SHINGRAN 11:3 - Jinghpaw Hanson Version Bible

³ Bai, nye a sakse yan lahkawng hpe ngai ahkang jaw na mawe ai rai nna, shan gaw lachyit nba bu hpun let, nhtoi hkying mi ni tsa e kru shi ya tup, myihtoi htoi na mara ai.”

Jinghpaw Common Language Bible 2009

³ Bai, nye a sakse yan lahkawng hpe ngai shangun dat na mawe ai rai nna, shan gaw lachyit nba bu hpun let nhtoi 1,260 ya tup Karai Kasang a mungga hpe myihtoi ga hku hkaw tsun na mara ai.

SHINGRAN 11:3 Iomraidhean Croise

NINGPAWT NINGHPANG 37:34

Shaloi Yaku shi a palawng gang je kau nna, lachyit nba lawai let nhtoi law law wa shi kasha a majaw sharung shayawt nga ai.

2 SAMUELA 3:31

Dawi chyawm gaw, Yoab hte shi kaw hkan nang ai masha ni nlang hte hpe, “Nanhte a hpun palawng gang je kau nna, lachyit nba lawai let, Abna a matu hkrap ngu hkrap ngoi nga mu,” ngu nna hkang dat wu ai. Hkawhkam Dawi shi hkum nan, dai mang lup ai de hkan sa wu ai.

1 HKAWHKAM 21:27

Ya Ahab gaw dai ga na jang, shi a hpun nba gang je kau nhtawm, lachyit nba dagraw nna, lusha gam let, lachyit nba hta kaleng taw ai hte yawn hkawm nga ai.

2 HKAWHKAM 19:1

Ya hkawhkam Hezekia gaw dai ga na jang, shi a hpun nba gang je kau nna, lachyit nba bu hpun let, Yehowa nta de shang wa ai.

1 HKAWHKAM LABAU 21:16

Dawi mada yu yang, Yehowa a lamu kasa gaw Yerusalem ntsa e nhtu shada let, lamu hte aga lapran e tsap nga ai hpe mu wu ai. Dai rai nna Dawi hte agyi salang ni gaw lachyit nba bu hpun let, ga hta gum dagup nga ma ai.

NEHEMIA 9:1

Ya, dai shata a hkun mali ya hta e Israela kashu kasha ni gaw lusha gam let, lachyit nba bu hpun ai hte ga nhpu hte bun nna zuphpawng nga ma ai.

YOBA 16:15

Ngai gaw nye hkum hpyi ntsa e lachyit nba chywi shakap nna, nye a nrung hpe ga nhpu hta galu kau se ai.

SHAKAWN KUNGDAWN 69:11

Nye a hpun palawng lachyit nba hpun we yang, Shanhte a jaw shara ngai tai nga nngai.

ESAIA 22:12

Dai shani e Zaw nawng zaw wa up ai Madu Yehowa gaw, hkrap ngu hkrap ngoi ai, sharung shayawt ai, kara doi ai hte lachyit nba lawai na lam htet da timung,

YEREMIA 1:10

matsing u, baw kau na hte run kau na matu mung, jahten shabyak na hte galau kau na matu mung, gaw da na hte gat hkai na matu mung, amyu baw ni hte hkawhkam mungdan ni a ntsa e, dai ni jang, ngai nang hpe san da ni ai,” nga ai.

SHARUNG SHAYAWT 2:10

Ziun shayi sha a salang ni gaw, ga ntsa e dung nna, atsin sha nga nga ma ai; Shanhte gaw tinang a baw ntsa e ga nhpu hpe bun nna, lachyit nba lawai ma ai. Yerusalem a mahkawn ni gaw, ga du hkra gum dagup nga ma ai.

EZEKELA 4:6

Bai, dai nhtoi ni gu ai hpang, nang hkra maga nhkrem de hkrawn taw nna, mali shi ya tup, Yuda amyu a shut hpyit ai hpe gun hpai na ndai: laning mi a malai lani mi, ngai na a matu san da nngai.

Daniela 12:7

Shaloi, ‘Dai gaw aten mi, aten lahkawng hte aten chyen mi na na ra ai; dai chyoi pra ai amyu a n-gun atsam hpe agrawp daw kau ngut jang, ndai amu yawng ngut wa na ra ai,’ nga nna lachyit nba bu hpun let hka ntsa e tsap nga ai wa gaw, sumsing lamu de hkra lata pai lata sharawt nna, htani htana ahkrung nga ai wa a amying gang let, dagam nga ai hpe, ngai na nngai.

