SHINGRAN 1:9 - Jinghpaw Hanson Version Bible

⁹ Yesu a nni nkri hta mung, mungdan hta mung, hkam sharang ai hta mung nanhte a kanawn manang rai nga ai, nanhte a hpunau wa, ngai Yawhan gaw, Karai Kasang a mungga hte Yesu a sakse majaw, Patmu ngu ai zunlawng hta nga nga nngai.

Jinghpaw Common Language Bible 2009

⁹ Ngai gaw nanhte a hpu nau wa Yawhan rai nga nngai. Yesu a hpang hkan nang ai wa langai mi hku nna, shi a Mungdan hte seng ai masha ni hkrum sha nga ai nni nkri hpe myit galu let nanhte hte rau hkam sharang nga ai wa rai nga nngai. Ngai gaw Karai Kasang a mungga hte Yesu Hkristu sakse hkam shadan dan ai dai teng man ai lam hpe hkaw tsun shana dan ai majaw Patmu ngu ai zunlawng de sa kau ai hkrum nngai.

SHINGRAN 1:9 Iomraidhean Croise

MAHTE 20:23

Bai shi gaw, “Nye a gawm hpe nanhte gaja wa lu na rai nga myit dai; rai timung, nye a hkra maga pai maga de dung nga lu na, ngai ahkang n jaw lu nngai: dai gaw, nye a Wa lajang da ya ai ni a matu mara sha rai nga ai, ngu nna shanhte hpe tsun wu ai.

MARKU 10:39

Shan gaw, “An rai lu na ga ai,” ngu mu ai. Bai Yesu gaw, “Ngai lu nga ai gawm hpe, nan mung lu na rai nga myit dai; ngai hkam la na baptisma hpe mung, nan hkam la na rai nga myit dai:

YAWHAN 16:33

Nanhte ngai hta ngwipyaw ai lu la myit ga, ngu nna, ndai ga ngai nanhte hpe tsun ni ai: nanhte gaw mungkan ga e nni nkri hkrum sha myit dai: rai timung, dakring dakan rai nga mu; ngai gaw mungkan ga hpe dang kau da ni ai, ngu mu ai.

KASA 1:15

Dai nhtoi hte yang, masha latsa e hkun daram rai hpawng nga ai kahpu kanau ni a ka-ang e Petru rawt tsap nna,

KASA 14:22

sape ni a myit shangang ya let, dai makam masham lam hta agrin nga na matu shadum jahprang ai hte, “Karai Kasang a mungdan de ru tsang ai law law hte shang wa na rai ga ai,” ngu nna sharin da mu ai.

ROMA 8:17

Kashu kasha rai nga ga yang gaw, sali wunli hkam la ai ni mung anhte rai nga ga ai; Hkristu hte rau hpung shingkang hkam la lu hkra, shi hte rau nni nkri hkrum nga ga yang gaw, Karai Kasang a sali wunli hkam la ai ni hte, Hkristu hte rum ai sali wunli hkam la ai ni, anhte rai nga ga ai.

ROMA 8:25

N mu lu ai mahtang hpe myit a mada nga ga yang gaw, anhte dai hpe shakut sharang ai hte a la nga ga ai.

2 KORINHTU 1:7

dai nni nkri hta nanhte lawm nga myit dai hte maren, dai shangwi shapyaw na lam hta mung lawm nang myit dai, anhte chye nga ga ai.

HPILIPI 1:7

Nye a bawng dung ai hta rai timung, dai kabu gara shiga a lam awlaw nna shagrin da ai hta rai timung, nanhte nlang hte gaw ngai hte rau chyeju jawm hkam la ai ni rai nga myit dai majaw, nanhte mahkra a lam ngai ning rai myit nga na gaw, ging dan nga ai rai nna, nye a myit masin hta e ngai nanhte hpe sharawng nga nngai.

HPILIPI 4:14

Rai timung, ngai nni nkri hkrum ai hta ngai hte kanawn mazum ai gaw, nanhte mai kaja ai hku galaw ai rai nga myit dai.

2 HTESALONI 3:5

Dai hta kaga, Karai Kasang a tsawra ai hte Hkristu a shakut sharang ai hta, dai Madu nan, nanhte a myit masin hpe shalawn nga u ga.

2 TIMOHTI 1:8

Dai rai nna, anhte a Madu a sakse hkam ai lam hta mung, shi a bawng dung ai wa nye a lam hta mung, nang kaya ai myit n rawng ai sha, Karai Kasang a n-gun lagaw rawng ai hte maren, dai kabu gara shiga matu mara ru tsang ai rau hkrum nga ga:

HEBRE 10:36

Kaning rai nme law, Karai Kasang a myit ra ai hku hkan shachyen ngut jang, ga ndat a akyu hkam la lu hkra, shakut sharang ai myit nanhte naw ra nga myit dai.

