SHINGRAN 13:2 - Jinghpaw Hanson Version Bible

² Dai ngai mu ai matse labye gaw rawnggawk hte bung nna, shi a lagaw tsap lagaw zawn, shi a n-gup hkanghkyi n-gup zawn rai nga ai: baren numraw gaw, shi a hpung shingkang hte shi a tingnyang mung, kaba la ai ahkang aya mung, dai matse labye hpe ap ya wu ai.

Jinghpaw Common Language Bible 2009

² Dai ngai mu ai matse labye gaw rawnggawk hte bung nna, shi a lagaw ni gaw tsap lagaw zawn, shi a n-gup hkanghkyi n-gup zawn rai nga ai. Baren numraw gaw shi a hpung dagu hte mung shi a tingnyang hpe mung, shi a kaba la ai ahkang aya hpe mung, dai matse labye a lata de ap ya wu ai.

SHINGRAN 13:2 Iomraidhean Croise

2 HKAWHKAM 2:24

Shi mahtang kayin yu nna, shanhte hpe mada yu let, Yehowa a amying hte dagam kau mu ai. Shing rai tsap yi lahkawng, maling de na pru nna ma mali shi lahkawng hpe kawa sat kau mu ai.

SHAKAWN KUNGDAWN 22:21

Hkanghkyi a n-gup na ngai hpe hkye la ya e, Rai sa, hpawlam a nrung kaw nna pyi, nang ngai hpe htan ya nit dai,

GA SHAGAWP 17:12

Angawk ai amu galaw let, angawk ai wa hte hkrum na hta, Kasha mat ai tsap kanu hte hkrum na, grau mai nga ai.

GA SHAGAWP 28:15

Matsan mayan ni ntsa e up ai, tara n lang ai du wa gaw, Shabam ai hkanghkyi hte nwan hkawm ai tsap rai nga ai.

ESAIA 5:29

shanhte a shabam ai nsen gaw, hkanghkyi yi a nsen hte bung nna, hkanghkyi hkalung zawn shabam na mara ai; rai sa, shanhte garu shabam let tinang shahpa hpe magra la na mara ai rai nna, hkye mawai la ai wa n nga ai majaw, dai hpe hpai la kau na mara ai.

YEREMIA 13:23

Ehtiopi wa gaw tinang a ahpraw asam, rawnggawk gaw tinang a ateng apang ka ai hpe, galai kau lu na a ni? dai rai yang, n hkru n hkra galaw man ai ni, nanhte nan, kaja ai amu galaw lu na myit dai.

YEREMIA 5:6

Dai re ai majaw, maling na hkanghkyi shanhte hpe sat kau na ra ai; shana e hkawm ai chyahkyawn, shanhte hpe kawa sha kau na ra ai; rawnggawk gaw shanhte a mare ni hpe sin nga nna, shinggan de pru ai ni yawng amya sha kau ai hkrum na mara ai; kaning rai nme law, shanhte a shut hpyit ai yubak law nga ai hte, shanhte grau nna htak mat wa ma ai.

HOSEA 11:10

Yehowa gaw hkanghkyi zawn shabam nna, shanhte gaw shi hpang de hkan nang na mara ai: shi shabam yang, kashu kasha ni gaw, sinna maga de na, hkrit gari ai hte du na mara ai.

AMO LAIKA (AMOS) 3:12

Yehowa ning nga ai: Sagu rem wa gaw hkanghkyi a n-gup na lagaw lahkawng, shing n rai, na daw mi sha gare la lu ai zawn, Samari mare hta yup ku jut e dung nna, Damasku panep ntsa e hkrawn taw nga ai Israela kashu kasha ni gaw, gare la ai hkrum na mara ai.

AMO LAIKA (AMOS) 5:19

Masha gaw hkanghkyi hprawng nna, tsap hkrum ai zawn, nta nhku de shang nna, shakum hta shamyet yang, lapu kawa hkrum ai zawn, tai na ra ai.