Daniela 7:25

Dai wa gaw Tsaw Htum ai Wa hpe shatan nna, Tsaw Htum ai Wa a chyoi pra ai ni hpe shaba na ra ai: shi gaw aten ladaw hte tara hpe, galai kau na maw ai rai nna, shanhte gaw aten mi, aten lahkawng hte aten chyen mi, shi a lata hta ap kau ai hkrum na mara ai.

Daniela 8:14

Shaloi shi gaw, “Jahpawt shana hkying lahkawng masum tsa lai ai du hkra, rai na ra ai; dai hpang chyoi pra ai shara hpe jasan jaseng na mara ai,” nga nna ngai hpe htan ai.

YOELA 1:13

Hkinjawng ni e, lachyit nba bu hpun nna, hkrap shabam mu; tawn hkungri a amu gun hpai ai ni e, sharung shayawt mu: nye a Karai Kasang a man e daw jau ai ni e, sa marit; lachyit nba bu hpun let, shana tup taw nga mu: kaning rai nme law, lusha hkungga hte dumhpung hkungga hpe, nanhte a Karai Kasang a nta e, n nawng ya nga myit hka.

YONA 3:5

Ya Ninewe masha ni gaw, “Karai Kasang hpe kamsham ma ai rai nna, lusha gam na ladaw tawn da ma ai hte, kaji ai ni kaw nna kaba ai ni du hkra, lachyit nba bu hpun ma ai.

YONA 3:8

masha hpe mung, yamnga hpe mung, lachyit nba jahpun nna, Karai Kasang hpe ja ja hpyi jahtau shangun mu: gaja wa langai hte langai, tinang nang a n hkru ai lam hte, tinang a lata a kashun kashe amu hpe, kau da shangun mu.

BU HKAWM 11:26

Dai hpung hta lawm ai Eldad hte Medad mying ai marai lahkawng gaw, jahpan hta lawm timung Sum de n sa ai sha dap e anga nga ma ai; dai yan hta mung Wenyi yu dung nna, shan gaw dap kata e myihtoi htoi ma ai.

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Kaning rai nme law, nan hta dan ai magam bungli ni hpe, Turu hte Sidun mare yan hta dan yu taw gaw, dai yan gaw moi moi e nan lachyit nba hte dap hta e, myit malai lu boi na masai.

MAHTE 18:16

Na a ga hpe n madat la yang gaw, marai langai lahkawng hpe naw shaga la nna, hpa hku hpa lam rai timung, sakse lahkawng masum a n-gup ga hte dawdan ya mu.

LUKA 10:13

O, Kurazin e, nang dingnye lu ndai! O, Betsaida e, nang dingnye lu ndai! nan hta dan ai magam bungli ni hpe Turu hte Sidun mare yan hta dan yu taw gaw, dai yan gaw moi moi e me lachyit nba hpun nna dap e kangu nga ai hte, myit malai lu boi na masai.

LUKA 24:48

Nanhte gaw ndai lam ni a sakse ni rai nga myit dai.

YAWHAN 15:27

Nanhte mung, shawng nnan kaw nna ngai hte rau nga manit dai majaw, sakse hkam nga myit dai.

YAWHAN 3:27

Shaloi Yawhan gaw, “Sumsing lamu de na jaw ai sha n rai yang gaw, masha gaw hpa mung n lu la lu ai.

KASA 1:8

rai timung, Chyoi pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga htum hkra, nye a sakse ni tai na marin dai,” ngu nna shanhte hpe tsun mu ai.

KASA 13:31

Galile mung kaw nna Yerusalem mare de shi hte rau lung wa ai ni ngu ai, mung masha ni a man e ya shi a sakse tai nga ai ni, nhtoi tsawmra na hkra shi hpe mu lu masai.

KASA 2:32

Dai Yesu hpe Karai Kasang jahkrung sharawt la wu ai; anhte yawng mung, dai lam a sakse ni rai nga ga ai.

KASA 3:15

asak Madu hpe sat kau myit dai; Karai Kasang chyawm gaw, chyasi ni hta na shi hpe jahkrung sharawt la nu ai: anhte mung dai lam a sakse ni rai nga ga ai.

