SHINGRAN 11:8 - Jinghpaw Hanson Version Bible

⁸ Ga malai hku Sodom hte Egutu ngu shamying ai, wudang hta shan a Madu jen da hkrum ai mare kaba a nmaw lam hta, shan a moi mang taw nga ai.

Jinghpaw Common Language Bible 2009

⁸ Shan a moi mang gaw shan a Madu jen sat hkrum ai mare kaba a nmaw lam hta taw nga na ra ai. Dai mare a kumla ga hku shamying ai mying gaw Sodom mare shing n rai Egutu rai nga ai.

SHINGRAN 11:8 Iomraidhean Croise

NINGPAWT NINGHPANG 13:13

Ya, Sodom mare na masha ni gaw n shawp nga ma ai rai nna, Yehowa a man e nachying yubak kaba ai ni rai nga ma ai.

NINGPAWT NINGHPANG 19:24

Shaloi Yehowa gaw lamu de nna Sodom hte Gomora ntsa de kan hte grung ai wan jahtu dat wu ai:

PRU MAT 20:2

“Ngai gaw, Egutu mung hte mayam tai nga ai nta na nang hpe shapraw la ai, na Karai Kasang Yehowa rai nga nngai.

PRU MAT 3:7

Bai Yehowa gaw, “Egutu mung e nye a amyu hkrum ai ru tsang lam hpe ngai azin ayang mu se ai rai nna, shanhte a hpareng ni a majaw hkrap sharung ai nsen hpe ngai na ya mase ai: shanhte hkrum ai nni nkri hpe ngai chye nga nngai:

ESAIA 3:9

Shanhte a myi man nsam, shanhte a lam sakse hkam nga ai; shanhte gaw tinang a yubak hpe Sodom masha ni zawn dan dan galaw nna, makoi magap ma ai n rai; shanhte gaw tinang hkum hpe shaza kau ma ai majaw, tinang a myit masin dingnye hkrum mu ga.

YEREMIA 23:14

Yerusalem mare na myihtoi ni hta mung, matsat shabat amu ngai mu nngai: shanhte num shaw nna, masu ai lam hkan nang ma ai; kadai mung tinang a shut hpyit ai hta na myit malai n lu hkra, shanhte gaw shut hpyit ai ni a lata hpe n-gun shaja ya mu ai; shanhte nlang hte gaw nye a man e Sodom zawn, mare masha ni gaw Gomora zawn, tai ma ai.

EZEKELA 16:46

Na a kana gaw, tinang a shayi sha ni hte rau, na a pai maga de shanu nga ai, Samari mare rai nga ai; na a kanau gaw, tinang a shayi sha ni hte rau, na a hkra maga de shanu nga ai Sodom mare rai nga ai.

EZEKELA 16:49

Yu u, na nnau Sodom a yubak chyawm gaw, shi hte shi a shayi sha ni gaw, myit kaba ai, nhpaw n-ya lu sha ai hte angwi apyaw ningngai nga nna, nni nkri hkrum ai ni hte matsan mayan ni hpe n shadaw shalan ai rai nga ai.

EZEKELA 23:19

Rai timung shi gaw, hkawn ram prat e Egutu mung hta shawa num tai ai aten hpe dum nna, shut hpyit ai amu shalaw nga ai.

EZEKELA 23:27

Shing rai, htawm hpang de nang n mada yu ai hte, Egutu mung hpe pyi n dum lu hkra, na a n se n sa ai myit hte, Egutu mung na nang la wa ai shawa num hking hpe, ngai jahtum kau na nngai.

EZEKELA 23:3

shan gaw hkawn ram prat e, Egutu mung hta shawa num tai ma ai; dai yang e shan a madoi chyu hpang hpe jum nna, hkawn ram chyu si hpe manat darin ma ai.

EZEKELA 23:8

Shing rai shi gaw, Egutu mung e nga ai prat kaw nna shi shut hpyit ai hpe kau da ai, n rai: shi a hkawn ji prat e shanhte gaw shi hte yup ma ai; shi a madoi chyu hpang shanhte manat darin nna, shi hte shut hpyit ma ai.

EZEKELA 37:11

Shaloi shi gaw, “Masha kasha e, ndai nrut nra ni gaw, Israela dap ting rai nga ma ai: yu u, shanhte gaw, ‘Anhte a nrut nra ni hkraw mat ma ai; anhte a myit mada shara hten mat sai; anhte htum mat saga ai,’ nga ma ai.

AMO LAIKA (AMOS) 4:11

Karai Kasang gaw Sodom hte Gomora hpe galau ka-up kau ai zawn, nanhte a mare nkau mi hpe ngai galau ka-up kau nna, nanhte gaw wan mang na gare la ai wanhtaw daw zawn, tai nga timung, nanhte gaw ngai hpang de n wa myit dai, nga nna Yehowa tsun ai.

MAHTE 10:15

Nanhte hpe ngai teng teng tsun made ai gaw, tara dara ai nhtoi hta e, Sodom hte Gomora mung gaw, dai mare hta yubak nhkyi na ra ai.

KASA 9:4

shi mung, ga e kadawng taw mat ai hte, “Shawlu, Shawlu, nang ngai hpe hpa rai zingri nga n ta?” nga nna shi hpe tsun ai nsen na wu ai.

HEBRE 13:12

Dai hte maren Yesu mung, shi hkum nan a asai hte dinghta masha ni hpe shachyoi shapra lu na matu, mare chyinghka shinggan e nni nkri hkam nu ai.

HEBRE 6:6

bai htak mat wa ai ni gaw, Karai Kasang a Kasha hpe tinang hkum nan wudang hta bai jen da nna, shi hpe n gawn n sawn di kau mu ai majaw, myit malai ningnan bai lu la na matu, lam kanang mung n hku malu ai.

2 PETRU 2:6

Sodom hte Gomora mare yan hpe mung, wan mang shatai kau nna, sharun shabyak kau mu ai hte, hpang e du pra ai, tara hpe n hkungga ai ni a matu mara ningli shatai mu ai;

YUDA 1:7

Dai hte maren, Sodom yan Gomora hte, dai mare yan zawn, grup yin na mare ni mung, shut hpyit lai ai amu galaw nna, lasha shada da tam shut nga ai a jaw e, dai ni hpe ningli shatai na matu, prat dingsa na wan nhpra hta e ari hkrum sha mu ai.

SHINGRAN 11:13

Dai ahkying hta e nnang nawn kaba anawn wa nna, dai mare daw shi hta daw mi ru hkrat mat wa ai; dai nnang nawn hta si lawm mat ai masha ni a amying hkying sanit rai nga ai: naw ngam nga ai ni chyawm gaw hkrit kamyin nga ma ai rai nna, sumsing lamu a Karai Kasang hpe shagrau shakawn nga ma ai.

SHINGRAN 11:9

Shaloi masha amyu baw hta na ni mung, baw lakung hte hta na ni mung, ga amyu myu hta na ni mung, masha mungdan ni hta na ni mung, shan a moi mang hpe masum ya e chyingdaw mi tup sa hpu yu nna, dai yan a moi mang hpe lup makoi kau na n hkraw ma ai.

SHINGRAN 14:20

Dai tsabyi htumbyen hpe mare shinggan e kabye shup nna, dai hta na pru ai asai gaw, gumra runghtung dep hkra tung nna, stadia hkying mi kru tsa du hkra lwi wa ai.

SHINGRAN 14:8

Bai, lahkawng ngu na lamu kasa kaga gaw hkan sa nna, “Masha amyu shagu hpe hpye ai amu ngu ai pawt shabu ai tsabyi jahku lu shangun ai, galu kaba ai Babelon mare gaw, kadawng daw mat sai, kadawng daw mat sai,” nga nna tsun ai.

SHINGRAN 16:19

Dai rai nna, dai galu kaba ai mare gaw masum brang ga mat wa ai; masha amyu ni a mare ni mung kadawng daw mat shajang ma ai; Babelon mare kaba hpe mung Karai Kasang a sindawng kahtet ai pawt bu ngu ai tsabyi jahku a gawm lu shangun na, shi a man e dai mare hpe matsing da nga ai.

SHINGRAN 17:1

Dai shaloi gawm sanit lang ai lamu kasa sanit hta na langai mi gaw, “Sa sa, nang de sa rit, hka law law a ntsa e dung nga ai shawa num kaba hpe daw ai lam, ngai nang hpe madun dan de ga:

SHINGRAN 17:18

Nang mu lu ai numsha mung, mungkan hkawhkam ni hpe madu lu ai mare kaba rai nga ai, nga nna ngai hpe tsun ai.

SHINGRAN 17:5

shi a lahtan e, Ga ntsa na shawa num ni hte matsat shabat lam ni a Kanu, galu kaba ai Babelon, nga nna sung htum ai hte seng ai amying ka da nga ai.

SHINGRAN 18:10

“Galu kaba ai mare, atsam rawng ai mare, Babelon e, dingnye lu n hka, dingnye lu n hka! ahkying mi hta sha nang hpe dawdan ai lam du sahka gaw!” nga nna shi a majaw hkrap ngu hkrap ngoi ai hte sharung shayawt let tsun na mara ai.

SHINGRAN 18:18

“Dai galu kaba ai mare hte bung ai gaw, gara mare rai nga a ta?” nga nna jahtau ma ai.

SHINGRAN 18:2

Dai wa gaw, “Galu kaba ai Babelon gaw kadawng daw mat sai, kadawng daw mat sai; dai shara gaw, nat tsasam ni a de nga ai shara, n san n seng ai wenyi shagu a shingwung shara hte n san n seng ai matsat shabat re ai u amyu myu a shingbyi shara, tai mat sai.

SHINGRAN 18:21

Dai hpang n-gun ja ai lamu kasa langai mi htumrin lung kaba nsan ai nlung kawaw la nna, nammukdara kata de kabai bang kau dat let, “Ndai hkrat shang wa ai zawn, galu kaba ai Babelon mare mung kabai bang kau ai hkrum na ra ai! htawm hpang galoi mung shi hpe bai mu lu na n rai.

SHINGRAN 18:24

Myihtoi ni a asai, chyoi pra ai ni a asai hte ga ntsa e sat kau hkrum mahkrum ni a asai, dai mare kata e mu hkrup lu sai,” nga nna tsun ai.