HABAKU 1:8

Shanhte a laring gumra ni gaw, rawnggawk hta grau lawan chye nna, shana na chyahkyawn ni hta grau n hkru ma ai; gumra jawn ai ni, sumtsan kaw na du nna, pri rai nga ma ai: dai ni gaw, hpya lu hpya sha na matu, lawan ai langda zawn, htim ma ai.

2 TIMOHTI 4:17

Rai timung, nye a jaw e dai hkaw dan ai ga hpe dan dan hkaw shahproi lu nna, maigan amyu ni yawng na la lu hkra, dai Madu gaw ngai hpang maga de rau tsap nga nna, ngai hpe n-gun shaja ya ai hte, hkanghkyi a n-gup hta na mawai la ai ngai hkrum ni ai.

1 PETRU 5:8

Nanhte htauli htaula rai nga mu; a maja nga mu; nanhte a gumlau wa ngu ai, Nat gaw, kadai wa hpe mahtang mayu kau lu na, nga nna shabam ai hkanghkyi zawn, ningwan kahkrang hkawm nga ai.

SHINGRAN 12:13

Dai baren numraw gaw ga de jahkrat kau hkrum ai chye wu jang, shadang lasha shangai ai num hpe zingri zingrat wu ai.

SHINGRAN 12:15

Dai num hpe hka hpungla hte shayawng kau na nga, lapu gaw shi a n-gup hta nna hka nu na hka zawn, dai numsha hpang de shalwi dat wu ai.

SHINGRAN 12:9

Shaloi, mungkan ga ting hpe hkalem kau ai, Nat hte Satan ngu ai, moi na lapu rai nga ai baren numraw kaba gaw, jahkrat kau ai hkrum wu ai: shi gaw, le ga de jahkrat kau hkrum ai rai nna, shi a ali ama ni mung shi hte rau jahkrat kau ai hkrum ma ai.

SHINGRAN 13:12

Shi gaw shawng na matse labye a ahkang aya nlang, de a man e dagraw lang nna, jasi ai nma mai ngut sai shawng na matse labye hpe, dinghta ga hte dai hta nga ai ni hpe, nawku shangun mu ai.

SHINGRAN 13:4

dai matse labye hpe ahkang aya ap ya ai baren numraw hpe nawku ma ai; shanhte dai matse labye hpe mung nawku nna, “Ndai matse labye hte kadai wa bung nga a ta? kadai wa shi hpe gasat lu na a ta?” nga shajang ma ai.

SHINGRAN 16:10

Bai, manga ngu na wa shi a gawm dai matse labye a tingnyang ntsa de ru bun dat wu ai: shaloi shi a mungdan nsin chyip rai mat wa nna, mung masha ni gaw aju machyi la ai majaw, tinang a shinglet kawa udik nga ma ai:

SHINGRAN 17:12

Bai nang mu ai nrung shi gaw, mungdan garai n hkam la lu ai hkawhkam shi rai nga ma ai: shanhte gaw dai matse labye hte rau hkawhkam aya ngu ai hpe ahkying mi ting hkam la ma ai.

SHINGRAN 19:20

Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai:

SHINGRAN 2:13

Nang de nga ai shara ngai chye nga nngai; Satan a tingnyang dung nga ai shara e nang de nga ndai. Nye a mying nsang hpe nang manoi nga ndai rai nna, Satan de nga ai shara e ngu ai, nanhte a ka-ang e, nye a kangka re ai sakse wa Antipa sat kau hkrum ai nhtoi hte hta pyi, nye a makam masham lam hpe nang n nyet kau ndai.

SHINGRAN 20:2

Shi gaw Nat hte Satan rai nga ai, moi na lapu ngu ai baren numraw hpe rim la nna, shaning hkying mi du hkra, sharen da na matu, gyit hkang da wu ai: