkanghkyi ni a n-gup na nang hpe mawai la lu a ni?” ngu nna san wu ai.

Daniela 9:11

Gaja wa, Israela amyu ting, na a nsen hpe n madat hkra, lam yit mat wa nna, na a tara hpe tawt lai kau masai: dai re ai majaw Karai Kasang a shangun ma Mawshe a tara laika hta ka da sai matsa mawa ga hte dagam dala ga, anhte a ntsa e ru bun nu ai: kaning rai nme law anhte shi hpe yubak galaw saga ai.

HOSEA 14:9

Da ndai hte hpe chye na lu hkra, hpaji rawng ai wa, kadai rai ta? dai lam ni hpe chye lu hkra, nyan rawng ai wa, kadai rai ta? kaning rai nme law, Yehowa a lam ni malang nga nna dinghpring ai ni dai hta hkan hkawm na mara ai: tara tawt lai ai ni chyawm gaw, dai lam ni hta ahtu kataw na mara ai law.”

MIHKA 7:20

Moi chyaloi nhkoi kaw nna, anhte a ji wa ni hpe dagam da ai hte maren, nang gaw, Yaku hta kangka re ai lam, Abraham hta tsawra matsan dum ai lam, naw shadik da na ndai.

ZEHPANI 3:5

De a ka-ang e nga ai Yehowa gaw dinghpring nga ai; shi gaw n shawp n kap ai amu galaw na n rai; jahpawt shagu tara malang ai hku, shi shapraw nna, dai gaw htum mat lu ai n rai; tara manai ai ni chyawm gaw kaya n chye ma ai.

ZEHKARIA 9:9

Ziun shayi sha e, nachying kabu gara nga u; Yerusalem shayi sha e, garu jahtau u: yu u, na a hkawhkam wa nang hpang de du ra ai; shi gaw dinghpring nga nna, hkye hkrang la ai lam shapraw nu ai: shi gaw sumnung ai myit rawng nna, lawze a ntsa e, rai sa, lawze kanu a kasha ntsa e, jawn nga ai.

YAWHAN 1:17

Jep ai tara gaw Mawshe a lata hte jaw da ai, rai nga ai; chyeju hte tengman ai lam gaw, Yesu Hkristu a marang e tai wa ai, rai nga ai.

TARA JAHPRANG 31:30

Shaloi Mawshe ndai mahkawn mangoi ga ma hkra, Israela shawa hpung a man e tsun hkai wu ai gaw:

TARA JAHPRANG 32:3

Yehowa a mying ningsang hpe ngai hpaw dan ni ai; Anhte a Karai Kasang hpe shagrau mu.

TARA JAHPRANG 34:5

Shing rai Yehowa tsun ai hte maren, Yehowa a shangun kasa Mawshe gaw, Moba mung na shara dai yang si mat ai.

1 TIMOHTI 1:17

Ya, htani htana re ai, n hten n mat chye ai, myi e n mu lu ai Hkawhkam ngu ai, Karai Kasang langai sha kaw, arawng sadang hte hpung shingkang gaw, htani htana prat dingsa e, anga nga u ga law. Amen.

HEBRE 3:5

Mawshe gaw, htawm hpang e tsun shapraw na ra ai lam ni hpe sakse hkam ya na matu, Karai Kasang a nta ting hta e shangun ma zawn kangka rai nga ai; Hkristu chyawm gaw, Shi a nta up ai Kasha zawn kangka rai nga ai;

YAWSHU 22:5

Rai timung, Yehowa a shangun kasa Mawshe hkang da ai ga hte jep ai tara hpe hkan shatup nna, nanhte a myit masin mahkra hte kraw lawang mahkra hte, nanhte a Karai Kasang Yehowa hpe tsawra nna, shi a lam shagu hkan nang let, shi hkang da ai ga madat, shi hta shamyet shanat nna, shi a magam gun hpai lu na, shaja nga mu,” ngu nna tsun wu ai.

SHINGRAN 1:8

“Ngai gaw Alhpa mung rai nga nngai, Omega mung rai nga nngai,” nga nna ndai aprat e, moi na aprat e anga nga ai hte, htawm hpang du na ra ai wa, Chyahtum chyalai n-gun rawng ai Madu Karai Kasang gaw tsun nga ai.

SHINGRAN 11:17

“Ya aprat e, moi na aprat e dinggrin anga nga ai Chyahtum chyalai n-gun rawng ai Madu Karai Kasang e, nang gaw, na a daru magam ahkang dagraw nna a up nga ndai majaw, anhte nang hpe shakawn kungdawn ga ai:

SHINGRAN 14:3

Shanhte gaw, dai tingnyang man e mung, dusat amyu mali hte salang ni a man e mung, mahkawn ga ningnan zawn mahkawn mangoi nga ma ai: ga ntsa na mari la hkrum sai ni, ngu ai, masha sen mi mun mali e hkying mali hta kaga, dai mahkawn ga hpe kadai mung n sharin la lu ma ai.

SHINGRAN 14:8

Bai, lahkawng ngu na lamu kasa kaga gaw hkan sa nna, “Masha amyu shagu hpe hpye ai amu ngu ai pawt shabu ai tsabyi jahku lu shangun ai, galu kaba ai Babelon mare gaw, kadawng daw mat sai, kadawng daw mat sai,” nga nna tsun ai.

SHINGRAN 17:14

Dai ni gaw, dai Sagu Kasha hte hpyen gasat na ma ai rai nna, dai Sagu Kasha gaw shanhte hpe dang kau na ra ai: kaning rai nme law, shi gaw madu ni a Madu, hkawhkam ni a Hkawhkam rai nga ai: shi hte rau nga ai ni mung, shaga da ai ni, lata la ai ni, kangka re ai ni, rai nga ma ai, nga nna ngai hpe tsun ai.

SHINGRAN 19:16

Shi a hpun palawng hte magyi hta, Hkawhkam ni a Hkawhkam, Madu ni a Madu, nga ai amying ka kap nga ai.

SHINGRAN 19:2

shi a tara dara ai lam ni tengman ai hte dinghpring nga lu ai; hpye ai amu hte ga ntsa ting hpe shut hpyit shangun ai shawa num kaba hpe shi dawdan nna, shi a shangun ma ni a asai matai, dai num a ntsa e bai htang ya nu ai law,” nga nna tsun ai, ngai na nngai.

SHINGRAN 4:8

Dai dusat amyu mali gaw singkaw kru hpra hpra tu nna, hkum grup e mung, kata e mung, myi hkrai pri rai nga ai: shanhte gaw shani shana n sim n na, ning nga, Moi na aprat e, ya na aprat e, htawm hpang na aprat e dinggrin anga nga ai, Chyahtum chyalai n-gun rawng ai Madu Karai Kasang gaw, chyoi pra, chyoi pra, chyoi pra a rai nga ai law, nga nna tsun nga ma ai.