SHINGRAN 10:3 - Jinghpaw Hanson Version Bible

³ hkanghkyi shabam ai zawn, nsen kaba hte jahtau dat wu ai; shi jahtau dat wu yang, dai mu ngoi ai mahku sanit tinang a nsen shapraw ma ai.

Jinghpaw Common Language Bible 2009

³ hkanghkyi shabam ai zawn, nsen kaba hte jahtau dat wu ai. Shi jahtau dat wu yang, mu ngoi ai mahku sanit hte nsen shapraw nna htan ma ai.

SHINGRAN 10:3 Iomraidhean Croise

SHAKAWN KUNGDAWN 29:3

Yehowa a nsen nammukdara ntsa e nga nga ai, Hpung shingkang dan hkung ai Karai Wa gaw ngoi wu nga ai: Yehowa gaw hka kaba ni a ntsa e anga nga ai.

GA SHAGAWP 19:12

Hkawhkam a pawt sindawng ai gaw, hkanghkyi shabam ai zawn rai nga ai; Shi a chyeju chyawm gaw, tsingdu ntsa e hkrat ai mari zawn rai nga ai.

ESAIA 31:4

Kaning rai nme law, Yehowa ngai hpe ning nga ai: “Hkanghkyi hte hkanghkyi hkalung gaw, magra la ai mang ntsa e nying nga yang, sagu rem ai masha wunawng jahtau marawn timung, shanhte a nsen hpe n hkrit ai hte, shanhte wu ngoi ai hpe n nawn ai hte maren, Zaw nawng zaw wa up ai Yehowa gaw, hpyen gasat na matu, Ziun bum hte dai hte seng ai kawng a ntsa e, yu wa na ra ai.

ESAIA 42:13

Yehowa gaw n-gun ja ai wa zawn pru nna, share ninghkrin zawn shi a myit dakat na ra ai: shi jahtau nna, gaja wa garu na ra ai; hpyen ni hpe nhtum nni shaza kau na ra ai.

ESAIA 5:29

shanhte a shabam ai nsen gaw, hkanghkyi yi a nsen hte bung nna, hkanghkyi hkalung zawn shabam na mara ai; rai sa, shanhte garu shabam let tinang shahpa hpe magra la na mara ai rai nna, hkye mawai la ai wa n nga ai majaw, dai hpe hpai la kau na mara ai.

YEREMIA 25:30

Dai re ai majaw nang myihtoi htoi let, Yehowa gaw matsaw de na shabam nna, shi a chyoi pra ai shara na nsen sharawt na ra ai; shi gaw shi a udat shara hpe sha-ang nna, aja awa shabam na ra ai; ga ntsa e nga ai ni mahkra a lam, tsabyi si kabye ai ni zawn, jahtau na ra ai.

EZEKELA 10:5

N-gun Chyalai rawng ai Karai Wa, ga tsun ai nsen zawn, dai Hkerubim a singkaw wu ngoi ai gaw, shinggan wang du hkra na lu nga ai.

HOSEA 11:10

Yehowa gaw hkanghkyi zawn shabam nna, shanhte gaw shi hpang de hkan nang na mara ai: shi shabam yang, kashu kasha ni gaw, sinna maga de na, hkrit gari ai hte du na mara ai.

YOELA 3:16

Yehowa gaw Ziun bum kaw na shabam nna, Yerusalem mare kaw nna, nsen sharawt na ra ai; sumsing lamu hte ginding aga ashun awam na ra ai: rai timung Yehowa gaw, shi amyu a shingbyi shingwung shara, Israela kashu kasha ni a ngang ai hpyen dap, tai na ra ai.

AMO LAIKA (AMOS) 1:2

Shi tsun ai gaw, Yehowa Ziun bum kaw na shabam let, Yerusalem mare kaw na nsen sharawt na ra ai; sagu rem ai ni a udat shara ni yawn nga nna, Hkarmela bum pungding nyip nyui mat na ra ai.

AMO LAIKA (AMOS) 3:8

Hkanghkyi shabam yang, n hkrit ai, kadai nga na rai ta? Madu Yehowa shaga yang, myihtoi n htoi na, kadai wa rai ta?

SHINGRAN 14:2

Bai, sumsing lamu kata nna hka rum law law kadu ai nsen hte, mu ngoi kaba a nsen zawn wu ai nsen hpe, ngai na nngai; ngai na ai nsen gaw, tingse dum ai ni tinang a tingse ni hpe dum dat yang na nsen zawn rai nga ai.

SHINGRAN 15:1

Bai, sumsing lamu hta e galu kaba nna mau ging ai mauhpa amu kaga hpe ngai mu nngai; ari zinli sanit lang ai lamu kasa sanit rai nga ma ai: dai ari zinli ni gaw jahtum na ari rai nga ai; kaning rai nme law, Karai Kasang a pawt bu ai gaw dai hte hte ngut wa na ra ai.

SHINGRAN 15:7

Bai, dai dusat amyu mali hta na langai mi gaw, htani htana prat dingsa ahkrung nga ai Karai Kasang a sindawng kahtet ai hte hpring chyat re ai gawm sanit, dai lamu kasa sanit hte hpe ya mu ai.

SHINGRAN 4:5

Dai tingnyang kaw na myihprap gala ai, mahku ngoi ai nsen hte mu ngoi ai gaw, pru nga ai. Dai tingnyang a man e mung, Karai Kasang a wenyi sanit ngu ai, wan pyengdin sanit tu nga ai:

SHINGRAN 8:5

Bai, dai lamu kasa gaw dai n-gawt hpe la nna, tawn hkungri na wan jahpring la ngut jang, mungkan ga ntsa de dai hpe jahkrat dat wu ai: shaloi mu ngoi ai, wu kadu ai nsen, myihprap kala ai hte nnang nawn byin pru wa ai.