1 KORINHTU 12:28

Karai Kasang chyawm gaw nkau mi hpe dai Hpung hta e, langai ngu na hta kasa ni, lahkawng ngu na hta myihtoi ni, masum ngu na hta sara ni, dai hpang e lamik kumla galaw ai ni, dai hpang e machyi makaw shamai shatsai na chyeju lu ai ni, shingdep shingtau ai ni, salang bawmung ni hte ga amyu myu chye tsun ai ni, san tawn da manu ai.

2 KORINHTU 13:1

Ya nanhte hpang de sa du ai gaw, masum lang na bat rai nga ai. Ga nga manga hte hpe, sakse lahkawng masum a n-gup ga hte shagrin nga na ra ai.

EHPESU 4:11

Hkristu a hkum hpe shagrin jat wa u ga, gun hpai ang ai bungli a matu, chyoi pra ai ni hpe shakup shatsup na,

TARA JAHPRANG 17:6

Sakse lahkawng masum a ga hte rai yang gaw, si ging ai wa gaw si ai hkrum na rai nga ai: sakse langai sha rai yang chyawm gaw si hkrum lu na n rai.

TARA JAHPRANG 19:15

Marai langai ngai a galaw shut ai mara, tawt lai kau ai yubak sagawn yu n yang, sakse langai sha hte ngut lu na n rai: sakse lahkawng masum a n-gup ga hte rai yang she grin lu na rai nga ai.

SHINGRAN 1:5

kangka re ai sakse wa, si mat ai ni hta na kasha alat, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwipyaw ai gaw nanhte hta anga nga malit ga. Anhte hpe tsawra nna, shi hkum nan a asai hte anhte a yubak kaw na anhte hpe raw dat mi ai hte,

SHINGRAN 11:2

Dai Htingnu a shinggan wang hpe chyawm gaw, shinggan kau da u, dai hpe hkum shadawn et; dai gaw maigan amyu ni hpe ap ya kau ngut sai rai nna, shanhte gaw dai chyoi pra ai mare hpe shata mali shi lahkawng tup kabye dip na mara ai.

SHINGRAN 11:6

Shan a myihtoi htoi ai nhtoi hte hta marang n htu lu u ga, lamu hpe pat kau na ahkang shan lu ma ai; hka nu ni hte hka htung ni hpe sai shatai na hte, galoi galaw mayu yang, shan gaw ga ntsa hpe ana ahkya amyu myu hte tsin-yam dat na ahkang mung, lu ma ai.

SHINGRAN 12:6

Dai numsha gaw, nam mali de hprawng mat wa ai; dai yang e nhtoi hkying mi ni tsa e kru shi ya tup shi hpe bau mu ga, Karai Kasang gaw shi a matu nga shara lajang da ya wu ai.

SHINGRAN 13:5

Ga kaba hte shatan nhkan tsun chye ai n-gup shi hpe jaw da sai rai nna, shata mali shi lahkawng tup amu galaw na ahkang shi hpe ap ya nu ai.

SHINGRAN 19:10

Shaloi, ngai shi hpe nawku na nga, shi a lagaw nhpang e dingnyawm dagup nngai. Shi gaw, “Shing hkum rai et: ngai gaw Yesu a sakse ga gun hpai ai na a mung, na a kahpu kanau ni a mung, shangun ma manang shada she rai nngai: Karai Kasang hpe nawku u: kaning rai nme law, Yesu a lam sakse hkam ai gaw, myihtoi htoi ai wenyi a myit hku rai nga ai,” nga nna ngai hpe ginhtim tsun ai.

SHINGRAN 20:4

Bai, magam tingnyang ni ngai mu nngai: dai tingnyang ni hta dung nga ai ni gaw tara dara na ahkang lu ma ai: dai hta kaga, Yesu a lam sakse hkam ai majaw mung, Karai Kasang a mungga majaw mung htau sat kau hkrum ai ni hte, dai matse labye hpe mung, shi a hkrang sumla hpe mung n naw n ku ai hte, shi a masat dingsat hpe tinang a lahtan hte lata hta n hkam la ai ni a tsu ni hpe, ngai mu nngai: shanhte gaw hkrung nga let, shaning hkying mi tup Hkristu hte rau up nga ma ai: