SHINGRAN 12:1 - Jinghpaw Hanson Version Bible

¹ Bai sumsing lamu kata e mauhpa amu kaba dan pru ai gaw: ajan lawai nna, shata kabye ai hte, shagan shi lahkawng kap ai janmau gup re ai numsha langai mi dan pru ai:

Jinghpaw Common Language Bible 2009

¹ Dai hpang lamu kata hta e mauhpa lamik kumla kaba langai mi dan pru wa ai. Numsha langai mi gaw jan lawai nna shata kabye ai hte, shagan shi lahkawng kap ai janmau gup tawn da nga ai.

SHINGRAN 12:1 Iomraidhean Croise

2 HKAWHKAM LABAU 32:31

Rai timung, shi a mung hta mauhpa amu byin ai lam, Babelon du salang ni san yu na matu, kasa shangun dat yang, shi hpe chyam yu na hte, shi myit masin hta rawng ai lam mahkra hpe chye lu hkra, Karai Kasang gaw shi hpe dat tawn da wu ai.

SHAKAWN KUNGDAWN 104:2

Nhtoi hpe nba zawn nang hpun lawai nga ndai, Sumsing lamu hpe hpajawng zawn, nang kahpyen da nu ai.

SHAKAWN KUNGDAWN 84:11

Yehowa Karai Kasang ajan hte n-gang rai nga ai, Yehowa gaw chyeju hte arawng sadang jaw lu ai; Dingman ai hku hkan ai ni hpe, shi kaja ai hpa mung ndang na n rai.

Shawlumon A Mahkawn Ga 6:10

Jahpawt manap ahtoi zawn dan hkung ai hte, Shata zawn hpraw tsawm, ajan zawn kabrim nna, Dawnghkawn lang ai luksuk zawn hkrit mai ai jan gaw, kadai rai ta?

ESAIA 61:10

Ngai gaw Yehowa hta aja awa kabu gara nga nna, nye a myit masin gaw, nye a Karai Kasang hta sharawng awng na ra ai; kaning rai nme law, la ningnan gaw nampan shanghkawng gup ai zawn mung, num ningnan gaw shi a lungseng ni hte shi a hkum hpe mawn sumli ai zawn mung, shi ngai hpe hkye hkrang la ai hpun palawng jahpun ya nna, dinghpring ai nba lawai ya ni ai.

ESAIA 62:3

Nang gaw Yehowa a lata hta, tsawm htap ai shanghkawng, na a Karai Kasang a lata hta, hkawhkam janmau, tai na rin dai.

ZEHKARIA 9:16

Shanhte a Karai Kasang Yehowa gaw, dai shani hta, shi a amyu hpe sagu hpung zawn, hkye hkrang la na ra ai: shanhte gaw shi a mungdan ntsa e, janmau lungseng zawn gala na mara ai.

MALAHKI 4:2

Nye a amying hpe hkrit hkungga ai ni a nta e chyawm gaw, dinghpring shangun ai ajan gaw, shamai shatsai ai singkaw hte, du pru na ra ai: nanhte mung pru wa nna, ulawng na dumsu kasha zawn, gumtawng na marin dai.

MAHTE 12:38

Dai shaloi laika ka ai sara ni hte Hparishe ni nkau mi shi hpe htan nna, “Sara e, nang dan ai lamik kumla langai mi, anhte mu mayu ga ai,” ngu mu ai.

MAHTE 24:30

Dai shaloi e Masha Kasha a kumla gaw, sumsing lamu hta e dan pru na ra ai; shaloi jang ga ntsa na amyu baw shagu ni sharung shayawt let dai Masha Kasha gaw daru magam hte hpung shingkang kaba hte nawng lamu a sumwi hta du sa ai hpe, mu lu na mara ai.

MARKU 13:25

shagan ni mung lamu de na di hkrat mat nna, sumsing lamu hta e nga ai nsam ni gaw gari wa na mara ai.

LUKA 21:11

nnang nawn kaba wa ai mung, shara kaga kaga hta e ana zinli wa ai hte hku hku wa ai mung, byin na ra ai: sumsing lamu de na hkrithpa hte lamik kumla kaba mung dan pru na ra ai.

LUKA 21:25

Dai shaloi e jan, shata, shagan ni hta lamik kumla dan pru na ra ai, nammukdara hte hka leng ni a wu kadu ai nsen majaw, ga ntsa e, mung masha amyu ni myit mau ai hte ru tsang hkrum na mara ai:

YAWHAN 3:29

Num nnan lu ai wa gaw, la nnan rai nga ai; la nnan a makau e tsap nga nna, shi a ga na la ai jinghku wa gaw, la nnan a nsen majaw ja ja kabu nga ai: shing re ai kabu gara lam gaw, ngai hta dik wa sali ai.

KASA 2:19

Ntsa de sumsing lamu e mauhpa amu, Lawu na ga ntsa e, lamik kumla ngu ai, Asai, awan, nhkut salu hte hpe, ngai madun na nngai.

ROMA 13:14

Dai hta n-ga, Madu Yesu Hkristu hpe bu hpun dagraw nga mu: hkum shan a myit marin ai hku shadik na matu, hkum maw hkum hkyen nga myit.

ROMA 3:22

dai gaw Yesu Hkristu hta kamsham ai a majaw, kamsham ai ni nlang hte a matu mara Karai Kasang a dinghpring lu ai lam rai nga ai: lachyen lahka chyawm gaw hpa mung n nga lu ai.

2 KORINHTU 11:2

Kaning rai nme law, Karai Kasang a nja nhpra ai hte maren, ngai nanhte a lam nja nhpra rai nga nngai; nanhte hpe hkawnsek hpe zawn Hkristu kaw jaw ya nna, madu langai sha hte ngai nanhte hpe hkungran ya made ai.

GALATI 3:27

Hkristu hta e baptisma hkam ai ni yawng hte gaw, Hkristu hpe bu hpun sumraw nga myit dai.

GALATI 4:26

Ntsa de rai nga ai Yerusalem chyawm gaw, numdung num rai nga ai rai nna, anhte a kanu mung rai nga mali ai.

GALATI 6:14

Ngai chyawm gaw, anhte a Madu Yesu Hkristu a wudang hta kaga, gumrawng gumtawng shara n nga u ga: dai hta e mungkan ga gaw nye a matu jen sat kau ai hkrum nna, ngai mung mungkan ga a matu dai hta e jen sat kau ai hkrum ni ai.

EHPESU 5:32

Ndai lam gaw sung htum ai lam kaba rai nga ai: shing nga ai gaw Hkristu a lam hte dai Hpung a lam hpe ngai tsun nga nngai.

SHINGRAN 1:20

nye a hkra lata hta nang mu lu ai shagan sanit hte, aja pyengdin sanit ni amau htum ai lam, ka da u; dai shagan sanit gaw, Hpung sanit ni a kasa ni rai nga ma ai, dai pyengdin sanit mung, Hpung sanit rai nga ai.

SHINGRAN 11:19

Shaloi sumsing lamu hta e Karai Kasang a nawku Htingnu hpaw malang nna, shi a Htingnu kata e, shi a ga shaka hte seng ai sumpu dan pru nga ai; shaloi jang, myihprap kala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 12:3

Bai, mauhpa amu kaga sumsing lamu kata e dan pru ai gaw: yu u, hkyeng ai baren numraw kaba dan pru ai; shi gaw baw sanit hte nrung shi tu nna, shi a baw ni hta ja lagup sanit gup nga ai.

SHINGRAN 15:1

Bai, sumsing lamu hta e galu kaba nna mau ging ai mauhpa amu kaga hpe ngai mu nngai; ari zinli sanit lang ai lamu kasa sanit rai nga ma ai: dai ari zinli ni gaw jahtum na ari rai nga ai; kaning rai nme law, Karai Kasang a pawt bu ai gaw dai hte hte ngut wa na ra ai.

SHINGRAN 21:14

Dai mare a bunghku gaw npawt shi lahkawng hte gaw da nga ai rai nna, dai ni a ntsa e Sagu Kasha a kasa shi lahkawng ni a amying shingteng shi lahkawng kap nga ai.

SHINGRAN 21:23

Dai mare e htoi ya na matu ajan mung, shata mung, n ra nga ai: Karai Kasang a hpung shingkang dai mare hpe jahtoi ya nna, Sagu Kasha gaw de a pyengdin rai nga ai.