1 PETRU 5:1

Dai re ai majaw, Hkristu a nni nkri hkrum ai lam hta sakse tai nga ai hte paw pru magang ra ai hpung shingkang hta hkambum lu ai nanhte a kanawn salang, ngai gaw, nanhte hta lawm ai Hpung salang ni hpe shadum jahprang dat mawe ga;

SHINGRAN 1:1

Da ndai gaw, ahkying ladaw gade n na yang, byin wa na ra ai lam ni hpe, Hkristu a shangun ma ni e madun dan na matu, Karai Kasang gaw dai Madu hpe jaw dat ai, Yesu Hkristu a shingran ga rai nga ai; dai Madu gaw shagun dat nna shi a lamu Kasa a lata hte shi a shangun ma Yawhan hpe dai shingran ga shadan dan wu ai:

SHINGRAN 1:2

Yawhan mung, Karai Kasang a mungga hte, Yesu Hkristu hte seng ai sakse a lam mu mamu hte hpe sakse hkam ya wu ai.

SHINGRAN 1:4

Ngai Yawhan gaw, Asia mung e nga ai Hpung sanit hte hpe, ga shana dat nngai; ndai aprat e, moi na aprat e anga nga nna, htawm hpang e du na ra ai wa kaw nna mung; shi a tingnyang man e nga ai wenyi sanit kaw nna mung;

SHINGRAN 1:6

shi a Kawa Karai Kasang a matu anhte hpe mungdan amyu hte hkinjawng amyu shatai ai wa kaw, hpung shingkang hte daru magam ahkang gaw, htani htana e anga nga u ga law. Amen.

SHINGRAN 11:7

Shan lahkawng tinang a sakse ga hkam ngut jang, sung htum ai shara de na lung wa ai matse labye gaw, shan hpe gasat nna dang kau na hte, shan hpe sat kau na ra ai.

SHINGRAN 12:11

Shanhte gaw, Sagu Kasha a asai majaw mung, tinang sakse hkam ai mungga a majaw mung, shi hpe dang kau lu mu ai rai nna, si ai du hkra tinang a asak hpe n lahpawt ma ai.

SHINGRAN 12:17

Dai baren numraw mung dai numsha a lam sindawng kahtet bu nna, Karai Kasang a hkang da ai ga hkan nang ai hte, Yesu a sakse ga lang ai ni ngu ai, shi a amyu matu gale ni hpe gasat kau na pru wa nna,

SHINGRAN 13:10

Masha wa hpe sharen ai wa gaw, sharen da ai hkrum na ra ai; nhtu hte sat ga ai wa mung, nhtu hte si na ra ai. Ndai lam hta chyoi pra ai ni a shakut sharang shara hte makam masham lam dan pru nga ai.

SHINGRAN 14:12

Karai Kasang a hkang da ai ga hte Yesu a makam masham lam hkan nang ai ni ngu ai, chyoi pra ai ni a shakut sharang shara gaw, ndai lam hta dan pru nga ai.

SHINGRAN 19:10

Shaloi, ngai shi hpe nawku na nga, shi a lagaw nhpang e dingnyawm dagup nngai. Shi gaw, “Shing hkum rai et: ngai gaw Yesu a sakse ga gun hpai ai na a mung, na a kahpu kanau ni a mung, shangun ma manang shada she rai nngai: Karai Kasang hpe nawku u: kaning rai nme law, Yesu a lam sakse hkam ai gaw, myihtoi htoi ai wenyi a myit hku rai nga ai,” nga nna ngai hpe ginhtim tsun ai.

SHINGRAN 20:4

Bai, magam tingnyang ni ngai mu nngai: dai tingnyang ni hta dung nga ai ni gaw tara dara na ahkang lu ma ai: dai hta kaga, Yesu a lam sakse hkam ai majaw mung, Karai Kasang a mungga majaw mung htau sat kau hkrum ai ni hte, dai matse labye hpe mung, shi a hkrang sumla hpe mung n naw n ku ai hte, shi a masat dingsat hpe tinang a lahtan hte lata hta n hkam la ai ni a tsu ni hpe, ngai mu nngai: shanhte gaw hkrung nga let, shaning hkying mi tup Hkristu hte rau up nga ma ai:

SHINGRAN 3:10

Ngai hte seng ai shakut sharang ai lam a mungga hpe nang hkan nang ndai majaw, ga ntsa e nga ai ni hpe chyam dinglik yu na matu, dinghta ga hproi hkra du na ra ai chyam dinglik yu ai nhtoi hta na, ngai nang hpe makawp maga na de ai.

SHINGRAN 6:9

Bai, manga ngu na dazik hpe hpaw dat wu yang, Karai Kasang a mungga a majaw mung, tinang hkan nang ai sakse lam a majaw mung, sat kau hkrum ai ni a tsu ni hpe, dai tawn hkungri npu e, ngai mu nngai.

SHINGRAN 7:14

Ngai gaw, Nye a Madu e, nang chye nga ndai, ngu nna shi hpe htan we ai. Shaloi shi gaw, Dai ni gaw, dai ru tsang kaba kata na hkrang pru wa nna, tinang a hpun palawng hpe Sagu Kasha a asai hta hkrut jahpraw la ai ni rai nga ma ai.